2 তীমথিয় 4:3 - Garo New Testament

³ ইন্দাকা সময় রি·বানুয়া জেনসালো বিবিনি স্খিয়াখো মান্দিরাং চাকজানুয়া, বাত্তেসা আন·থাংথাংনি হা·সিকাখো চু·সকেতনা বিসং ইন্দাকা বাং·আ স্খিএতগিবারাংখো চিম্মংনুয়া জেরাং বিসংখো খুসি দাকনা গিত্তা স্খিয়েতনুয়া।

2 তীমথিয় 4:3 Iomraidhean Croise

লূকনি চকগিবা নাম্মা খাৎথা 20:19

উয়া সময়ও শাস্ত্র স্খিগিবারাং আরো খামাল দাল·গিবারাং যীশুখো রিম·না হাম·জক, মুয়ানা যীশু বিসংনি গিম্মিনান উয়া খাৎথাখো আগানা উখো বিসং হা·আইনা মা·ন্নামিং; ইন্দিবা বিসং মান্দিরাংনা খেনজক।

লূকনি চকগিবা নাম্মা খাৎথা 6:26

হং·সিখানা না·সংনা, গিম্মিক মান্দিরাং জেনসালো না·সংখো রাসং দাক্কা। ইয়া মান্দিরাংনি ফাগিৎচামরাং বু·এ চা·গিবা আগানসোগিবারাংখোবা রাসং দাকনুয়ামিং।

যোহননা 8:45

ইন্দিবা আংআ বিবিখোন আগানা, আরো উনি গিম্মিন না·সং আংখো বিবিরা·জা।

ওয়াত্তেতারাংনা 17:21

বিসং ইখো আগানজক মুয়ানা এথেন্সনি মান্দি গিম্মিকান আরো উয়া সংজিলমাও দংগিবা সংগিপ্পিননি মান্দিরাং গিত্তাল বিদিংখো রা·এ আগানে আরো খিন্নাএ সালখো রি·য়াংএতনুয়ামিং।

1ম করিন্থীয়রাংনা 2:1

জংআদারাং, না·সংচা রি·য়াংএ ইসলনি হন·গিবা নাম্মা খাৎথাখো আগানফ্রাকমিত্তিংও আংআ খিন্নাথোরিরি খু·সুকখো জাকখালজা বা হা·আইবাৎগিবা মান্দি গিত্তা খাৎথা আগানজা।

1ম করিন্থীয়রাংনা 2:4

আংনি আগানফ্রাকাও আরো আংনি আগানা খাৎথাও মান্দিরাংখো সাল্লে রা·আংনা গিত্তা হা·আইয়াও গাপগিবা জিথোআ খাৎথা দংজামিং উনাবাত্তে উয়ো গিসিক রংথালগিবানি বিলখোন নিক্কামিং,

গালাতীয়রাংনা 4:16

দা·আও বিবিখো আগানানি গিম্মিন আংআ না·সংনি বোবিল হং·জকমা?

1 তীমথিয় 1:10

জেরাং থি·ল্লেকা, জেরাং মি·আসা-মি·আসাস্খা মিচিক-মিচিকস্খামুং নামগিজাখো দাক্কা, জেরাং নকখল-বাদিংআনি কামখো দাক্কা, জেরাং বু·এ খু·সুক আগানা আরো বু·আখো সাক্ষি হ·ন্না, আরো জেরাং বিবিগিবা স্খিয়ানি সাক্কাও দিংথাং কামখো দাক্কা।

2 তীমথিয় 1:13

না·আ আংচাখো জেখো খিন্নাজক উয়া চং·মত স্খিয়াখো না·আ জা·রিকবো; আরো খ্রীষ্ট যীশুমুং নাংরিমানি গিম্মিন আনচিংনি খা·থংও জে খা·সাআ আরো বিবিরা·আ রি·বাজক উখোবা রি·ম্মে রা·রিকবো।

যিহূদা 1:18

বিসং না·সংনা ইয়া খাৎথাখো আগান্নুয়ামিং, “ইনগিৎচিয়ান জেরাংনি বেওয়াল বিসং বন·খামানি সালো রি·বানুয়া আরো বিসংনি খা·ফাকাগ্রি হা·সিকারাং গিত্তা রি·নুয়া।”