2 তীমথিয় 3:3 - Garo New Testament

³ বিসংও খা·সাআ দংজানুয়া, আরো বিসং নিরিয়ে-গিসিয়ে নাংরিমজানুয়া। বিসং গিপ্পিনখো জাচানুয়া, আন·থাংখো বাম্মেতনা মান·জানুয়া, খা·গ্রাক হং·নুয়া, আরো নামগিবা গিম্মিকখো মিৎচিনুয়া।

2 তীমথিয় 3:3 Iomraidhean Croise

মথিনি চকগিবা নাম্মা খাৎথা 10:21

“জংআদা জংআদাখো আরো ফাআ দেখো স·ওতে গালনা রি·ম্মে হ·ন্নুয়া। দেদ্রাং মা·আ-ফানা চাখাত্তে বিসংখো স·ওতেতনুয়া।

মথিনি চকগিবা নাম্মা খাৎথা 4:1

উনি জা·মানো গিসিক রংথালগিবা যীশুখো হা·গিসি জওলোনা রিম্মাংজক জেদাক্কে শয়তান যীশুখো মাদ্দুয়েতে পাপও গালনা মা·ন্না।

লূকনি চকগিবা নাম্মা খাৎথা 10:16

যীশু দা·আবা আন·থাংনি জা·রিকগিবারাংনা আগানজক, “না·সংনি খাৎথাখো খিন্নাচাকগিবা আংনি খাৎথাখোন খিন্নাচাক্কা। না·সংখো জিচাকগিবা আংখোন জিচাকা। আংখো জিচাকগিবা আংখো ওয়াত্তেতগিবাখোন জিচাক্কা।”

লূকনি চকগিবা নাম্মা খাৎথা 16:14

ইয়া খাৎথারাংখো খিন্নাএ ফরীশীরাং যীশুখো খা·দিংস্থেকনা হা·বাচেংজক, মুয়ানা বিসং থাংখাখো নামনিকবাতনুয়ামিং।

যোহননা 6:70

উনোন যীশু বিসংনা আগানজক, “আংআ না·সং সাকচিগ্মিখো বাচ্ছিয়ে রা·জামা? ইন্দিবা না·সংনিন গিসেপো সাকসা বোবিল দংআ।”

রোমানরাংনা 1:29

বিসং গিম্মিক নামগিজা, মাদ্দুয়া, মিকনেংআ, স·ওতা, দাকগ্রিকা, বু·আ আরো গিপ্পিননা নামগিজাখো দাকনা হা·সিকাও গাপ্পা। বিসং গিপ্পিনরাংখো জাচাংআ,

রোমানরাংনা 1:31

নাম্মা-নামগিজাখো হা·আইয়া বিসংনি দংজা, আরো বিসং বিবিরা·গিজাগিবা হং·আ। নকনি মান্দিরাংনা বিসংনি খা·সা দংজা আরো বিসংনি খা·থংও খা·সাচাক্কানি দংজা।

1ম করিন্থীয়রাংনা 7:5

সাকসা সাকগিপ্পিনমুং বে·এনচা আপসান হং·না দা·আ জিচাকাবো; ইন্দাকোবা বি·না চল্‌জকে আপসান গং·গ্রিকে বাং·গিজা সালনা দিংথাং দংনা মা·ন্না। উনি জা·মানো দা·আবা আপসান হং·বো জেদাক্কোদে আন·থাংথাংখো চাকচিকেতনা মান·জানি হা·সেল শয়তান না·সংখো পাপচানা সালনা মান·জা।

1ম করিন্থীয়রাংনা 7:9

ইন্দিবা বিসং আন·থাংথাংখো চাকচিকেতনা মান·জাওদে বিয়াখানা, মুয়ানা বে·এননি হা·সিকাও খাম্মানা বাত্তে বিয়া দাক্কান নামবাতা।

1 থিষলনীকী 4:8

উনি গিম্মিন ইয়া স্খিয়াখো জেআন জেগালা বিয়া মান্দিখো জেগালজা, বাত্তেসা জেআন বিনি গিসিক রংথালগিবাখো না·সংনা হন·জক উয়া ইসলখোন জেগালা।

