ওয়াত্তেতারাংনা 21:3 - Garo New Testament

³ জা·মানো সাইপ্রাস চিচাংখো নিক্কে চিংআ সিরিয়া হা·সংনি সোর সংজিলমাচা রি·য়াংএ জাহাসওনি হং·খাতজক। উয়ো জাহাসনিখো চিংনি মালরাংখো রং·খাতনা খাৎথা দংআমিং।

ওয়াত্তেতারাংনা 21:3 Iomraidhean Croise

মথিনি চকগিবা নাম্মা খাৎথা 11:21

‘‘হং·সিখানা নাং·না কোরাসীন, হং·সিখানা নাং·না বৈৎসৈদা! না·সংও দাকগিবা বিল্লাকগিবা কামরাংখো সোর আরো সীদোন সংজিলমাও দাক্কোদে ইন্দাকোদে বাসোকোনিন বিসং ছালা গান্নে হা·দুবু সিত্তে পাপওনি গিসিক ফিল·নুয়ামিং।

মথিনি চকগিবা নাম্মা খাৎথা 4:24

সিরিয়া হা·সং গিম্মিকচানা বিনি খাৎথা গিপ্পাংজক। জে মান্দিরাং জম্মে-সাএ আরো সা·দিকে-সা·খামে দংআমিং, জেরাংখো গিসিক নামগিজাগিবা মা·ন্নামিং আরো দেকদেকে গিত্থিলগিবারাংখো আরো হা·আন জাদা সিগিবারাংখো মান্দিরাং যীশুচা রিমবাজক। বিয়া বিসংখো নাম্মেতজক।

লূকনি চকগিবা নাম্মা খাৎথা 10:13

“হং·সিখানা নাং·না কোরাসীন! হং·সিখানা নাং·না বৈৎসৈদা! না·সংও দাকগিবা বিল্লাকগিবা কামরাংখো সোর আরো সীদোন সংজিলমাও দাক্কোদে বাসোকোনিন বিসং ছালা গান্নে হা·দুবুও আসংএ পাপওনি গিসিকখো ফি·ল্লেতনুয়ামিং।

লূকনি চকগিবা নাম্মা খাৎথা 2:2

সিরিয়াখো শাসন দাকগিবা কুরীণিয়নি সময়ও মান্দি চান্না ইন্নে ইয়ান স্খাংগিবা বিমুং চক্কানি হং·আমিং।

ওয়াত্তেতারাংনা 11:19

স্তিফানখো রা·এ বিবিরা·গিবারাংখো গিচ্চিয়েতানি গিম্মিন জেরাং বিলদিং বিলদাং হং·আংআমিং বিসং ফৈনীকিয়া, সাইপ্রাস আরো সিরিয়া হা·সংনি আন্তিয়খিয়াওনা দিপ্পাৎ রি·য়াংএ যিহূদীরাংচাসান ইসলনি খাৎথাখো আগানজক।

ওয়াত্তেতারাংনা 12:20

উয়া সময়ও হেরোদ সোর আরো সীদোন সংজিলমানি মান্দিরাংখো খা·আওনাংবিজক। উনো উয়া হা·দামনি মান্দিরাং আপসান হং·এ হেরোদমুং গ্রংনা রি·য়াংজক। রাজানি থুগিবা নকনি বিবিগিবা নকখল ব্লাস্ত মিংগিবাখো আন·থাংথাংওনা রা·বাএ বিসং রাজামুং নাংরিমনা হাম·জক, মুয়ানা রাজা হেরোদনি হা·সংওনিন বিসংনি হা·সংওনা চা·আরাং সকবানুয়ামিং।

ওয়াত্তেতারাংনা 13:4

গিসিক রংথালগিবা বার্ণবা আরো শৌলখো ইন্দাকে ওয়াত্তেতানি জা·মানো উয়া সাকগ্মি সিলুকিয়াওনা রি·য়াংজক। জা·মানো উয়োনি বিসং জাহাসও দাক্কে সাইপ্রাস চিচাংওনা রি·য়াংজক।

ওয়াত্তেতারাংনা 15:23

বিসংমুং ইয়া চিঠিখো ওয়াত্তেতজক: আন্তিয়খিয়া, সিরিয়া আরো কিলিকিয়ানি বিবিরা·গিবা গিপ্পিন জাতনি জংআদারাংচা চিংআ ওয়াত্তেতারাং আরো মন্ডলীনি দাল·গিবারাং, আগানস্খাওদে না·সংনি জংআদারাং ইয়া চিঠিখো চক্কিংজক। না·সংনি নামখানা।

ওয়াত্তেতারাংনা 15:39

উনোন পৌল আরো বার্ণবামুং আপসান হং·জাজক, বিসং সাকসা সাকগিপ্পিনচানি দিংথাং হং·গ্রিকজক। বার্ণবা মার্কখো রা·এ জাহাসও দাক্কে সাইপ্রাসওনা রি·য়াংজক, আরো পৌল সীলখো বাচ্ছিয়ে রা·জক।

ওয়াত্তেতারাংনা 15:41

পৌল সিরিয়া আরো কিলিকিয়া গিত্তা রি·য়াংএ গিম্মিক মন্ডলীরাংনি বিবিরা·আখো বাং·এতে বিসংখো বিল্লাকেতজক।

ওয়াত্তেতারাংনা 18:18

সালসা সালগ্মি করিন্থওনা দংআনি জা·মানো পৌল বিবিরা·গিবা জংআদারাংখো ওয়াত্তে রি·য়াংজক আরো আকিলা আরো প্রিষ্কিল্লামুং চি রামা গিত্তা সিরিয়া হা·সংও রি·বাজক। পৌলনি খু·মিচেতা দংআমিং ইন্নে রি·য়াংনা স্খাং কিংক্রিয়াও বিনি স্খুনি খিন্নিখো রাত্তে গাল্লামিং।

ওয়াত্তেতারাংনা 21:16

কৈসরিয়ানি মিত্তাম জা·রিকগিবারাং চিংমুং রি·য়াংফাজক আরো ম্নাসোন মিংগিবা সাইপ্রাসনি সাকসা মান্দিনি নকচানা রিম্মাংজক। বিনি নক্কোন চিংনি দংআনি খাৎথা দংআমিং। বিয়া স্খাংগিবা জা·রিকগিবারাংওনি সাকসামিং।

ওয়াত্তেতারাংনা 21:2

উনোন চিংআ উয়া জাহাসও গাদোএ রি·য়াংজক।

ওয়াত্তেতারাংনা 21:7

সোরওনি চিংআ তলিমায়িওনা সকজক। উয়ো বিবিরা·গিবা জংআদারাংখো সালাম হ·ন্নে বিসংমুং সালসা দংফাজক।

ওয়াত্তেতারাংনা 27:4

জা·মানো উয়োনি দা·আবা চিংনি জাহাস ওয়াতজক। বালওয়া থারাকানি গিম্মিন সাইপ্রাসনি জেগিত্তা বালওয়া দংজামিং চিংআ উগিত্তা রি·য়াংজক।

ওয়াত্তেতারাংনা 4:36

লেবিনি মা·চংও যোষেফ মিংগিবা মান্দি সাকসা দংআমিং। সাইপ্রাস চিচাংও বিনি নক দংআমিং। ওয়াত্তেতারাং বিখো বার্ণবা, আগানস্খাওদে খা·দংএতগিবা ইন্নে রিক্কামনুয়ামিং।