ওয়াত্তেতারাংনা 1:11 - Garo New Testament

¹¹ “গালীলনি মান্দিরাং, ইনো চাদেংএ সিলগাচানা মুয়ানা নিএ দংআ? না·সংওনি জেখো রা·দোআংজক উয়া যীশুখো জেদাক্কে না·সং সালগিচানা রি·য়াংআখো নিকজক উয়ানদাক্কেন বিয়া রি·বাফিলনুয়া।”

ওয়াত্তেতারাংনা 1:11 Iomraidhean Croise

মথিনি চকগিবা নাম্মা খাৎথা 16:27

মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া।

মথিনি চকগিবা নাম্মা খাৎথা 16:28

আংআ না·সংনা বিবিন আগানিংআ, মান্দিনি দেফান্থিনি রাজা হং·এ রি·বাখো নিকখুজানা দিপ্পাৎ ইনো দংগিবারাংওনি মিত্তামরাং সিখুজানুয়া।”

মথিনি চকগিবা নাম্মা খাৎথা 24:30

উনোন সিলগাও মান্দিনি দেফান্থিনি চিনখো নিকনা মা·ন্নুয়া। উনো হা·গিলসাকনি গিম্মিক মান্দি দুক হং·এ খা·আখো দকনুয়া। বিসং মান্দিনি দেফান্থিখো বিল আরো রাসংখো রা·এ গাদিলাও দাক্কে রি·বাখো নিকনুয়া।

মথিনি চকগিবা নাম্মা খাৎথা 25:31

“জেনসালো মান্দিনি দেফান্থি গিম্মিক সা·গ্রেরাংখো রা·এ আন·থাংনি রাসংও রি·বানুয়া উনসালো রাজা হং·এ আন·থাংনি রাসংনি সিংহাসনও আসংনুয়া।

মার্ক 13:26

উনোন মান্দিরাং মান্দিনি দেফান্থিখো বাং·আ বিল আরো রাসংখো রা·এ গাদিলাও দাক্কে হা·গিলসাকোনা রি·বাখো নিকনা মা·ন্নুয়া।

মার্ক 14:70

পিতর দা·আবা জিচাকজক। সেফাংও চাদেংএ দংগিবারাংবা অকখিসা জা·মানো পিতরখো আগানজক, ‘‘না·আবা বিসংনি সাকসা হং·বিবিআন, মুয়ানা না·আদে গালীলনি মান্দি হং·আ।’’

মার্ক 16:19

জা·রিকগিবারাংনা ইয়া খাৎথারাংখো আগানানি জা·মানো গিত্তেল যীশুখো সালগিচা দি·দোয়ে রা·আংজক। উচা বিয়া ইসলনি জাক্রাচা আসংজক।

লূকনি চকগিবা নাম্মা খাৎথা 21:27

উয়া সময়ও মান্দিনি দেফান্থিখো বাং·আ বিল আরো রাসংখো রা·এ গাদিলাও দাক্কে রি·বাখো নিকনুয়া।

লূকনি চকগিবা নাম্মা খাৎথা 24:5

ইনি গিম্মিন মিচিকরাং খেন্নে স্খুখো বামগোপজক। মি·আসা সাকগ্মি বিসংনা আগানজক, “থাংগিবাখো সিগিবারাংনি গিসেপো মুয়ানা সান্দিংআ?

যোহননা 14:3

আংআ রি·য়াংএ না·সংনা হা·দাম থারিয়ে দা·আবা রি·বাফিলনুয়া আরো না·সংখো আংচানা রিম্মাংনুয়া, জেদাক্কে আংআ জেও দংআ না·সংবা উয়োন দংনা মা·ন্না।

ওয়াত্তেতারাংনা 1:9

ইয়া খাৎথাখো আগানানি জা·মানো জা·রিকগিবারাংনি মিকখাংওন যীশুখো রা·দোআংজক আরো বিয়া গাদিলা ফিলসানি মিৎথিনাও রি·য়াংজক।

ওয়াত্তেতারাংনা 13:31

গালীলওনি বিমুং যিরূশালেমচানা রি·বাগিবারাং বাং·আ সালোনা দিপ্পাৎ বিখো নিকনা মা·ন্নামিং। আনচিংনি মান্দিরাংচা বিসংআন দা·আও বিনি গিম্মিন সাক্ষি হ·ন্নিংজক।

ওয়াত্তেতারাংনা 2:7

বিসং নাম্মেন আইয়াও ইনমানে আগানজক, “ইয়া খাৎথা আগানগিবা মান্দি দিমদাকান গালীলনি মান্দি হং·জামা?

ওয়াত্তেতারাংনা 3:12

বিসং উনো শলোমননি বিমুংও দংগিবা বালিমো দংআমিং। ইখো নিক্কে পিতর মান্দিরাংনা আগানজক, “ইস্রায়েলনি মান্দিরাং, ইনা না·সং মুয়ানা আইয়াও ইনমানিংআ? চিংনি আন·থাংথাংনি বিলচা বা ইসলনা খা·ফাকানি হা·সেল বিনা রি·রোরোআনি বিলখো হ·ন্না ইন্নে চানচিয়ে মুয়ানাবা না·সং চিংচানিখো নিএ দংআ?

ওয়াত্তেতারাংনা 3:21

গিম্মিকখোন ইসল স্খাংনি অবস্থাওনা রা·বাফিলনুয়া ইখো স্খাংওনিন রংথালগিবা আগানসোগিবারাংচা আগানসোআমিং। বিয়া জেওনা দিপ্পাৎ বিনি উয়া খাৎথাখো চু·সকজানুয়া উয়োনা দিপ্পাৎ যীশুখো সালগিও দংনা নাংনুয়া।

1 থিষলনীকী 1:10

আরো সালগিওনি বিনি দেফান্থিনি রি·বানি গিম্মিন সেংসোনা মা·ন্না। উয়া দেফান্থিন হং·জক যীশু, জেখো বিয়া সিয়াওনি থাংচাএতামিং। ইসলনি জে শাস্তি রি·বাংজক উয়া শাস্তিওনি ইয়া যীশুন আনচিংখো জক্কেৎনুয়া।

1 থিষলনীকী 4:16

রাক্কে গি·য়েতামুং আরো দাল·গিবা সা·গ্রেনি খু·রাং আরো ইসলনি সিংগানি গা·ম্মামুং গিত্তেল আন·থাংআন সালগিওনি হং·ওনবানুয়া। খ্রীষ্টমুং নাংরিমে জেরাং সিজক উনো বিসংআন স্খাং থাংচানুয়া।

ইব্রীয়রাংনা 9:28

উয়ানদাক্কেন বাং·আ মান্দিনি পাপনি বোজাখো রিপ্পিনা খ্রীষ্টখোবা রাং·সাসান বলি হন·জক। বিয়া দা·আও রাং·সা রি·বানুয়া, ইন্দিবা উনো পাপনা সিনা রি·বাজানুয়া, বাত্তেসা জেরাং বিনা নিচাকসোএ দংআ বিসংখো চু·গিম্মিক দাক্কে জক্কেৎনা রি·বানুয়া।

ফারাকগিবা খাৎথা 1:7

নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।