ওয়াত্তেতারাংনা 26:2 - Garo New Testament

² “ও রাজা আগ্রিপ্প, যিহূদীরাং আংখো জেগিত্তা দোস হন·জক উখো চাংফেংএ দা·আলো নাং·নি মিকখাংও আন·থাংনি গিম্মিন আগানানি চলখো মা·ন্নে আংআ আন·থাংখো রাসং গ্মাংগিবা ইন্নে চানচিংআ,

ওয়াত্তেতারাংনা 26:2 Iomraidhean Croise

মথিনি চকগিবা নাম্মা খাৎথা 10:19

জেনসালো মান্দিরাং না·সংখো রি·ম্মে হ·ন্নুয়া উনসালো বাদিকে দাক্কে আরো মুয়াখো আগান্না নাংনুয়া উখো রা·এ দা·আ চানচিয়া। মুয়াখো আগান্নুয়া উখো উনসালোন না·সংনা আগানে হ·ন্নুয়া।

লূকনি চকগিবা নাম্মা খাৎথা 12:11

মান্দিরাং জেনসালো না·সংখো থম·দাকরামচা আরো শাসন দাকগিবাচা আরো বিলগ্মাং মান্দিরাংনি মিকখাংচা রিম্মাংনুয়া, উনো বাদিকে দাক্কে আন·থাংথাংনা চাক্কে আগান্নুয়া বা মুয়াখো আগানচাকনুয়া উনি গিম্মিন দা·আ জাজ্রেংআবো।

লূকনি চকগিবা নাম্মা খাৎথা 21:12

“ইয়া গিম্মিক হা·সেলরাং হং·না স্খাং মান্দিরাং না·সংখো রিম·নুয়া আরো না·সংখো দুক হ·ন্নুয়া। বিচাল দাকনা ইন্নে মান্দিরাং না·সংখো থম·দাকরামচা রা·আংনুয়া আরো জেলো দন্নুয়া। আংনি গিম্মিন রাজারাংনি আরো শাসন দাকগিবারাংনি মিকখাংচানা না·সংখো রিম্মাংনুয়া,

ওয়াত্তেতারাংনা 25:26

ইন্দিবা দাল·বাৎগিবা সম্রাটচা চকনা গিত্তা মামুংখোন মান·জাজক। উনি গিম্মিন আংআ না·সংনি গিম্মিকনি মিকখাংও, মংসংবাত্তে রাজা আগ্রিপ্প নাং·নি মিকখাংও বিখো রিমবাজক জেদাক্কে বিখো সিং·থাএ আংআ মামুংখো চকনা মা·ন্না;

ওয়াত্তেতারাংনা 26:1

উনোন আগ্রিপ্প পৌলখো ইনজক, “নাং·খো আন·থাংনি গিম্মিন খাৎথা আগান্না হন·জক।” উনোন পৌল জাকখো সিল্লে আন·থাংনি গিম্মিন ইন্দাকে আগানজক,

ওয়াত্তেতারাংনা 26:19

“রাজা আগ্রিপ্প, ইনি গিম্মিন সালগিওনি ইয়া মিকজুমাংচা আংখো জেখো আগানা আংআ উখো মানিগিজাগিবা হং·জা।

ওয়াত্তেতারাংনা 26:26

রাজাদে ইরাংখো হা·আইয়ান আরো আংআ বিমুং গিম্মিকখোন ফারাকে আগান্না মা·ন্না। আরো ইখো আংআ নাম্মেদাক্কেন হা·আইয়া, ইনি মামুংআন বিনি মিৎথিনাও হং·জা, মুয়ানা ইরাংদে সিউল দাক্কে হং·জা।

ওয়াত্তেতারাংনা 26:3

মংসংদে যিহূদীরাংনি দাকবেওয়াল আরো জিগ্রিকানি গিম্মিন না·আ নাম্মেদাক্কেন হা·আইয়া। ইনি গিম্মিন আংনি খাৎথাখো চাকচিকে খিন্নাচাকখানা আংআ নাং·খো মল·মলা।

ওয়াত্তেতারাংনা 26:7

চিংনি চি·গ্মি জাতনি মান্দিরাং সালওয়াল গিসিক নাংএ ইসলনা দাকচাকে হ·ন্নে উয়া খু·রাচাক্কানি চু·সকাখো নিকনা খা·দংএ দংআ। দাল·বাৎগিবা রাজা, উয়া খা·দংআনি গিম্মিনান যিহূদীরাং আংখো দোস হ·ন্নিংআ।