ওয়াত্তেতারাংনা 13:3 - Garo New Testament

³ উনোন বিসং অকগুমিন দংএ আরো বি·এ উয়া সাকগ্মিনি সাক্কাও জাক দনদাপজক আরো বিসংখো ওয়াত্তেতজক।

ওয়াত্তেতারাংনা 13:3 Iomraidhean Croise

ওয়াত্তেতারাংনা 1:24

জা·মানো বিসং ইন্দাকে আগানে বি·জক, “গিত্তেল, না·আ দিমদাকনি খা·থংখোন হা·আইয়া। যিহূদা বিনি মান·গ্মি শাস্তিখো মা·ন্না ইন্নে ওয়াত্তেতানি কামখো ওয়াতজক। দা·আও ইয়া সাকগ্মিওনি জেখো না·আ বাচ্ছিজক বিখো না·আ চিংনা ফিন্নিকবো।”

ওয়াত্তেতারাংনা 13:2

বিসং অকগুমিন দংএ গিত্তেলখো অলাখিমিত্তিংও গিসিক রংথালগিবা বিসংনা আগানজক, “বার্ণবা আরো শৌলখো আংআ জে কামনা রিক্কামা আংনি উয়া কামনি গিম্মিন দা·আও বিসংখো দিংথাং দাকবো।”

ওয়াত্তেতারাংনা 13:4

গিসিক রংথালগিবা বার্ণবা আরো শৌলখো ইন্দাকে ওয়াত্তেতানি জা·মানো উয়া সাকগ্মি সিলুকিয়াওনা রি·য়াংজক। জা·মানো উয়োনি বিসং জাহাসও দাক্কে সাইপ্রাস চিচাংওনা রি·য়াংজক।

ওয়াত্তেতারাংনা 14:23

বিসং গিম্মিক মন্ডলীও দাল·গিবারাংনা কাম হন·জক আরো জে গিত্তেলখো বিসং বিবিরা·আমিং, বি·এ আরো অকগুমিন দংএ উয়া গিত্তেলনি জাক্কোন মন্ডলীনি মান্দিরাংখো ফাকওয়াকেতজক।

ওয়াত্তেতারাংনা 14:26

জা·মানো অত্তালিয়াওনি জাহাসও দাক্কে সিরিয়া হা·সংনি আন্তিয়খিয়াওনা ফিল·বাজক। জে কামখো বিসং দা·আও ব·ন্নেতজক উয়া কামনা ইয়া আন্তিয়খিয়াওন ইসলনি খা·সাচাক্কাও বিসংখো ফাকওয়াত্তেতামিং।

ওয়াত্তেতারাংনা 15:40

উনোন আন্তিয়খিয়ানি জংআদারাং পৌল আরো সীলখো গিত্তেলনি খা·সাচাক্কাও হ·ন্নানি জা·মানো বিসং রি·য়াংজক।

ওয়াত্তেতারাংনা 6:6

জা·মানো বিসং ইয়া মান্দিরাংখো ওয়াত্তেতারাংচা রিম্মাংজক। উনোন ওয়াত্তেতারাং বি·জক আরো কামরাংখো দাক্কেতনা বিসংনি সাক্কাও জাক দনদাপজক।

ওয়াত্তেতারাংনা 9:17

উনোন অননিয় রি·য়াংএ উয়া নক নিং·আচা নাপজক আরো শৌলনি বে·এনো জাক দনদাপে আগানজক, “জং শৌল, ইনো রি·বামিত্তিংও নাং·না মিকখাং ফা·গিবান গিত্তেল যীশু। বিয়ান আংখো ওয়াত্তেতজক জেদাক্কে না·আ নিকফিলনা মা·ন্না আরো গিসিক রংথালগিবাও গাপ্পা।”

রোমানরাংনা 10:15

ইনাআগ্রেবা সাবা ওয়াত্তেতজাওদে বাদিকে দাক্কে আগানফ্রাকগিবারাং আগানফ্রাকনুয়া? রংথালগিবা শাস্ত্রও চক্কা দংআ, “রাসং দাকনা বিসংনি জা·চকনা জেরাং নাম্মা খাৎথাখো আগানফ্রাকনা রি·বাআ।”

1 তীমথিয় 4:14

মন্ডলীনি দাল·গিবারাং জেনসালো নাং·নি সাক্কাও বিসংনি জাকখো দন্নামিং উনো আগানসোগিবা গিত্তা দাক্কে খু·সুক আগানানি জে মংসংগিবা হ·ন্নানিখো নাং·না হ·ন্নামিং উখো না·আ দা·আ গাল্লে দন্নাবো।

1 তীমথিয় 5:22

থেংরি দাক্কে সানিবা সাক্কাও জাক দন্নে সাকসাখো মামুং কামনা দা·আ থিক দাক্কাবো। গিপ্পিনরাংনি পাপ দাক্কাও বিসংমুং দা·আ দংফাবো। আন·থাংখো খাকখেৎ দনবো।

2 তীমথিয় 1:6

ইনি গিম্মিন আংআ নাং·না দা·আবা ইয়া খাৎথাখো আগান্না হা·ম্মা-নাং·নি সাক্কাও আংনি জাক দন্নাচা ইসল নাং·না জে হ·ন্নানিখো হন·জক উখো দা·আবা দি·চাবো।

2 তীমথিয় 2:2

বাং·আ সাক্ষিরাংনি মিকখাংও আংনি খু·সুকও জে স্খিয়ানি খাৎথাখো না·আ খিন্নাজক উয়া স্খিয়াখো রি·ম্মে রা·রিকনা না·আ ইন্দাকা বিবিগিবা মান্দিরাংনা হন·বো জেরাংনি গিপ্পিনরাংখো স্খিয়েতানি বিল দংআ।

3 যোহন 1:6

মন্ডলীনি দিমদাকনি মিকখাংও বিসং নাং·নি খা·সানি খাৎথাখো আগানজক। ইসল জেদাক্কে খুসি হং·আ উয়ানদাক্কে না·আ বিসংনি রি·য়াংআনিখো দাক্কে হ·ন্নোদে নামনুয়া।

3 যোহন 1:8

উনি গিম্মিন ইন্দাকগিবা মান্দিরাংনা আনচিংনি দাকচাকনা নাংআ, জেদাক্কে ইসলনি বিবিনা আনচিংবা বিসংনি কাম খা·রিমগিবা হং·আ।