2 তীমথিয় 3:6 - Garo New Testament

⁶ ইন্দাকা মান্দিরাংনি গিসেপো সাবা সাবা নকরিক্ষিতও নাপ্পে গিসিক নম·বকগিবা মিচিকরাংখো ব্রাংআ রামাচানা রা·আংআ। ইন্দাকা মিচিকরাংনি সাক্কাও পাপ গাপ্পে দংআ; বিসং বাং·আ নামগিজা হা·সিকারাংচা রি·য়া।

2 তীমথিয় 3:6 Iomraidhean Croise

মথিনি চকগিবা নাম্মা খাৎথা 11:28

‘‘নেং·গিবা আরো বালজ্রিমগিবারাং না·সং গিম্মিকান আংচানা রি·বাবো; আংআ না·সংখো নেং·থাকেতনুয়া।

মথিনি চকগিবা নাম্মা খাৎথা 23:13

“বু·এ চা·গিবা শাস্ত্র স্খিগিবা আরো ফরীশীরাং, হং·সিখানা না·সংনা! মান্দিরাংনি মিকখাংও না·সং সালগিনি সংনকনি দ·গাখো চিপচাংএ দন্না। উয়ো আন·থাংথাংবা নাপজা আরো নাপনা হা·সিকগিবারাংখোবা নাপনা হন·জা।

মথিনি চকগিবা নাম্মা খাৎথা 23:14

“বু·এ চা·গিবা শাস্ত্র স্খিগিবা আরো ফরীশীরাং, হং·সিখানা না·সংনা! না·সং মান্দিরাংনা ফিন্নিকনা ইন্নে রো·এ রো·এ বি·আ, আরো রান্দিরাংনি গামরাংখো সেক্কে রা·আ। ইনি গিম্মিন না·সং বাং·এ শাস্তি মা·ন্নুয়া।

মথিনি চকগিবা নাম্মা খাৎথা 4:24

সিরিয়া হা·সং গিম্মিকচানা বিনি খাৎথা গিপ্পাংজক। জে মান্দিরাং জম্মে-সাএ আরো সা·দিকে-সা·খামে দংআমিং, জেরাংখো গিসিক নামগিজাগিবা মা·ন্নামিং আরো দেকদেকে গিত্থিলগিবারাংখো আরো হা·আন জাদা সিগিবারাংখো মান্দিরাং যীশুচা রিমবাজক। বিয়া বিসংখো নাম্মেতজক।

মার্ক 4:19

ইন্দিবা নকদাংনা চানচিয়ারাং, গামজিননা খা·ফাকা আরো গিপ্পিন গিপ্পিন বস্তুরাংনা মাদ্দুুয়া ইরাং উয়া খাৎথাখো দিকফ্রিপা,

1ম করিন্থীয়রাংনা 12:2

না·সং হা·আইয়া, জেনসালো না·সং ইসলখো অলাখিজানুয়ামিং উনো ইন্দাকগিবা মিত্তে বিমাংচা না·সংখো সাল্লাংনুয়ামিং জেরাং খু·সুক আগান্না মান·জা।

1 তীমথিয় 5:6

ইন্দিবা জে রান্দি মিচিক হা·সিকরামরাম জাংগিখো থাংএতা বিয়া থাংমিত্তিংওবা সিয়া গিত্তা হং·আ।

1 তীমথিয় 6:9

ইন্দিবা জেরাং মা·ন্নে চা·গিবা হং·না হা·ম্মা বিসং বাং·আ রুরাও আরো জা·গাও গা·আকা, আরো ইন্দাকা নামগিজাস্রাং হা·সিকা বিসংনি হং·আ জেরাং মান্দিখো ব·ন্নেতাও আরো হং·সিয়াও গাল্লেতা।

তীতনা 1:11

ইন্দাকগিবা মান্দিরাংনি খু·সুকখো মিৎথিপনা নাংআ, মুয়ানা অন্যায় দাক্কে মান·দাপনা বিসং ইন্দাকা স্খিয়াখো র·ন্না জেখো বিসংনি স্খিয়েতনা নাংজা; আরো ইন্দাকে বিসং মিত্তাম নকরাংখো ব·ন্নেতজক।

তীতনা 3:3

চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং।

২ পিতর 2:18

বিসং সেল·গিজা আরো দাল·বিয়া খু·সুকখো আগানা আরো মান্দিনি পাপ-বেওয়ালনি নামগিজা হা·সিকাখো মিকরাকেতি বিসং ইন্দাকা মান্দিরাংখো ব্রাংআ রামাচা রা·আংআ জেরাং খ্রাগিজাও দংখামগিবা মান্দিরাংওনি হং·খাতে রি·বানি রামাও দংআমিং।

২ পিতর 3:17

খা·সাগিবা জংআদারাং, না·সং ইয়া খাৎথাখো স্খাংআন হা·আইনা মান·জক ইন্নে সিমসাকবো, জেদাক্কে ইন্দাকা বিংবাং মান্দিরাংনি ব্রাংআচা না·সংখো ব্রাংএতজাখানা, আরো না·সংনি গিসিকনি খেম·খেমাওনি না·সং জিত্তাংজা।

যিহূদা 1:16

ইন্দাকগিবা মান্দিরাং ফাংনান খুসি হং·গিজানি গিসিকখো ফিন্নিকা, আন·থাংথাংনি কপালনা দোস হ·ন্না আরো খা·থংনি নামগিজা হা·সিকারাং গিত্তা রি·য়া, বিসং আন·থাংথাংখো রা·এ রাসং দাক্কা আরো মা·ন্নাসান মান্দিরাংখো রাসং দাকমিকব্রুআ।

যিহূদা 1:18

বিসং না·সংনা ইয়া খাৎথাখো আগান্নুয়ামিং, “ইনগিৎচিয়ান জেরাংনি বেওয়াল বিসং বন·খামানি সালো রি·বানুয়া আরো বিসংনি খা·ফাকাগ্রি হা·সিকারাং গিত্তা রি·নুয়া।”

যিহূদা 1:4

ইয়াদে নাংআসা, মুয়ানা জে মান্দিরাংনি শাস্তিনি গিম্মিনো স্খাংআন শাস্ত্রও চক্কামিং বিসং না·সংনি গিসেপো স্রক স্রক দাক্কে নাপজক। ইসলনা ইয়া মান্দিরাংনি খা·ফাকা দংজা; আনচিংনি ইসলনি খা·সাচাক্কাখো বিসং নামজাস্রাংনি মিংসা ফা·সিকা ইন্নে চানচিয়া আরো জেআন আনচিংনি সাকসা খাম·খাম নকগিবা আরো গিত্তেল হং·আ উয়া যীশু খ্রীষ্টখো বিসং জিচাকা।