2 তীমথিয় 4:8 - Garo New Testament

⁸ উনি গিম্মিন আংনা নাম্মা জাংগিনি বকসিসখো দনসোজক। বিচালনি সালো খাকখেৎ বিচাল দাকগিবা গিত্তেল আংনা উয়া বকসিস গিত্তা হাম্মানি মালাখো হ·ন্নুয়া। ইন্দাকোবা বিয়া আংনাসান হ·ন্নুয়া ইন্দাকেদে হং·জা, জেরাং বিনি রি·বাফিল্লানা গিসিক নাংএ নিচাকসোএ দংজক বিসং গিম্মিকনা হ·ন্নুয়া।

2 তীমথিয় 4:8 Iomraidhean Croise

মথিনি চকগিবা নাম্মা খাৎথা 24:36

“উয়া সাল আরো উয়া সময়নি খাৎথাখো দারাংবা হা·আইজা, সালগিনি সা·গ্রেরাংবা হা·আইজা, দেফান্থিবা হা·আইজা; ফাগিবাসান হা·আইয়া।

মথিনি চকগিবা নাম্মা খাৎথা 7:22

উনসালো বাং·আ মান্দিআন আংখো ইন্নুয়া, ‘গিত্তেল, গিত্তেল, চিংআ নাং·নি বিমুংচা আগানসোগিবা গিত্তা খাৎথা আগানজামিংমা? নাং·নি বিমুংচা গিসিক নামগিজাগিবারাংখো হা·রিকজামিংমা? নাং·নি বিমুংচা আইয়াও ইনমানগিবা কামরাংখো বাং·এন দাকজামিংমা?’

লূকনি চকগিবা নাম্মা খাৎথা 10:12

আংআ না·সংনা আগানিংআ, বিচালনি সালো উয়া সংনা বাত্তে সদোম সংজিলমানি মান্দিরাংনি অবস্থা চাকথোবাত্তানি হং·নুয়া।

রোমানরাংনা 2:5

ইন্দিবা নাং·নি খা·থং রাক্কা; না·আদে পাপওনি গিসিক ফিল·না হাম·জা। উনি গিম্মিন ইসলনি খা·আওনাংআ জেনসালো ফারাকনুয়া উয়া সালনা না·আ নাং·নি মা·ন্নাগিবা শাস্তিখো চিম্মংএ দন্নিংজক। উনি সালোন ইসলনি খাকখেৎ বিচাল ফারাকনুয়া।

রোমানরাংনা 8:23

ইয়াসান হং·জা, ইন্দিবা জে রাসংখো জা·মানো মা·ন্নুয়া উনি স্খাংগিবা বিথি গিত্তা গিসিক রংথালগিবাখো মা·ন্নে আনচিং আন·থাংবা খা·থংও মা·আমিংআ। আরো উয়া সালনা সেংএ দংআ জেনসালো আনচিংখো ইসলনি দেদ্রাং গিত্তা ফারাকনুয়া, আগানস্খাওদে ব·ন্নাংআনি জাকওনিখো আনচিংখো জক্কেৎনুয়া।

1ম করিন্থীয়রাংনা 2:9

ইন্দিবা রংথালগিবা শাস্ত্রনি খাৎথা গিত্তাদে, “ইসলনা জেরাং খা·সাআ বিসংনা বিয়া জেরাংখো থারিয়ে দনসোজক, উরাংখো দারাংবা মিক্রোনওবা নিকখুজা, নাচিলোবা খিন্নাখুজা আরো গিসিকোবা চানচিখুজা।”

1ম করিন্থীয়রাংনা 3:13

ইন্দিদে সা বাদিকে কাম দাকজক উখো নাম্মে থাল্লে নিনা মা·ন্নুয়া। বিচালনি সালোন উয়া ফারাকনুয়া, মুয়ানা উয়া সালনি ফারাকা ওয়া·আলচান হং·নুয়া। সানি কাম বাদাকা উখো ওয়া·আলান পরীক্ষা দাক্কে নিনুয়া।

1ম করিন্থীয়রাংনা 9:25

জেরাং খাত্তে খা·ল্লাও খাল·ফাংআ বিসং গিম্মিকান স্খাংওনিন রাক্কা নিয়ামও রি·য়া। হা·ম্মানি জে মালা নাসিয়া উয়া মালাখো মা·ন্না ইন্নেন বিসং উখো দাক্কা, ইন্দিবা চিংআ উখো দাক্কা উয়া বকসিসখো মা·ন্না জেআন মামুং সালোবা নাসিজানুয়া।

