ওয়াত্তেতারাংনা 10:2 - Garo New Testament

² যিহূদী জাত হং·জাওবা বিয়া ইসলনা খা·ফাকগিবামিং আরো বিয়া আরো বিনি নকগিম্মিকান ইসলখো অলাখিনুয়ামিং। বিয়া দিল্লা-চন্নারাংনা থাংখা-পয়সারাংখো বাং·এন হ·ন্নুয়ামিং আরো ইসলচা সালাজ্রিং বি·নুয়ামিং।

ওয়াত্তেতারাংনা 10:2 Iomraidhean Croise

মথিনি চকগিবা নাম্মা খাৎথা 25:17

হাজালগ্মি মান·গিবাবা উয়ানদাক্কে আরোবা হাজালগ্মি থাংখাখো মান·দাপজক।

লূকনি চকগিবা নাম্মা খাৎথা 18:1

জা·রিকগিবারাং ফাংনাজ্রিং বি·খানা আরো খা·দংআ গ্রি হং·জাখানা ইন্নে যীশু বিসংনা ইয়া স্খিয়ানিখো আগানজকঃ “বাগিবাবা সংজিলমা দামসাও সাকসা বিচাল দাকগিবা দংআমিং। বিয়া ইসলনা খেনজানুয়ামিং আরো মান্দিখোবা মান্দি মিংজানুয়ামিং।

লূকনি চকগিবা নাম্মা খাৎথা 2:25

উনসালো যিরূশালেমো শিমিয়োন মিংগিবা সাকসা থরমি আরো ইসলখো অলাখিগিবা মান্দি দংআমিং। ইসল বাসোকো ইস্রায়েলরাংনি দুকখো হা·রিকনুয়া উনি গিম্মিন বিয়া নিচাকসোংআমিং। গিসিক রংথালগিবা বিনি সাক্কাও দংআমিং আরো সিনা স্খাং বিয়া গিত্তেলনি উয়া খ্রীষ্টখো নিকনা মা·ন্নুয়া ইন্নে বিনা ফারাকামিং।

ওয়াত্তেতারাংনা 10:22

উয়া মান্দিরাং আগানজক, “সুবিদার কর্ণীলিয় চিংখো ওয়াত্তেতজক। বিয়া সাকসা থরমি মান্দি আরো বিয়া ইসলখো অলাখিয়া। গিম্মিক যিহূদীরাং বিখো নাম্মা ইন্না। ইসলনি সা·গ্রে সাকসা বিনা গি·য়েৎজক জেদাক্কে বিয়া নাং·খো বিনি নকচা রিম্মাংএ নাং·নি খাৎথাখো খিন্নাআ।”

ওয়াত্তেতারাংনা 10:31

‘কর্ণীলিয়, ইসল নাং·নি বি·আখো খিন্নাজক আরো দিল্লা-চন্নারাংনা নাং·নি হন·চাকারাংখো বিয়া গিসিকো রা·রিকজক।

ওয়াত্তেতারাংনা 10:35

জাত গিম্মিকওনি জেরাং বিখো অলাখিয়া আরো বিনি মিক্রোনও খাকখেৎখো দাকগিবারাংখোন বিয়া রা·চাকা।

ওয়াত্তেতারাংনা 10:4

কর্ণীলিয় খেন্নে উয়া সা·গ্রেচাখো নিএ আগানজক, “আগানবো, গিত্তেল।” সা·গ্রে আগানজক, “নাং·নি বি·আ আরো দিল্লা-চন্নারাংনা নাং·নি হন·চাকারাংনি খাৎথা সালগিওনা সকবাজক আরো ইসল উখো গিসিকো রা·রিকজক।

ওয়াত্তেতারাংনা 10:7

কর্ণীলিয়মুং খাৎথা আগানগিবা সা·গ্রে রি·য়াংআনি জা·মানো কর্ণীলিয় নকখল সাকগ্মি আরো দাকচাকগিবা সাকসা সিপাইখো রিক্কামজক। ইয়া সিপাই ইসলনা খা·ফাকগিবা হং·আমিং।

ওয়াত্তেতারাংনা 11:14

বিয়া নাং·চা জে খাৎথাখো আগান্নুয়া উয়া খাৎথাচা না·আ আরো নাং·নি নকগিম্মিকান পাপওনি জকনুয়া।’

ওয়াত্তেতারাংনা 13:16

উনোন পৌল চাদেংজক আরো জাকখো দি·চাএ আগানজক, “ইস্রায়েলনি মান্দিরাং আরো ইসলনা খা·ফাকগিবা গিপ্পিন জাতরাং, না·সং খিন্নাবো।

