ওয়াত্তেতারাংনা 13:1 - Garo New Testament

¹ আন্তিয়খিয়ানি মন্ডলীরাংও মিত্তাম আগানসোগিবা আরো স্খিগিবা দংআমিং। বিসংনি বিমুং হং·আ বার্ণবা, নীগের মিংগিবা শিমোন, কুরীণী সংজিলমাওনি লুকিয়, শাসন দাকগিবা হেরোদমুং দংগিবা মনহেম আরো শৌল।

ওয়াত্তেতারাংনা 13:1 Iomraidhean Croise

মথিনি চকগিবা নাম্মা খাৎথা 27:32

উয়োনি হং·খাতমিত্তিংও সিপাইরাং কুরীণী সংজিলমানি শিমোন মিংগিবা সাকসা মান্দিখো নিকনা মান·জক। সিপাইরাং বিখো যীশুনি চিসলখো রিপ্পিএ রা·আংনা হন·জক।

লূকনি চকগিবা নাম্মা খাৎথা 3:1

তিবিরিয় কৈসর রোমনি সম্রাট হং·আনি চি·বংআগিবা বিলসিও পন্তীয় পীলাত যিহূদিয়া হা·দকনি দাল·গিবা শাসন দাকগিবা হং·আমিং। হেরোদ উনো গালীল হা·দকখো আরো বিনি জংগিবা ফিলিপ যিতুরিয়া হা·দকখো আরো ত্রাখোনীতিয়াখো শাসন দাক্কিংআমিং। লুষানিয়া অবিলীনীনি শাসন দাকগিবা হং·আমিং,

ওয়াত্তেতারাংনা 11:30

বিসং বার্ণবা আরো শৌলনি জাক্কো যিহূদিয়ানি মন্ডলীরাংনি মি·আফারাংচা উয়া দাকচাকাখো ওয়াত্তেতামিং।

ওয়াত্তেতারাংনা 12:25

বার্ণবা আরো শৌলনি কাম ব·ন্নানি গিম্মিন বিসং যোহনখো রা·এ যিরূশালেমচানা রি·য়াংফিলজক। ইয়া যোহনখো মার্ক ইন্নেবা রিক্কামনুয়ামিং।

ওয়াত্তেতারাংনা 13:9

উনোন গিসিক রংথালগিবাও গাপ্পে শৌল, জেখো পৌল ইন্নেবা রিক্কামনুয়ামিং, ইলুমাচানা নিএ আগানজক,

ওয়াত্তেতারাংনা 15:32

যিহূদা আরো সীল আন·থাংথাংবা আগানসোগিবা হং·আমিং; উনি গিম্মিন বিসং বাং·আ খাৎথাখো আগানে উনি জংআদারাংখো খা·দংএতজক আরো বিসংনি বিবিরা·আখো বাং·এতে বিসংখো বিল্লাকেতজক।

ওয়াত্তেতারাংনা 15:35

ইন্দিবা পৌল আরো বার্ণবা আন্তিয়খিয়াওন দংজক। উয়ো বিসং বাং·আরাংমুং গিত্তেলনি খাৎথাখো স্খিনা আরো আগানফ্রাকনা হা·বাচেংজক।

ওয়াত্তেতারাংনা 19:6

উনোন পৌল বিসংনি সাক্কাও জাকখো দনদাপানি জা·মানো বিসংনি সাক্কাও গিসিক রংথালগিবা রি·বাজক, আরো বিসং দিংথাং দিংথাং খু·সুকচা খাৎথা আগান্না আরো আগানসোগিবা গিত্তা ইসলনি খাৎথাখো আগান্না হা·বাচেংজক।

ওয়াত্তেতারাংনা 21:9

বিনি সেখিমগিজাগিবা সাকব্রি দেমিচিক দংআমিং। বিসং মান্দিরাংচা আগানসোগিবা গিত্তা ইসলনি খাৎথাখো আগান্নুয়ামিং।

ওয়াত্তেতারাংনা 4:36

লেবিনি মা·চংও যোষেফ মিংগিবা মান্দি সাকসা দংআমিং। সাইপ্রাস চিচাংও বিনি নক দংআমিং। ওয়াত্তেতারাং বিখো বার্ণবা, আগানস্খাওদে খা·দংএতগিবা ইন্নে রিক্কামনুয়ামিং।

ওয়াত্তেতারাংনা 9:1

উয়া সময়ও শৌল গিত্তেলনি জা·রিকগিবারাংখো স·ওতে গালনুয়া ইন্নে খেন্নেতিংআমিং। দামেস্ক সংজিলমানি থম·দাকরামরাংও হ·ন্না ইন্নে বিয়া খামাল দাল·বাৎগিবারাংচা রি·য়াংএ চিঠি হাম·জক। যীশুনি রামাও রি·গিবা মান্দি গিম্মিকখো মি·আসাবা হং·খানা মিচিকসাবা হং·খানা, বিসংখো মান·জোকনো জেদাক্কে বিসংখো খায় যিরূশালেমচা রা·বানা মা·ন্না উয়া বিলনান বিয়া উয়া চিঠিখো হা·ম্মামিং।