2য় করিন্থীয়রাংনা 5:2

ইয়া বে·এনো দংমিত্তিংও চিংআ রাং·স্ফিতিংআ আরো খা·থং গিম্মিকচা হা·ম্মিংআ জেদাক্কে সালগিনি উয়া গিত্তাল বে·এনচা চিংখো ফিনদাপা;

ফিলিপীয়রাংনা 3:11

উনি গিম্মিন জেবা হং·খানাবো আংআ সিয়াওনি চাখাতবিবিনুয়া।

কলসীয়রাংনা 1:5

সালগিচা না·সংনা জেখো চিম্মংজক উখো মা·ন্না খা·দংআওনিন না·সংনি গিসেপো ইয়া বিবিরা·আ আরো খা·সাআ আৎচিজক। জে নাম্মা খাৎথা, আগানস্খাওদে বিবিনি খাৎথা না·সংচা সকজক উয়োন না·সং ইয়া খা·দংআনি খাৎথাখো খিন্নাজক।

1 থিষলনীকী 1:10

আরো সালগিওনি বিনি দেফান্থিনি রি·বানি গিম্মিন সেংসোনা মা·ন্না। উয়া দেফান্থিন হং·জক যীশু, জেখো বিয়া সিয়াওনি থাংচাএতামিং। ইসলনি জে শাস্তি রি·বাংজক উয়া শাস্তিওনি ইয়া যীশুন আনচিংখো জক্কেৎনুয়া।

1 থিষলনীকী 5:4

ইন্দিবা জংআদারাং, না·সংদে আন্দালাও দংজাংআ, উয়া সাল চা·খক গিত্তা না·সংচা রি·বানুয়া। না·সংদে গিম্মিকান সেং·আনি আরো সালনিসা মান্দি হং·আ। আনচিং ওয়াল্লোনি বা আন্দালানি মান্দি হং·জা।

2 থিষলনীকীয়রাংনা 2:8

গিত্তেল যীশু বিনি খু·সুকনি বিবাচা ব·ন্নেতনুয়া আরো বিনি রাসংচা বিনি বিলখো ব·ন্নেতনুয়া।

1 তীমথিয় 6:19

ইনি গিম্মিন বিসং আন·থাংথাংনা ইন্দাকে গাম চিম্মংনুয়া জে রি·বাগিবা চাসংও বিসংনা বিল্লাকা ফাংচাকানি গিত্তা হং·নুয়া, জেদাক্কে খাকখেৎ জাংগিখো বিসং রাক্কে রি·ম্মে রা·রিকনা মা·ন্না।

2 তীমথিয় 1:10

ইন্দিবা দা·আও আনচিংখো জক্কেৎগিবা খ্রীষ্ট যীশুনি ইয়া হা·গিলসাকো রি·বাচা বিয়া উয়া খা·সাচাক্কাখো ফারাকজক। খ্রীষ্ট সিয়াখো ব·ন্নেতজক আরো নাম্মা খাৎথাচা ব·ন্নাগ্রি জাংগিনি খাৎথাখো ফারাকজক।

2 তীমথিয় 1:12

ইনি গিম্মিনান আংআ ইন্দাকা দুকরাংখো চাক্কিংজক; ইন্দাকোবা আংআ খ্রাচা·জা, মুয়ানা আংআ হা·আইয়া আংআ সানি সাক্কাও ফাংচাকজক। আংআ খাকখেতান হা·আইয়া, আংআ বিচা জেখো দনজক খ্রীষ্টনি রি·বানি সালনা উখো রাক্ষিয়ানি বিল বিনি দংআ।

2 তীমথিয় 1:18

ইফিষও বাদিকে দাক্কে বিয়া আংনা হালদুজক উখো না·আ নাম্মেদাক্কে হা·আইয়া। গিত্তেল দাকখানা, জেদাক্কে খ্রীষ্টনি রি·বানি সালো বিয়া গিত্তেলচাখো খা·সাচাক্কাখো মা·ন্না।

2 তীমথিয় 2:5

উগিত্তান খা·ল্লাও দংএ সাবা নিয়াম গিত্তা খাল·জাওদে হাম্মানি মালাখো মান·জা।

2 তীমথিয় 4:1

খ্রীষ্টনি রি·বাফিল্লা আরো বিনি সংনকনি গিম্মিন গিসিক রা·এ ইসলনি মিকখাংও আরো জেআন থাংগিবারাংখো আরো সিগিবারাংখো বিচাল দাকনুয়া উয়া খ্রীষ্ট যীশুনি মিকখাংও আংআ নাং·না ইখো গি·য়েতিংজক-