ওয়াত্তেতারাংনা 13:26

“জংআদারাং, অব্রাহামনি দেরিচ্ছু-সু·রিচ্ছুরাং আরো ইসলনা খা·ফাকগিবা গিপ্পিন জাতরাং, পাপওনি জক্কেতানি ইয়া খাৎথাখো আনচিংচান ওয়াত্তেতজক।

ওয়াত্তেতারাংনা 13:50

ইন্দিবা যিহূদীরাং ইসলখো অলাখিগিবা মিচিকরাংখো আরো সংজিলমানি দাল·গিবা মান্দিরাংখো খা·আওনাংএতজক। ইন্দাকে বিসং পৌল আরো বার্ণবাখো গিচ্চিয়েতি উয়া জওলনিখো বিসংখো হং·খাত্তেতজক।

ওয়াত্তেতারাংনা 18:8

থম·দাকরামনি নকগিবা ক্রীষপ আরো বিনি নকনি গিম্মিকান গিত্তেলো বিবিরা·জক। ইনাআগ্রেবা করিন্থীয়রাংনি গিসেপো বাং·আরাংআন পৌলনি খাৎথাখো খিন্নাএ বিবিরা·জক আরো রিপ্পলজক।

ওয়াত্তেতারাংনা 2:5

উয়া সময়ও হা·গিলসাকনি গিপ্পিন গিপ্পিন হা·সংরাংওনি ইসলনা খা·ফাকগিবা যিহূদী মান্দিরাং রি·বাএ যিরূশালেমো দংথকিংআমিং।

ওয়াত্তেতারাংনা 22:12

“জা·মানো অননিয় মিংগিবা মান্দি সাকসা আংচা রি·বাজক। বিয়া মোশিনি নিয়ামরাংখো খা·ফাকে মানিনুয়ামিং, আরো উনি গিম্মিক যিহূদীরাং বিখো নাম্মেন মান্দিরা·নুয়ামিং।

ওয়াত্তেতারাংনা 8:2

ইসলনা খা·ফাকগিবা মিত্তাম মান্দিরাং স্তিফানখো গোপজক আরো বিনা গ্রাপবিজক।

ওয়াত্তেতারাংনা 9:11

গিত্তেল বিনা আগানজক, “স্রংআ মিংগিবা রামাচা না·আ রি·য়াংবো। উয়ো যিহূদানি নক্কো শৌল মিংগিবা তার্ষ সংজিলমাওনি মান্দি সাকসাখো সান্দিবো। বিয়া বি·ইংআ আরো মিকজুমাংচা ইখো নিকজক, অননিয় মিংগিবা মান্দি সাকসা রি·বাএ বিনি বে·এনো জাক দন্না জেদাক্কে বিয়া দা·আবা নিকনা মা·ন্না।”

ওয়াত্তেতারাংনা 9:31

উয়া সময়ও যিহূদিয়া, গালীল আরো শমরিয়া হা·দকনি মন্ডলীরাংও থম·থমা দংআমিং, আরো উয়া মন্ডলীরাং হং·বাংআমিং। উনি গিম্মিন গিত্তেলনা খা·ফাকাও আরো গিসিক রংথালগিবানি খা·দংএতাও বিসংবা জালরোরোজক।

ওয়াত্তেতারাংনা 9:36

যাফো সংজিলমাও টাবিথা মিংগিবা জা·রিকগিবা মিচিক সাকসা দংআমিং। গ্রীকচা ইয়া বিমুংনি অর্থ হং·আ দর্কা। বিয়া ফাংনানান গিপ্পিনরাংনা নাম্মাখো দাকচাকনুয়ামিং আরো দিল্লা-চন্নারাংনা হন·চাকনুয়ামিং।

কলসীয়রাংনা 4:2

না·সং মিৎথেলে আরো সিমসাকে বি·এ আন·থাংথাং দংবো;

1 থিষলনীকী 5:17

ফাংনান বি·বো,

যাকোব 1:5

না·সংনি সানিবা হা·আইয়া হং·মানজাওদে বিয়া ইসলচা বি·খানা, উনোন ইসল বিনা উখো র·ন্নুয়া, মুয়ানা ইসল মামুংনাবা মা·নেংগিজা দিমদাকনান জাকস্রামে র·ন্না।

ফারাকগিবা খাৎথা 15:4

গিত্তেল, সা নাং·না খেনজানুয়া? সা নাং·নি বিমুংখো রাসং চাএতজানুয়া? না·আসান রংথালা। গিম্মিক জাত নাং·চা রি·বানুয়া, গিম্মিকান নাং·খো অলাখিনুয়া; মুয়ানা নাং·নি খাকখেৎ বিচাল ফারাকজক।”