ওয়াত্তেতারাংনা 1:10 - Garo New Testament

¹⁰ যীশুনি সাক্কাচানা দো·আংমিত্তিংও জা·রিকগিবারাং সিলগাচানা মিকজাপগিজা নিএ দংআমিং। উনোন বা·রা গিব্বক গানগিবা মান্দি সাকগ্মি জা·রিকগিবারাংনি সেফাংও চাদেংএ আগানজক,

ওয়াত্তেতারাংনা 1:10 Iomraidhean Croise

মথিনি চকগিবা নাম্মা খাৎথা 17:2

বিসংনি মিকখাংও যীশুনি মিকখাং বিমাং দিংথাং হং·জক। বিনি মিকখাং সাল গিত্তা থেং·সুজক আরো

মথিনি চকগিবা নাম্মা খাৎথা 28:3

বিনি মিকখাং মিক্‌খা রিপরাপা গিত্তা দাক্কামিং আরো বিনি বা·রাচলারাং নাম্মেন বকথলথলমিং।

মার্ক 16:5

গোপরামনি নিং·আও নাপ্পে বিসং গিব্বক বা·রা চিনগিবা সাকসা ফান্থিখো জাক্রাচা আসংএ দংআখো নিকজক। উনি গিম্মিন বিসং আইয়াও ইনমানজক।

লূকনি চকগিবা নাম্মা খাৎথা 24:4

উনি গিম্মিন বিসংনি আইয়াও ইনমানে চানচিমিত্তিংওন মিকখা রিপরাপা গিত্তা চিং·চেতা বা·রাখো গানগিবা মান্দি সাকগ্মি বিসংনি কেচ্চিও রি·বাএ চাদেংজক।

যোহননা 20:12

যীশুনি বে·এনখো জেও দন্নামিং উয়ো গিব্বক বা·রা গানগিবা সা·গ্রে সাকগ্মি আসংএ দংআ- স্খুফাংচাবাক্কা সাকসা আরো সাকগিপ্পিন জা·চকচাবাক্কা আসংআ।

ওয়াত্তেতারাংনা 10:3

সালসাও গিত্থাম বাজিও বিয়া মিকজুমাংখো নিকজক। বিয়া নাম্মেদাক্কেন নিকনা মা·ন্না ইসলনি সাকসা সা·গ্রে রি·বাএ বিখো “কর্ণীলিয়,” ইন্নে রিক্কামিংআ।

ওয়াত্তেতারাংনা 10:30

উনোন কর্ণীলিয় আগানজক, “সালব্রি স্খাংও ইয়া সময়ও গিত্থাম বাজিও আংআ আংনি নক্কো বি·ইংআমিং। উনো রাং·গিত্তিক চিং·ব্রাপা বা·রাখো গানগিবা মান্দি সাকসা আংনি মিকখাংও রি·বাএ চাদেংএ আগানজক,

ফারাকগিবা খাৎথা 3:4

ইন্দিবা সার্দিও নাং·নি ইন্দাকগিবা মিত্তাম মান্দিরাং দংআ জেরাং বিসংনি বা·রা-চলা, আগানস্খাওদে রি·য়া-দোআরাংখো নামগিজা দাকজা। বিসং খ্রাগিবা মান্দি ইন্নেন গিব্বক বা·রাখো গান্নে আংমুং রি·নুয়া।

ফারাকগিবা খাৎথা 7:14

আংআ বিনা আগানজক, “নিবো, উখো না·আন হা·আইয়া।” বিয়া আংনা আগানজক, “উয়া বিল্লংআ দুকওনি জেরাং রি·বাজক ইরাং বিসংআন। ইরাং আন·থাংনি চলাখো মেষ বি·সানি হান·চিও সু·গালে গিব্বকেতজক।