ওয়াত্তেতারাংনা 2:9 - Garo New Testament

⁹ পার্থীয়, মাদীয়, এলমীয় মান্দি আরো মেসোপতেমিয়াও সংদংগিবা মান্দিরাং, যিহূদিয়া আরো কাপ্পাদকিয়া, পন্ত আরো এশিয়া হা·দক,

ওয়াত্তেতারাংনা 2:9 Iomraidhean Croise

ওয়াত্তেতারাংনা 16:6

গিসিক রংথালগিবা পৌল আরো বিনি রিপ্পেংরাংখো এশিয়া হা·দকো আগানফ্রাকনা হন·জাজক। উনোন বিসং ফরুগিয়া আরো গালাতিয়া হা·দকনি হা·দাম গিম্মিকচা রি·য়াংজক।

ওয়াত্তেতারাংনা 18:2

উয়ো বিয়া আকিলা মিংগিবা যিহূদী সাকসাখো গ্রংজক। আকিলা পন্ত হা·দকো আৎচিয়ামিং। সম্রাট ক্লৌদিয় গিম্মিক যিহূদীরাংখো রোমখো ওয়াত্তে রি·য়াংখানা গি·য়েতামিং। উনি গিম্মিন বাং·গিজা সালনা স্খাংও আকিলা বিনি জিকগিবা প্রিষ্কিল্লাখো রা·এ ইটালীওনি করিন্থওনা রি·বামিং। পৌল বিসংচা রি·য়াংজক।

ওয়াত্তেতারাংনা 19:10

বিলসিগ্মি ইন্দাকেন হং·জক। উনি গিম্মিন এশিয়া হা·দকো দংগিবা যিহূদী আরো গ্রীকরাং গিম্মিকান গিত্তেলনি খাৎথাখো খিন্নানা মান·জক।

ওয়াত্তেতারাংনা 19:27

ইনি হা·সেল আনচিংনি বাদিংআনি রাসং দংজানুয়া ইয়াসান হং·জা, ইন্দিবা দাল·বাৎগিবা মিত্তে মিচিক আর্তেমিসখো অলাখিগিবা নকবা বু·আনি হং·নুয়া। আরো এশিয়া হা·দকনি মান্দি গিম্মিকরাং, আরো হা·গিলসাকনি গিম্মিকান জে মিত্তে মিচিকখো অলাখিয়া বিয়া আন·থাংবা দাল·বাৎজানুয়া।”

ওয়াত্তেতারাংনা 19:31

উয়া হা·দকনি মিত্তাম কাম রিম·গিবারাং পৌলনি রিপ্পেং হং·আমিং। বিসংবা পৌলখো মল·মলে আগানেতজক জেদাক্কে বিয়া উয়া খ্রিমাওনা রি·য়াংজা।

ওয়াত্তেতারাংনা 2:8

ইন্দাকোদে আনচিং দিমদাকান বাদিকে দাক্কে আন·থাংথাংনি খু·সুকখো বিসংখো আগানাখো খিন্নাংআ?

ওয়াত্তেতারাংনা 20:16

এশিয়া হা·দকো জেদাক্কে পৌলখো হারিমে দংনা নাংজা উনি গান্দা বিয়া থিক দাক্কামিং, বিয়া ইফিষও দংদিপগিজা উনি সেফাং গিত্তা রি·য়াংনুয়া। যিরূশালেমচানা সকনা বিয়া থেংরি দাক্কিংআমিং জেদাক্কে মা·ন্নোদে সাল সৎবংআনি সালো উয়োনা দংনা মা·ন্না।

ওয়াত্তেতারাংনা 20:18

বিসং উয়ো সক্কানি জা·মানো পৌল বিসংনা আগানজক, “এশিয়া হা·দকো রি·বানি জা·মানো স্খাংগিবা সালোনি ফাংনাজ্রিং আংআ না·সংমুং বাদিকে দংজক উখোদে না·সং হা·আইয়ান।

ওয়াত্তেতারাংনা 20:4

বিরয়াওনি পুর্হনি দেফান্থি সোপাত্র, থিষলনীকীওনি আরিষ্টার্খ আরো সিকুন্দ, দর্বীওনি গাইয়, তীমথিয় আরো এশিয়াওনি তুখিক আরো ত্রফিম পৌলমুং রি·য়াংফাজক।

ওয়াত্তেতারাংনা 21:27

রংথালানি উয়া সাল স্নিনি জা·মানো এশিয়া হা·দকনি মিত্তাম যিহূদী পৌলখো থরম নক্কো নিকজক। বিসং উনি গিম্মিক মান্দিরাংখো খা·আওনাংএতজক আরো পৌলখো রিম·জক।

ওয়াত্তেতারাংনা 24:18

আন·থাংখো রংথালেতানি জা·মানো আংনি উয়া কামখো দাকমিত্তিংওন বিসং আংখো থরম নক্কো নিক্কামিং। আংনি কেচ্চিও মান্দি জিলমাবা দংজা বা আংখো রা·এ গোলমালবা হং·জা।

