ওয়াত্তেতারাংনা 11:3 - Garo New Testament

³ “না·আ বিগিল রাতগিজা মান্দিরাংনি নকচা রি·য়াংএ বিসংমুং চা·জক রিংজক।”

ওয়াত্তেতারাংনা 11:3 Iomraidhean Croise

মথিনি চকগিবা নাম্মা খাৎথা 9:11

উখো নিক্কে ফরীশীরাং যীশুনি জা·রিকগিবারাংনা আগানজক, ‘‘না·সংনি স্খিগিবা, খাজিনা গিলগিবা আরো নামগিজা মান্দিরাংমুং মুয়ানা চা·ফাংআ রিংফাংআ?’’

লূকনি চকগিবা নাম্মা খাৎথা 15:2

উনি গিম্মিন ফরীশীরাং আরো শাস্ত্র স্খিগিবারাং ইখো আগানে খা·আওনাংনা হা·বাচেংজক, “ইয়া মান্দিদে নামগিজা মান্দিরাংমুং দংরিমা আরো চা·রিমা।”

যোহননা 18:28

যিহূদী দাল·বাৎগিবারাং ফ্রিংও যীশুখো কাইয়াফাওনি রোমনি দাল·বাৎগিবা শাসন দাকগিবা পীলাতনি নকচা রিম্মাংজক। ইন্দিবা বিসং উয়া নকনি নিং·আও নাপজাজক জেদাক্কোদে রংথালে দংএ ওয়াতচাংআনি চা·আখো চা·না মা·ন্না।

ওয়াত্তেতারাংনা 10:23

উনোন পিতর নক নিং·আচা উয়া মান্দিরাংখো রিংগামে রা·বাজক আরো বিসংনা দংআনিখো আরো চা·আনি-রিংআনিখো থারিয়ে হন·জক। সালগিপ্পিনো পিতর উয়া মান্দিরাংমুং রি·য়াংফাজক। যাফো সংজিলমাওনি বিবিরা·গিবা মিত্তাম জংআদারাংবা বিমুং রি·য়াংফাজক।

ওয়াত্তেতারাংনা 10:28

উনোন বিয়া বিসংনা আগানজক, “না·সংদে ইখো হা·আইয়ান, সাকসা যিহূদী মান্দিনা গিপ্পিন জাতনি মান্দিমুং আপসান হং·রিমা বা বিমুং গ্রংআরাং চিংনি থরমনি নিয়াম হং·জা। ইন্দিবা ইসল আংনা ফিন্নিকজক সাকসাখোবা রংথালগিজাগিবা বা মারাং নাংগিবা ইন্না আংনি খ্রাজা।

ওয়াত্তেতারাংনা 10:32

দা·আও না·আ যাফোচানা মান্দি ওয়াত্তেতবো, আরো শিমোন, জেখো পিতরবা মিংআ, বিখো রিংগামে রা·বাবো। সাগালনি রিক্কামো দংগিবা আরো বিগিলনি কামখো দাকগিবা শিমোননি নক্কোন পিতর চাচ্চি হং·এ দংইংআ।’

ওয়াত্তেতারাংনা 10:48

উনোন বিয়া উয়া মান্দিরাংখো যীশু খ্রীষ্টনি বিমুংও রিপ্পলেতনা গি·য়েৎজক। জা·মানো বিসং পিতরখো বিসংমুং সালসা সালগ্মি দংখানা মল·মলজক।

1ম করিন্থীয়রাংনা 5:11

আংআ জেখো চক্কামিং উনি অর্থ ইয়ান-সাবা আন·থাংখো বিবিরা·গিবা ইন্নেবা বিয়া নামগিজা মান্দি বা মাদ্দুগিবা হং·ওদে, মিত্তে বিমাংখো হামুওদে, গিপ্পিনখো জাচাওদে, চু রিংফেকগিবা বা বু·এ চা·গিবা হং·ওদে, বিমুং দা·আ রি·য়াবো। আরো বিমুং দা·আ চা·না-রিংনাবা রি·য়াংআবো।

গালাতীয়রাংনা 2:12

বিবিরা·গিবা যিহূদীরাংনি জে দল গিপ্পিন জাতরাংখো দ্রাএ বিগিল রাতনা হা·ম্মা, বিসংওনি মিত্তামরাং যাকোবচানি রি·বানা স্খাং পিতর গিপ্পিন জাতরাংমুং চা·রিমনুয়ামিং। ইন্দিবা উয়া দলনি মান্দিরাং রি·বাওন বিয়া বিসংনা খেন্নে গিপ্পিন জাতরাংখো ওয়াত্তে আন·থাংখো দিংথাং দাকজক।

2 যোহন 1:10

দারাংবা না·সংচা রি·বাএ উখো স্খিএতজাওদে ইন্দিদে না·সংনি নক্কো বিখো দা·আ নকচাকাবো আরো দা·আ সালামবা হ·ন্নাবো।