2 তীমথিয় 4:1 - Garo New Testament

¹ খ্রীষ্টনি রি·বাফিল্লা আরো বিনি সংনকনি গিম্মিন গিসিক রা·এ ইসলনি মিকখাংও আরো জেআন থাংগিবারাংখো আরো সিগিবারাংখো বিচাল দাকনুয়া উয়া খ্রীষ্ট যীশুনি মিকখাংও আংআ নাং·না ইখো গি·য়েতিংজক-

2 তীমথিয় 4:1 Iomraidhean Croise

মথিনি চকগিবা নাম্মা খাৎথা 16:27

মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া।

লূকনি চকগিবা নাম্মা খাৎথা 19:12

“দাল·গিবা মা·চংনি সাকসা মান্দি রাজা হং·আনি বিলখো রা·এ রি·বাফিলনা হা·সং চে·ল্লাচা রি·য়াংজক।

লূকনি চকগিবা নাম্মা খাৎথা 19:15

“ইন্দাকোবা বিয়া রাজা হং·আনি বিলখো মা·ন্নে রি·বাফিলজক আরো জেরাংনা থাংখা হ·ন্নামিং উয়া সাকচিখুং নকখলরাংখো রিংগামে রা·বাখানা গি·য়েৎজক। বিসং বাদিংএমিংনা সা বাসিক মান·দাপজক উখো বিয়া হা·আইনা হাম·জক।

লূকনি চকগিবা নাম্মা খাৎথা 23:42

জা·মানো বিয়া আগানজক, “যীশু, জেনসালো না·আ সংনকখো রা·এ ফিল·বানুয়া উনো আংখো গিসিক রা·বো।”

ওয়াত্তেতারাংনা 10:42

বিয়া চিংনা গি·য়েৎজক জেদাক্কে চিংআ যিহূদী মান্দিরাংচা আগানফ্রাকা আরো ইন্দাকে সাক্ষি হ·ন্না, ইসল বিখোন থাংগিবা আরো সিগিবারাংনি বিচাল দাকগিবা দাকজক।

ওয়াত্তেতারাংনা 17:31

মুয়ানা বিয়া ইন্দাকগিবা সালসাখো থিক দাকজক জেনসালো বিনি বাচ্ছিগিবা মান্দিচা বিয়া খাকখেৎ দাক্কে মান্দিরাংখো বিচাল দাকনুয়া। বিয়া উয়া মান্দিখো সিয়াওনি চাখাত্তেতি গিম্মিক মান্দিচা ইখো ফিন্নিকজক।”

রোমানরাংনা 2:16

ইসল জেনসালো যীশু খ্রীষ্টচা মান্দিরাংনি সিউল দংগিবা গিম্মিকখো বিচাল দাকনুয়া উনসালোন উয়া ফারাকনুয়া। আংনি আগানফ্রাকগিবা নাম্মা খাৎথা গিত্তান ইয়া বিচাল হং·নুয়া।

কলসীয়রাংনা 3:4

জেআন না·সংনি জাংগি উয়া খ্রীষ্ট জেনসালো ফারাকনুয়া উনো না·সংবা বিমুং বিনি রাসংও ফারাকনুয়া।

2 থিষলনীকীয়রাংনা 2:8

গিত্তেল যীশু বিনি খু·সুকনি বিবাচা ব·ন্নেতনুয়া আরো বিনি রাসংচা বিনি বিলখো ব·ন্নেতনুয়া।

1 তীমথিয় 5:21

ইসল আরো খ্রীষ্ট যীশু আরো বাচ্ছিয়ে রা·গিবা সা·গ্রেরাংনি মিকখাংও আংআ নাং·না ইখো গি·য়েতিংআ- দারাংনা চাকগিজা ইরাংখো দাকবো আরো সাকসাখোসান নিএ মামুং কামখো দা·আ দাক্কাবো।

2 তীমথিয় 1:10

ইন্দিবা দা·আও আনচিংখো জক্কেৎগিবা খ্রীষ্ট যীশুনি ইয়া হা·গিলসাকো রি·বাচা বিয়া উয়া খা·সাচাক্কাখো ফারাকজক। খ্রীষ্ট সিয়াখো ব·ন্নেতজক আরো নাম্মা খাৎথাচা ব·ন্নাগ্রি জাংগিনি খাৎথাখো ফারাকজক।