রোমানরাংনা 16:21

আংমুং কাম দাকফাগিবা উয়া তীমথিয় না·সংখো সালাম হ·ন্নিংআ; লুকিয়, যাসোন আরো সোষিপাত্রবা না·সংখো সালাম হ·ন্নিংজক। বিসংবা আংগিত্তান যিহূদী জাতনি মান্দি হং·আ।

1ম করিন্থীয়রাংনা 11:4

জে মি·আসা স্খু ফিনদাপে বি·আ বা আগানসোগিবা গিত্তা ইসলনি খাৎথাখো আগানা বিয়া বিনি স্খুখো চন্নিকা।

1ম করিন্থীয়রাংনা 13:2

আগানসোগিবা গিত্তা খাৎথা আগানানি বিল দংওদে, নিং·থুগিবারাংখো হা·আইনা মা·ন্নোদে, আরো আংনি গিম্মিক হা·আইয়ারাং দংওদে, আরোবা হা·ব্রিখো হা·দাম দামসাওনি হা·দাম দামসাওনা জিত্তেতনা গিত্তা বিবিরা·আ দংওদে, ইন্দিবা আংও খা·সা দংজাওদে আংনি মামুং দামআন দংজা।

1ম করিন্থীয়রাংনা 13:8

ইয়া খা·সাদে মামুং সালোবা বন·জা। আগানসোগিবা গিত্তা খাৎথা আগানানি বিল দংগিবা ব·ন্নাংনুয়া; দিংথাং দিংথাং খু·সুুকচা খাৎথা আগানানি বিল রি·য়াংনুয়া; হা·আইয়াবা ব·ন্নাংনুয়া;

1ম করিন্থীয়রাংনা 14:29

জেরাং আগানসোগিবা গিত্তা খু·সুক আগানা বিসং সাকগ্মি বা সাকগিত্থাম দাক্কে খু·সুক আগানখানা আরো সাকগিপ্পিনরাং উনি বিচালখো দাক্কে নিখানা।

1ম করিন্থীয়রাংনা 14:32

আগানসোগিবারাংনি গিসিক বিসংনি আন·থাংথাংনি নিং·আও বাম্মে দংআ।

1ম করিন্থীয়রাংনা 9:6

বার্ণবা আরো আংখোসান কাম দাক্কে চা·না নাংনুয়ামা?

গালাতীয়রাংনা 2:13

আন্তিয়খিয়ানি বিবিরা·গিবা গিপ্পিন যিহূদীরাং পিতরমুং ইন্দাকে বু·এ চা·ফামিং। আরোবা, বার্ণবাবা বিসংনি বু·এ চা·আনা ব্রাংগিবা রামাও রি·য়ামিং।

গালাতীয়রাংনা 2:9

উয়া দা·ল্লা-রাক্কা মান্দিরাং, আগানস্খাওদে যাকোব, পিতর আরো যোহন ইরাংখো নিক্কে হা·আইনা মা·ন্নামিং, ইসলচাখো আংআ মংসংগিবা খা·সাচাক্কাখো মা·ন্না। বিসংমুং চিংনি নাংরিমাখো ফিন্নিকনা ইন্নে বিসং আংমুং আরো বার্ণবামুং জাক্রা জাকখো মেলিগ্রিকেতজক। চিংআ গিপ্পিন জাতরাংচা রি·য়াংনুয়া আরো বিসং আন·থাং যিহূদীরাংচা রি·য়াংনুয়া ইন্নে বিসং গং·জক।

ইফিষীয়রাংনা 4:11

বিয়ান মিত্তাম মান্দিখো ওয়াত্তেতা, মিত্তামখো আগানসোগিবা, মিত্তাম মান্দিখো নাম্মা খাৎথাখো আগানফ্রাকগিবা আরো মিত্তামখো ফামং আরো স্খিএতগিবা দাক্কে বাচ্ছিয়ে রা·জক।

ফিলিপীয়রাংনা 4:22

ইসলনি গিম্মিক মান্দিরাং জেরাং ইয়ো দংআ, মংসংদে সম্রাট কৈসরনি নকনি মান্দিরাং না·সংনা সালাম র·ন্নিংআ।

1 থিষলনীকী 5:20

জেরাং আগানসোগিবা হং·এ ইসলনি খাৎথাখো আগানা বিসংনি খাৎথাখো দা·আ চন্নিকাবো, বাত্তেসা গিম্মিকখোন থিকখেলে নিবো।