2 তীমথিয় 3:5 - Garo New Testament

⁵ হা·ফালনি বিমাংখো নিকজোকনো ইসলনা বিসং বাসিক খা·ফাকা গিত্তা নিক্কা, ইন্দিবা ইসলখো অলাখিয়ানি বিলখোন বিসং জিচাকা। ইন্দাকগিবা মান্দিরাংওনি চে·ল্লাও দংবো।

2 তীমথিয় 3:5 Iomraidhean Croise

মথিনি চকগিবা নাম্মা খাৎথা 7:15

“বু·এ চা·গিবা আগানসোগিবারাংনা সিমসাকবো। বিসং মেষনি বিমাংখো রা·এ না·সংচা রি·বাআ, ইন্দিবা নিং·আচাদে বিসং চা·মিন্নকগিবা মাৎচা গিত্তা দাক্কা।

ইফিষীয়রাংনা 4:14

মান্দিরাং নামগিজা বুদ্ধিচা গিপ্পিনরাংখো ব্রাংআ রামাচানা রা·আংনা জে ব্রাংগিবা স্খিয়াখো স্খিয়েতা, উয়া ব্রাংগিবা স্খিয়াও আনচিং বালওয়াও ফকফেকা গিত্তা ইচা-উচা দাকজানুয়া।

2 থিষলনীকীয়রাংনা 3:14

ইয়া চিঠিও চক্কা চিংনি খাৎথাখো সাবা মানিজাওদে উয়া মান্দিখো হা·আইয়ে দনবো। বিমুং দা·আ রি·ফাবো জেদাক্কে বিয়া খ্রাচা·আখো মা·ন্না।

2 থিষলনীকীয়রাংনা 3:6

জংআদারাং, আনচিংনি গিত্তেল যীশু খ্রীষ্টনি বিমুংও চিংআ না·সংনা ইন্দাকে গি·য়েতিংজক-সাবা আলসিয়া দাক্কে রি·ওদে আরো চিংচাখো না·সং জে স্খিয়াখো মান·জক উখো মানিজাওদে, ইন্দাকোদে না·সং বিমুং দা·আ রি·য়াবো।

1 তীমথিয় 4:7

ইসলখো রা·এ অলাখিগ্রি গল্পরাংওনি চে·ল্লে দংবো; উরাংদে বুৎচুমারাংনি বানাইয়া গল্পরাং গিত্তা হং·আ। বাত্তেসা ইসলখো অলাখিনা দাকবো।

1 তীমথিয় 4:8

বে·এনখো অকখিসা নাম্মা, ইন্দিবা ইসলখো অলাখিয়াও গিম্মিক গিত্তান নাম্মা; উনি গিম্মিন দা·আওনি জাংগিনা আরো রি·বাগিবা জাংগিনা খা·দংআ দংআ।

1 তীমথিয় 5:8

জেআন আন·থাংনি চাচ্চিরাংনা, মংসংদে আন·থাংনি নকখো নিজা বিয়া উচা বিনি বিবিরা·আখো জিচাকজক; বিয়া বিবিরা·গিজাগিবানা বাত্তেবা নামজা।

1 তীমথিয় 6:5

আরো গিসিক চনগিবারাংনি গিসেপো গোলমাল দাক্কা। ইন্দাকা মান্দিরাংও ইসলনি বিবি দংজা; বিসং খ্রীষ্টনি থরমনি বিবিখো হা·গিলসাকো মান·দাপানি চল ইন্নে চানচিয়া।

2 তীমথিয় 2:16

ইসলনা খা·ফাকাগ্রি আরো নামগিজা খাৎথারাংওনি চে·ল্লে দংবো, মুয়ানা ইন্দাকা নামগিজা খাৎথারাংনা মান্দিরাংনি গিসিকো ইসলনা খা·ফাকানি গিসিক গিম্মানুয়া।

2 তীমথিয় 2:23

হং·গিজা-নাংগিজা, গক্কা জিগ্রিকাও দা·আ দংফাবো, মুয়ানা না·আদে হা·আইয়া উরাং নিরিয়া-গিসিয়াখো থারিয়া।

তীতনা 1:16

খু·সুকচা বিসং ইসলখো হা·আইয়া ইন্নে আগানা, ইন্দিবা বিসংনি কামচা বিসং বিখো জিচাকা। বিসং মিৎচিনা খ্রাগিবা আরো বামগিজাগিবা হং·আ; বিসং মামুং নাম্মা কামনান খ্রাজা।

তীতনা 3:10

জে মান্দি ব্রাংগিবা স্খিয়াখো র·ন্নে মা·আৎগ্রিকাখো থারিয়া বিখো স্খাং রাং·সা, জা·মানো দা·আও রাং·সা সিমসাকেতবো। ইন্দাকাও কাম হং·জাওদে বিমুং নাংরিমাখো দনথংবো।