2 তীমথিয় 2:14

ইয়া খাৎথারাংখো মান্দিরাংনা গিসিক রা·এতবো। ইসলনি মিকখাংও বিসংখো সিমসাকেতবো জেদাক্কে বিসং হং·গিজা-নাংগিজা খু·সুকখো রা·এ জিগ্রিকজা। ইনি মামুং দামআন দংজা, বাত্তেসা জেরাং উখো খিন্নাআ বিসংখো উয়া ব·ন্নেতা।

2 তীমথিয় 4:18

গিত্তেল আংখো গিম্মিক নামগিজা কামওনি রাক্ষিনুয়া আরো নাম্মেদাক্কে থম·থমে বিনি সালগিনি সংনকচা রিম্মাংনুয়া। চাসংওনি চাসংওনা ফাংনাজল বিনি রাসং হং·খানা। আমেন।

2 তীমথিয় 4:8

উনি গিম্মিন আংনা নাম্মা জাংগিনি বকসিসখো দনসোজক। বিচালনি সালো খাকখেৎ বিচাল দাকগিবা গিত্তেল আংনা উয়া বকসিস গিত্তা হাম্মানি মালাখো হ·ন্নুয়া। ইন্দাকোবা বিয়া আংনাসান হ·ন্নুয়া ইন্দাকেদে হং·জা, জেরাং বিনি রি·বাফিল্লানা গিসিক নাংএ নিচাকসোএ দংজক বিসং গিম্মিকনা হ·ন্নুয়া।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

পিতর 1:7

ইন্দাকা রুরাআ সকবা জেদাক্কে না·সংনি বিবিরা·আ খাকখেৎ ইখো নিকনা মা·ন্না, আরো উনি গিম্মিনো যীশু খ্রীষ্টনি ফারাকানি সালো না·সং মিৎথেলাখো, রাসংখো আরো মান্দিরা·আখো মা·ন্না। জে সোনা নাসিনুয়া উখোবা ওয়া·আলো সো·এ খাকখেৎ দাক্কে রা·আ; ইন্দিবা না·সংনি বিবিরা·আনি দামদে উয়া সোনানা বাত্তে আরোবা বাং·আ।

পিতর 4:5

ইন্দিবা জেআন থাংগিবা আরো সিগিবা গিম্মিকনি বিচালখো দাকনা ইন্নে থারিয়ে দংসোজক বিচা বিসংনি হিসাব হ·ন্না নাংনুয়া।

পিতর 5:4

ইন্দাকোদে জেনসালো দাল·গিবা রাক্ষুয়াল মিকখাং ফা·নুয়া উনো হাম্মানি মালা গিত্তা বিনি রাসংখো মান·ফাগিবা হং·নুয়া, আরো উয়া মামুং সালোবা নাসিজানুয়া।

২ পিতর 1:11

ইনি গিম্মিন আনচিংনি গিত্তেল আরো জক্কেৎগিবা যীশু খ্রীষ্টনি সংনকও না·সংখো হা·সিকমানচাএ রা·চাকনুয়া।

২ পিতর 1:17

“ইয়ান আংনি খা·সাগিবা দেফান্থি, বিনি সাক্কাও আংআ খুসি হং·বিয়া,” সালগিওনি আগানা ইয়া খাৎথাচা খ্রীষ্ট ফাগিবা ইসলচাখো মান্দিরা·আ আরো রাসংখো মা·ন্নামিং।

1 যোহন 2:28

বি·সারাং, উনি গিম্মিন আগানিংজক, না·সং খ্রীষ্টওন দংখামবো জেদাক্কে বিয়া জেনসালো ফারাকনুয়া উনো আনচিং খা·সোকা আরো বিয়া জেনসালো রি·বানুয়া উনো বিনি মিকখাংও আনচিংনি খ্রাচা·না নাংজা।

ফারাকগিবা খাৎথা 1:7

নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।