2 তীমথিয় 4:5 - Garo New Testament

⁵ ইন্দিবা না·আ আন·থাংখো গিম্মিক অবস্থাওন বাম্মে দনবো, দুকখো চাকবো আরো খ্রীষ্টনি গিম্মিন নাম্মা খাৎথাখো আগানফ্রাকবো, আরো ইসল নাং·না জে কামখো দাকনা হন·জক উখো চু·গিম্মিক দাক্কে দাকবো।

2 তীমথিয় 4:5 Iomraidhean Croise

মথিনি চকগিবা নাম্মা খাৎথা 25:16

হাজাল বংআখো মান·গিবা উয়া থাংখাচা বাদিংএ আরোবা হাজাল বংআ থাংখাখো মান·দাপজক।

মার্ক 13:34

উয়া সাল সকবানুয়া ইন্দাকগিবা মান্দি গিত্তা জে মান্দি আন·থাংনি নকখো দন্নে হা·সং গিপ্পিনচা রি·য়াংজক। নকখো ওয়াত্তে রি·য়াংনা স্খাং নকখলরাংচা বিয়া নকখো রাক্ষিনা দন্নাংজক। নকখল সাকফ্রাক ফ্রাকনা বিয়া কামরাংখো দন্নাংজক আরো দ·গাচিলো দংখামগিবাখো মিকরাকে দংখানা আগানাংজক।

মার্ক 13:37

আরো আংআ জেখো না·সংনা আগানিংআ উখো গিম্মিকনান আগানিংআ, মিকরাকে দংবো।’’

লূকনি চকগিবা নাম্মা খাৎথা 12:37

নকগিবা জে নকখলরাংখো মিকরাকে দংআখো নিকনুয়া, বিসংআন মিৎথেলগিবা হং·আ। আংআ না·সংনা বিবিন আগানিংআ, উয়া নকগিবা খাংখারেও বা·রাখো খাএ বিসংখো আসংএতনুয়া আরো আন·থাংআন রি·বাএ বিসংনা চা·আখো হ·ন্নুয়া।

ওয়াত্তেতারাংনা 21:8

সালগিপ্পিনো চিংআ কৈসরিয়াওনা সকজক আরো নাম্মা খাৎথাখো আগানফ্রাকগিবা ফিলিপনি নক্কো দংজক। বিয়া যিরূশালেম মন্ডলীনি উয়া সাকস্নি দাকচাকে হন·গিবারাংওনি সাকসা হং·আমিং।

ইফিষীয়রাংনা 4:11

বিয়ান মিত্তাম মান্দিখো ওয়াত্তেতা, মিত্তামখো আগানসোগিবা, মিত্তাম মান্দিখো নাম্মা খাৎথাখো আগানফ্রাকগিবা আরো মিত্তামখো ফামং আরো স্খিএতগিবা দাক্কে বাচ্ছিয়ে রা·জক।

ইফিষীয়রাংনা 4:12

বিয়া ইরাংখো বাচ্ছিয়ে রা·জক জেদাক্কে ইসলনি মান্দি গিম্মিক বিনান দাকচাকে র·ন্না থারিসোআ আরো ইন্দাকে খ্রীষ্টনি বে·এন রিক্কা হং·আ।

কলসীয়রাংনা 1:25

ইসল বিনি খাৎথাখো না·সংচা চু·গিম্মিক দাক্কে আগানফ্রাকানি কামখো আংনা হন·জক ইন্নেন আংআ মন্ডলীনা দাকচাকে হন·গিবা সাকসা হং·জক।

কলসীয়রাংনা 4:17

আর্খিপ্পনা ইয়া খাৎথাখো আগানবো, “গিত্তেলনা দাকচাকে হ·ন্না জে কামখো নাং·না হন·জক উখো ব·ন্নেতনা মংসংবাত্তে গিসিক হন·বো।”

1 থিষলনীকী 5:6

উনি গিম্মিন গিপ্পিনরাং গিত্তা জেদাক্কে আনচিং থুজা, বাত্তেসা মিকরাকে দংআ আরো আন·থাংথাংখো বাম্মেতে দন্না।

1 তীমথিয় 4:12

না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

1 তীমথিয় 4:15

ইরাংনি গিম্মিনো গিসিক হন·বো; আন·থাংখো চু·গিম্মিক দাক্কে উয়ো দনবো, জেদাক্কে গিম্মিকান ইখো নিকনা মা·ন্না না·আ মিকখাংচানা সক্কাংইংজক।

2 তীমথিয় 1:8

উনি গিম্মিন আনচিংনি গিত্তেলনি গিম্মিনো সাক্ষি হ·ন্না দা·আ খ্রাচা·আবো, আরো বিনি গিম্মিন বন্দি হং·গিবা আংআ, আংখো রা·এবা দা·আ খ্রাচা·আবো। উনা বাত্তে ইসল নাং·না জে বিলখো হন·জক উগিত্তা বিনি নাম্মা খাৎথাখো আগানফ্রাকনা আংমুং দুক চাকবো।

2 তীমথিয় 2:10

ইনি গিম্মিন ইসল জেরাংখো বাচ্ছিয়ে রা·জক বিসংনা আংআ গিম্মিকখো চাক্কিংআ, জেদাক্কে বিসংবা খ্রীষ্ট যীশুও পাপওনি জক্কাখো মা·ন্না আরো ফাংনাজলনি রাসংখো মা·ন্না।

2 তীমথিয় 2:3

খ্রীষ্ট যীশুনি সাকসা খ্রাগিবা সিপাই গিত্তা না·আ চিংমুং দুকখো চাকবো।

2 তীমথিয় 4:17

ইন্দিবা গিত্তেল আংমুং দংআমিং আরো আংনা বিলখো হ·ন্নামিং। উনি গিম্মিন আংআ চু·গিম্মিক দাক্কে নাম্মা খাৎথাখো আগানফ্রাকনা মা·ন্নামিং আরো গিপ্পিন জাতরাং গিম্মিকান উখো খিন্নামিং। ইসল আংখো সিংহনি খু·সুকওনিখো জক্কেতামিং।

ইব্রীয়রাংনা 13:17

না·সংনি দাল·গিবারাংনি খাৎথাখো মানিয়ে রি·বো আরো বিসংনি নিং·আও বাম্মে দংবো, মুয়ানা জেরাং ইসলচা হিসাব হন·নুয়া উয়ানদাকগিবা মান্দি গিত্তান বিসং না·সংখো নিরকখিয়া। বিসংনি নিং·আও বাম্মে দংবো জেদাক্কে বিসং বিসংনি কামখো খুসি হং·এ দাকনা মান·না, দুক চাক্কে হং·জা। দুক চাক্কেন দাকনা নাংওদে উয়ো না·সংনি মামিং লাভ হং·জানুয়া।

পিতর 1:13

ইনি গিম্মিন না·সংনি গিসিকখো মিকরাকেতবো আরো আন·থাংথাংখো বাম্মেতে দনবো। যীশু খ্রীষ্ট জেনসালো ফারাকনুয়া উনো না·সং জে ফাত্তিয়াখো মা·ন্নুয়া উয়া ফাত্তিয়াখো মা·ন্না চুু·গিম্মিক খা·দংআখো রা·এ সেংসোবো।

ফারাকগিবা খাৎথা 3:2

না·আ চাখাতবো আরো মিত্তামরাং জেরাং সিনা গিত্তা হং·জক বিসংখো বিল্লাকেতবো, মুয়ানা আংনি ইসলনি মিকখাংও নাং·নি মামুং কামনি বন·চতাখো আংআ নিকখুজা।