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

ইব্রীয়রাংনা 12:11

শাসনখো আনচিং হান·সেংআনি হং·আ ইন্নে চানচিজা, বাত্তেসা দুকনি হা·সেল হং·আ ইন্নেন চানচিয়া; ইন্দিবা ইসলনি শাসনখো মানিয়ানি বিথি হং·জক থম·থমাও চু·সকা নাম্মা জাংগি।

ইব্রীয়রাংনা 9:28

উয়ানদাক্কেন বাং·আ মান্দিনি পাপনি বোজাখো রিপ্পিনা খ্রীষ্টখোবা রাং·সাসান বলি হন·জক। বিয়া দা·আও রাং·সা রি·বানুয়া, ইন্দিবা উনো পাপনা সিনা রি·বাজানুয়া, বাত্তেসা জেরাং বিনা নিচাকসোএ দংআ বিসংখো চু·গিম্মিক দাক্কে জক্কেৎনা রি·বানুয়া।

যাকোব 1:12

রুরানি সালো জে চাকচিকা বিয়ান ফাত্তিয়া মান·গিবা হং·আ, মুয়ানা আন·থাংখো দিমদাক রুরাও হামগিবা দাক্কে ফিন্নিকনা মা·ন্নোদে হাম্মানি মালা গিত্তা বিয়া জাংগিখো মা·ন্নুয়া। জেরাং ইসলনা খা·সাআ বিসংনা বিয়া ইয়া জাংগিখো র·ন্নুয়া ইন্নে খু·রাচাক্কা।

পিতর 1:4

আগানস্খাওদে রি·বাগিবা চাসংও ইন্দাকগিবা গি·সা গামখো মা·ন্নানি খা·দংএতাখো আনচিং মান·জক জেআন মামুং সালোবা বন·জানুয়া, জেও নামগিজা মামুং দংজানুয়া আরো জেআন ফাংনাজলনা গিত্তাল দংনুয়া। ইয়া গাম না·সংনা সালগিও চিম্মংআ দংআ।

পিতর 5:4

ইন্দাকোদে জেনসালো দাল·গিবা রাক্ষুয়াল মিকখাং ফা·নুয়া উনো হাম্মানি মালা গিত্তা বিনি রাসংখো মান·ফাগিবা হং·নুয়া, আরো উয়া মামুং সালোবা নাসিজানুয়া।

ফারাকগিবা খাৎথা 1:7

নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।

ফারাকগিবা খাৎথা 19:11

জা·মানো আংআ নিকজক সালগি এংআন দংআ, আরো উয়ো মাংসা গিব্বক ঘোড়া দংআ। জেআন উয়া ঘোড়ানি সাক্কাও আসংএ দংআ বিনি বিমিং হং·আ বিবিরা·না খ্রাগিবা আরো বিবি। বিয়া খাকখেৎ বিচালখো দাক্কা আরো দাকগ্রিকা।

ফারাকগিবা খাৎথা 2:10

না·আ জে দুকরাংখো চাকনা রি·য়াংইংজক উনা মামুং দাক্কেবা দা·আ খেন্নাবো। খিন্নাবো, শয়তান না·সংওনিখো মিত্তামখো রুরাএ নিনা জেলো দন্নুয়া, আরো সালচিখুংনা দিপ্পাৎ না·সং দুক চাকনুয়া। না·আ সিয়াওনা দিপ্পাৎ বিবিগিবা হং·এ দংবো, ইন্দাকোদে হাম্মানি মালা গিত্তা আংআ নাং·না জাংগিখো হ·ন্নুয়া।

ফারাকগিবা খাৎথা 22:20

জেআন ইরাংনি বিদিংও সাক্ষি হ·ন্নিংজক বিয়া আগানিংজক, “বিবিন আংআ থেংরিন রি·বাংজক।” আমেন। গিত্তেল যীশু, রি·বাবো।

ফারাকগিবা খাৎথা 4:10

উনোন উয়া সাক খলগ্রিকব্রি মি·আফারাং সিংহাসনখো মান·রিকগিবা, আগানস্খাওদে জেআন ফাংনাজলনা থাংএ দংআ বিখো থুচিকোপে সালাম দাক্কা। ইয়া মি·আফারাং উনো উয়া সিংহাসননি মিকখাংও বিসংনি মুকুটখো এংএ দন্নে আগানা,

ফারাকগিবা খাৎথা 4:4

উয়া সিংহাসননি সামব্রিও আরোবা খলগ্রিকব্রি সিংহাসন দংআমিং, আরো উয়া সিংহাসনরাংও সাক খলগ্রিকব্রি মি·আফারাং আসংএ দংআমিং। বিসংনি চলা গিব্বকামিং আরো বিসংনি স্খুও সোনানি মুকুট দংআমিং।