2 তীমথিয় 4:2 - Garo New Testament

² ইসলনি খাৎথাখো আগানফ্রাকবো; সময় হং·ওবা হং·জাওবা, ফাংনান আগানফ্রাকনা থারিসোএ দংবো; নাম্মেন চাকচিকে স্খিয়েতি মান্দিরাংনি দোসখো ফিন্নিকে হন·বো, বিসংখো সিমসাকেতবো আরো নাম্মাখো আগানবো।

2 তীমথিয় 4:2 Iomraidhean Croise

লূকনি চকগিবা নাম্মা খাৎথা 7:23

আরো উয়ান রাসং মান·গিবা হং·আ, আংখো রা·এ গিসিকো জেআন চাংফেংআখো মান·জা।”

লূকনি চকগিবা নাম্মা খাৎথা 7:4

উয়া মি·আফারাং যীশুচা রি·বাএ বিনা মল·মলে আগানজক, “না·আ জেনা মিংএ ইয়া কামখো দাকনুয়া বিয়া ইনা খ্রাবিয়া,

লূকনি চকগিবা নাম্মা খাৎথা 9:60

যীশু বিনা আগানজক, “সিগিবারাংআন বিসংখো গোপখানা, ইন্দিবা না·আ রি·বাএ ইসলনি সংনকনি গিম্মিনো আগানফ্রাকবো।”

ওয়াত্তেতারাংনা 13:5

সালামীওনা সক্কে বিসং যিহূদীরাংনি থম·দাকরামচা ইসলনি খাৎথাখো আগানফ্রাকজক। উনো দাকচাকগিবা হং·এ যোহন বিসংমুং দংআমিং।

ওয়াত্তেতারাংনা 16:13

নেং·থাকানি সালো চিংআ সংজিলমানি দ·গাচিলনি হা·ফালও চিবিমানি সেফাংচা রি·য়াংজক; উয়ো যিহূদীরাংনি বি·আনি হা·দাম দংআ ইন্নে চানচিয়ামিং। উয়ো থম·দাকগিবা মিচিকরাংনি কেচ্চিও আসংএ চিংআ খাৎথা আগান্না হা·বাচেংজক।

ওয়াত্তেতারাংনা 20:7

হানথিনি স্খাংগিবা সালো গিত্তেলনি মিয়াথামখো রা·না চিংআ আপসান হং·রিমজক। উনোন পৌল মান্দিরাংচা আগানফ্রাকনা হা·বাচেংজক। সালগিপ্পিনো রি·য়াংনাজক ইন্নে বিয়া ওয়ালজাচ্চি দিপ্পাৎ খাৎথা আগানারি দংজক।

ওয়াত্তেতারাংনা 28:16

চিংআ রোমচা সক্কানি জা·মানো পৌল দিংথাং নক্কো দংনা মান·জক। সিপাই সাকসা বিখো রাক্ষিনুয়ামিং।

রোমানরাংনা 10:15

ইনাআগ্রেবা সাবা ওয়াত্তেতজাওদে বাদিকে দাক্কে আগানফ্রাকগিবারাং আগানফ্রাকনুয়া? রংথালগিবা শাস্ত্রও চক্কা দংআ, “রাসং দাকনা বিসংনি জা·চকনা জেরাং নাম্মা খাৎথাখো আগানফ্রাকনা রি·বাআ।”

রোমানরাংনা 12:12

না·সংনি মিকখাংও জে খা·দংআ দংআ উনা হান·সেংবো। দুকরাংও চাকচিকে দংবো। ফাংনান বি·বো।

গালাতীয়রাংনা 6:6

ইসলনি খাৎথাখো জেনা স্খিয়েতা বিয়া জেদাক্কে বিনি স্খিয়েতগিবানা বিনি গিম্মিক নামগিবা বস্তুরাংনি বাকখো র·ন্না।

কলসীয়রাংনা 1:25

ইসল বিনি খাৎথাখো না·সংচা চু·গিম্মিক দাক্কে আগানফ্রাকানি কামখো আংনা হন·জক ইন্নেন আংআ মন্ডলীনা দাকচাকে হন·গিবা সাকসা হং·জক।

কলসীয়রাংনা 4:3

আরো উমুং চিংনাবা বি·বো জেদাক্কে খ্রীষ্টনি নিং·থুয়া খাৎথাখো আগানফ্রাকনা ইন্নে ইসল চিংনা চলখো হ·ন্না। উয়া নিং·থুয়া খাৎথানান আংখো বন্দি দাক্কে দনজক।

