2 তীমথিয় 4:17 - Garo New Testament

¹⁷ ইন্দিবা গিত্তেল আংমুং দংআমিং আরো আংনা বিলখো হ·ন্নামিং। উনি গিম্মিন আংআ চু·গিম্মিক দাক্কে নাম্মা খাৎথাখো আগানফ্রাকনা মা·ন্নামিং আরো গিপ্পিন জাতরাং গিম্মিকান উখো খিন্নামিং। ইসল আংখো সিংহনি খু·সুকওনিখো জক্কেতামিং।

2 তীমথিয় 4:17 Iomraidhean Croise

মথিনি চকগিবা নাম্মা খাৎথা 10:19

জেনসালো মান্দিরাং না·সংখো রি·ম্মে হ·ন্নুয়া উনসালো বাদিকে দাক্কে আরো মুয়াখো আগান্না নাংনুয়া উখো রা·এ দা·আ চানচিয়া। মুয়াখো আগান্নুয়া উখো উনসালোন না·সংনা আগানে হ·ন্নুয়া।

লূকনি চকগিবা নাম্মা খাৎথা 1:1

ফামং থিয়ফিল, আনচিংনি গিসেপো জেরাং চেংওনি মিক্রোনথাংও হং·গিবারাংখো নিকজক আরো ইসলনি নাম্মা খাৎথাখো আগানফ্রাকজক বিসং আনচিংনা গিম্মিকখো আগানজক, আরো বিসংনি আগানা গিত্তান বাং·আরাং উয়ারাংখো চকজক।

লূকনি চকগিবা নাম্মা খাৎথা 21:15

মুয়ানা আংআ না·সংনা ইন্দাকগিবা খাৎথা আরো হা·আইয়ানিখো হ·ন্নুয়া জেদাক্কে নাং·নি আগানচাক্কানা বোবিলরাং মামুংখো ইন্না মান·জানুয়া আরো উখো জিচাকনাবা মান·জানুয়া।

ওয়াত্তেতারাংনা 23:11

সালগিপ্পিনো ওয়াল্লো গিত্তেল পৌলনি কেচ্চিও চাদেংএ ইনজক, “দা·আ খেন্নাবো, যিরূশালেমো আংনি গিম্মিন নাং·নি সাক্ষি হ·ন্না গিত্তা রোমচাবা নাং·নি সাক্ষি হ·ন্না নাংনুয়া।”

ওয়াত্তেতারাংনা 9:15

ইন্দিবা গিত্তেল অননিয়না আগানজক, “না·আ রি·য়াংবো, মুয়ানা গিপ্পিন জাতরাংচা আরো বিসংনি রাজারাংচা আরো ইস্রায়েলনি মান্দিরাংচা আংনি গিম্মিন আগানফ্রাকনা আংআ ইয়া মান্দিখোন বাচ্ছিয়ে রা·জক।

রোমানরাংনা 15:31

না·সং বি·বো, জেদাক্কে যিহূদিয়াও ইসলখো মানিগিজাগিবারাংওনি আংআ জকনা মা·ন্না, আরো যিরূশালেমনি ইসলনি মান্দিরাং জেদাক্কে আংনি ইয়া দাকচাকে হ·ন্নানিখো রা·চাকা।

2য় করিন্থীয়রাংনা 12:9

ইন্দিবা বিয়া আংনা আগানজক, “আংনি খা·সাচাক্কান নাং·না চু·ওংআ, মুয়ানা বিলগ্রিওন আংনি বিল চু·গিম্মিক দাক্কে ফারাকা।” উনি গিম্মিন আংনি বিলগ্রিনা আংআ খুসি হং·বিএন রাসং দাকনুয়া, জেদাক্কে খ্রীষ্টনি বিল আংনি সাক্কাও দংআ।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

1 তীমথিয় 1:12

আনচিংনি গিত্তেল খ্রীষ্ট যীশু, জেআন আংনা বিলখো হন·জক, বিখো আংআ মিৎথেলা, মুয়ানা বিয়া আংখো বিবিগিবা দাক্কে চানচিয়ে বিনা দাকচাকে হ·ন্নানি কামও বাচ্ছিয়ে রা·জক।

2 তীমথিয় 2:1

আংনি বি·সা, খ্রীষ্ট যীশুনি খা·সাচাক্কাও না·আ বিল্লাকবো।

2 তীমথিয় 2:9

আরো ইয়া নাম্মা খাৎথাখো আগানফ্রাকনান আংআ দুকখো চাক্কিংআ; আরোবা, দোসগ্মাং গিত্তা আংখো খাবা খাজক। ইন্দিবা ইসলনি খাৎথাখোদে খাখুজা।

2 তীমথিয় 3:11

ইনাআগ্রেবা আন্তিয়খিয়াচা, ইকনিয়াচা আরো লুস্ত্রাচা আংআ জেগিত্তা গিচ্চিয়াখো আরো দুকখো চাকজক উরাংখোবা না·আ হা·আইয়া, ইন্দিবা উরাংওনিখো গিত্তেল আংখো রাক্ষিয়ামিং।

2 তীমথিয় 4:5

ইন্দিবা না·আ আন·থাংখো গিম্মিক অবস্থাওন বাম্মে দনবো, দুকখো চাকবো আরো খ্রীষ্টনি গিম্মিন নাম্মা খাৎথাখো আগানফ্রাকবো, আরো ইসল নাং·না জে কামখো দাকনা হন·জক উখো চু·গিম্মিক দাক্কে দাকবো।

তীতনা 1:3

আনচিংনি জক্কেৎগিবা ইসলনি গি·য়েতা গিত্তা আংআ জেখো আগানফ্রাকা উচা ইসল বিনি খাৎথাখো থিক সময়ওন ফারাকজক।

ইব্রীয়রাংনা 11:33

বিবিরা·আচান বিসং হা·সংখো হাম্মে রা·আমিং, খাকখেৎ বিচালখো দাক্কামিং, ইসলনি খু·রাচাক্কানি চু·সকাখো মা·ন্নামিং, সিংহরাংনি খু·সুকখো মিৎথিপামিং,

পিতর 5:8

আন·থাংথাংখো বাম্মেতে দনবো আরো সিমসাকে দংবো, মুয়ানা না·সংনি বোবিল শয়তান গাম·গিবা সিংহ গিত্তা দাক্কে সাখো চা·এ গালনুয়া উখো সান্দিয়ে রমিংজক।

২ পিতর 2:9

ইরাংওনি ইখো নিকনা মা·ন্না, জেরাং গিত্তেলখো অলাখিয়া বিসংখো বিয়া রুরাওনি জক্কেৎনা হা·আইয়া। ইনাআগ্রেবা জেরাং অলাখিগিবা হং·জা, মংসংদাক্কে জেরাং বিসংনি পাপ-বেওয়ালনি নামগিজা হা·সিকা গিত্তা রি·য়া আরো শাসনখো চন্নিকা বিয়া বিসংনা শাস্তি মান·খানা বিচালনি সালোনা দিপ্পাৎ দন্নাবা হা·আইয়া। ইয়া বু·এ চা·গিবা স্খিগিবারাং নাম্মেন খেনগিজাগিবা হং·আ। বিসং আন·থাংনি হা·সিকা গিত্তা রি·য়া আরো সালগিসাকনি রাসংখো মান·গিবারাংনি সাক্কাও চন্নিকানি খাৎথাখো আগান্না খেনজা;