ওয়াত্তেতারাংনা 27:2

চিংআ আদ্রামুত্তীয়নি জাহাসও গাখাতে রি·না হা·বাচেংজক। এশিয়ানি গিপ্পিন গিপ্পিন সাগাল চিবাতরামচা রি·য়াংনা ইন্নে জাহাস থারিয়ান দংআমিং। ম্যাসিডোনিয়া হা·দকনি থিষলনীকী সংজিলমানি আরিষ্টার্খ চিংমুং দংআমিং।

ওয়াত্তেতারাংনা 6:9

জে থম·দাকরামখো জক্কেৎগিবা মান্দিরাংনি থম·দাকরাম ইন্নুয়ামিং উয়া থম·দাকরামনি মিত্তাম মান্দিরাং স্তিফানমুং বোবিল দাকজক। বিসং কুরীণী আরো আলেক্‌জান্দ্রিয়া সংজিলমাওনি আরো কিলিকিয়া আরো এশিয়া হা·দকনি মিত্তাম যিহূদীরাং হং·আমিং।

ওয়াত্তেতারাংনা 7:2

স্তিফান আগানচাকজক, “ও আংনি জংআদারাং আরো ফাগিবারাং, আংনি খাৎথাখো খিন্নাবো। আনচিংনি ফাগিৎচাম অব্রাহাম হারণ সংজিলমাও দংনা স্খাং মেসোপতেমিয়া হা·সংও দংমিত্তিংও রাসংনি ইসল বিনা মিকখাং ফা·এ আগানামিং,

রোমানরাংনা 16:5

বিসংনি নক্কো মন্ডলী হং·এ জেরাং আপসান হং·আ বিসংখোবা সালাম হন·বো। এশিয়া হা·দকো খ্রীষ্টখো স্খাং জে রা·চাকামিং আংনি উয়া খা·সাগিবা রিপ্পেং ইপেনিতখো সালাম হন·বো।

1ম করিন্থীয়রাংনা 16:19

এশিয়া হা·দকনি মন্ডলীরাংনি মান্দিরাং না·সংখো সালাম হ·ন্নিংআ। আকিলা, প্রিষ্কিল্লা আরো বিসংনি নকনি মন্ডলীরাংনি মান্দিরাং গিত্তেলনি খা·সামুং না·সংখো সালাম হ·ন্নিংআ।

2য় করিন্থীয়রাংনা 1:8

এশিয়া হা·দকো চিংআ জে দুকও গা·আকামিং, আংআ হা·ম্মা উখো জেদাক্কে না·সং হা·আইনা মা·ন্না। উয়ো ইন্দাকে চাকনা হামফিলগিজা সিনজেতা চিংনি সাক্কাও হং·আমিং জেনি হা·সেল চিংআ থাংএ দংনা খা·দংজাজকমিং।

2 তীমথিয় 1:15

না·আ হা·আইয়া এশিয়া হা·দকনি গিম্মিকান আংচানি জিত্তাংজক। বিসংনি গিসেপো ফুগিল্ল আরো হর্মগিনি দংআ।

পিতর 1:1

ইসলনি বাচ্ছিয়ে দনগিবা জে মান্দিরাং পন্ত, গালাতিয়া, কাপ্পাদকিয়া, এশিয়া আরো বিথুনিয়া হা·দকো গিপ্পাংএ হা·সং গিপ্পিননি মান্দি গিত্তা সংদংইংজক, বিসংচা আংআ যীশু খ্রীষ্টনি ওয়াত্তেতা পিতর ইয়া চিঠিখো চক্কিংজক।

ফারাকগিবা খাৎথা 1:11

বিয়া আংনা আগানজক, “জেখো নিকনুয়া উখো গি·সা খি·তাপও চকবো, আরো উখো ইফিষ, স্মূর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আরো লায়দিকেয়া- ইয়া দামস্নি সংজিলমানি গি·স্নি মন্ডলীরাংচা ওয়াত্তেতবো।”

ফারাকগিবা খাৎথা 1:4

আংআ যোহন এশিয়া হা·দকনি গি·স্নি মন্ডলীচা চক্কিংজক। জেআন দংআ, জেআন দংআমিং আরো জেআন রি·বাংজক বিয়া আরো বিনি সিংহাসননি মিকখাংও জে সাকস্নি গিসিক দংআ বিসং আরো যীশু খ্রীষ্ট না·সংনা খা·সাচাকখানা আরো থম·থমাখো হন·খানা। যীশুআন বিবিগিবা সাক্ষি আরো সিয়াওনি বিয়ান স্খাং থাংচামিং আরো বিয়ান হা·গিলসাকনি রাজারাংখো শাসন দাকগিবা হং·আ। বিয়া আনচিংনা খা·সা আরো আন·থাংনি হান·চিচা পাপওনি আনচিংখো জক্কেৎজক।