1 থিষলনীকী 1:6

বাং·আ গিচ্চিয়াওবা গিসিক রংথালগিবানি হন·গিবা হান·সেংআমুং উয়া নাম্মা খাৎথাখো রা·চাকে না·সং চিং গিত্তা আরো গিত্তেল গিত্তা দাক্কে রি·ইংজক।

1 থিষলনীকী 5:14

জংআদারাং, চিংআ না·সংনা ইন্দাকে স্খিয়েতিংজক- জেরাং আলসিয়া বিসংখো সিমসাকেতবো; জেরাংনি খা·সকা দংজা বিসংখো খা·সকেতবো; জেরাং বিলগ্রি বিসংনা দাকচাকবো আরো গিম্মিকখো চাকচিকবো।

1 থিষলনীকী 5:20

জেরাং আগানসোগিবা হং·এ ইসলনি খাৎথাখো আগানা বিসংনি খাৎথাখো দা·আ চন্নিকাবো, বাত্তেসা গিম্মিকখোন থিকখেলে নিবো।

1 তীমথিয় 4:13

আংনি রি·বাখুজা দিপ্পাৎ না·আ বিবিরা·গিবারাংখো রংথালগিবা শাস্ত্রখো পড়াইএ খিন্নাদিল্লাও, আগানফ্রাকাও আরো স্খিয়েতানি কামও আন·থাংখো বিমচিপে দনবো।

1 তীমথিয় 5:20

জে দাল·গিবারাং পাপ দাক্কারিন দংআ মন্ডলীনি গিম্মিক মান্দিনি মিকখাংও বিসংনি দোসখো ফিন্নিকে হন·বো জেদাক্কে গিপ্পিন দাল·গিবারাংবা খেন্না।

2 তীমথিয় 2:21

জেরাং ইন্দাকা চনচনগিবা কামনি দনচাক্রা গিত্তা হং·আ, বিসংওনি জিতবাএ সাবা আন·থাংখো রংথালেতোদে ইন্দিদে বিয়া ইন্দাকা দনচাক্রা গিত্তা হং·নুয়া জেখো দাল·বিয়া কামও জাকখালিংআ। রংথালা মিকসংআনা বিখো দিংথাং দাক্কে দন্নুয়া, বিয়া গিত্তেলনি কামখো দাকনুয়া আরো গিম্মিক নাম্মা কামখো দাকনা বিয়া থারিয়ে দংসোনুয়া।

2 তীমথিয় 2:25

জেরাং বিনি সাক্কাও চাদেংআ বিসংখো বিনি রিন্নকে স্খিএতনা নাংনুয়া। উয়া স্খিয়াখো বিয়া জেদাক্কে ইখো খা·দংএ হ·ন্না, ইসল বিসংনি গিসিকখো ফি·ল্লেতানি চলখো হ·ন্নুয়া জেদাক্কে ইসলনি বিবিখো বিসং নিং·থুয়ে হা·আইনা মা·ন্না। আনচিংনি

2 তীমথিয় 3:10

না·আ আংনি স্খিএতাখো, রি·য়ারাংখো, মিকসংআখো, বিবিরা·আখো, চাক্কানি গুণখো, খা·সাখো আরো চাকচিকাখো নাম্মেদাক্কেন নিকজক।

তীতনা 1:13

খাৎথাদে বিবিন হং·আ। ইনি গিম্মিন বিসংনি দোসখো ফিন্নিকে রন·বো জেদাক্কে বিসং খ্রীষ্টান থরমনি বিবিরা·আখো নাম্মেদাক্কে রি·ম্মে রা·রিকা,

তীতনা 2:15

উনি গিম্মিন চু·গিম্মিক বিলখো রা·এ না·আ ইয়া বিদিংরাংও স্খিয়েতবো, নাম্মাখো আগানবো আরো দোসখো ফিন্নিকে হন·বো। জেদাক্কে দারাংবা নাং·খো চন্নিকজা।

ইব্রীয়রাংনা 13:22

জংআদারাং, না·সংচা আংনি মংসংগিবা মল·মলা ইয়ান, আংনি ইয়া স্খিয়াখো না·সং মানিয়ে রা·বো। আংআদে না·সংচা বাং·এ লিক্ষিজাজক।

ফারাকগিবা খাৎথা 3:19

আংআ জেরাংনা খা·সা বিসংনিন দোসখো ফিন্নিকে হ·ন্না আরো শাসন দাক্কা। উনি গিম্মিন ইন্দাকা অবস্থাওনি গিসিক ফিল·না গিসিক নাংবো।