1 তীমথিয় 3:11

উয়ানদাক্কেন বিসংনি জিকরাংবা জেদাক্কে মান্দিরা·আখো মা·ন্না খ্রাগিবা হং·আ। বিসং জেদাক্কে গিপ্পিনরাংনি নামগিজাখো আগানে রওমজা আরো আন·থাংথাংখো বাম্মেতি দন্না। গিম্মিক গিত্তান জেদাক্কে বিসংখো বিবিরা·না মা·ন্না।

তীতনা 1:8

উনা বাত্তে সকবাগিবারাংখো যতন রা·না আরো খা·সাচাক্কানি কামখো দাকনা জেদাক্কে বিয়া নামনিকা। বিনি নাম্মা বিচাল-বুদ্ধি দংনুয়া, বিয়া খাকখেৎ হং·নুয়া আরো ইসলনা বামনুয়া আরো আন·থাংখো বাম্মেতে দন্নুয়া।

তীতনা 2:3

উয়ানদাক্কে বিলসি বাৎগিবা মিচিকরাংনা আগানবো, বিসংনি রি·য়ারাংও জেদাক্কে ইসলনা খা·ফাকা দংআ আরো বিসং জেদাক্কে নাম্মাখো স্খিয়া। গিপ্পিনখো জিনা বা চুফেকগিবা হং·না বিসং খ্রাজা।

যাকোব 2:6

ইন্দাকোবা উয়া দিলগিবা মান্দিরাংখোন না·সং চন্নিকজক। ইন্দিবা মা·ন্নে চা·গিবারাং না·সংখো দুক রন·জামা? আরো না·সংখো বিচাল দাকগিবা নকচানা সাল্লে রা·আংজামা?

২ পিতর 2:14

বিসংনি মিক্রোন থি·ল্লেকাও গাপ্পা আরো বিসং পাপ দাক্কাখো দনথংজা। গিসিক খেম·খেম দংগিজাগিবারাংখো বিসং মাদ্দুএতি ব্রাংগিবা রামাচানা রিম্মাংআ। বিসংনি খা·থং মাদ্দুনাসান ্লিংআ। বিসংনি সাক্কাও শাপ দংআ। বিসং স্রংআ রামাখো দন্নে ব্রাংআ রামাচা রি·য়াংজক।

২ পিতর 2:19

উয়া বু·এ চা·গিবা স্খিগিবারাং উয়া মান্দিরাংনা জাকগিত্তেলখো র·ন্না খু·রাচাক্কোবা, ইন্দিবা আন·থাংথাংদে নামজাস্রাং কামনি নকখল হং·আ; মুয়ানা সাবা মামুংও হামজাওদে বিয়া উনি নকখল হং·আ।

২ পিতর 3:3

স্খাং ইয়া খাৎথাখো গিসিক রা·বো, নাম্মা বিদিংখো রা·এ জেরাং খা·দিংস্থেকনা নামনিকা বিসং বন·খামওনা রি·বাএ খা·দিংস্থেকনুয়ান। বিসং আন·থাংনি হা·সিকা গিত্তান রি·নুয়া,

যিহূদা 1:16

ইন্দাকগিবা মান্দিরাং ফাংনান খুসি হং·গিজানি গিসিকখো ফিন্নিকা, আন·থাংথাংনি কপালনা দোস হ·ন্না আরো খা·থংনি নামগিজা হা·সিকারাং গিত্তা রি·য়া, বিসং আন·থাংথাংখো রা·এ রাসং দাক্কা আরো মা·ন্নাসান মান্দিরাংখো রাসং দাকমিকব্রুআ।

যিহূদা 1:18

বিসং না·সংনা ইয়া খাৎথাখো আগান্নুয়ামিং, “ইনগিৎচিয়ান জেরাংনি বেওয়াল বিসং বন·খামানি সালো রি·বানুয়া আরো বিসংনি খা·ফাকাগ্রি হা·সিকারাং গিত্তা রি·নুয়া।”

ফারাকগিবা খাৎথা 13:15

উয়া বিমাংনা জাংগি হন·নানি বিলবা বিনা হন·জক, জেদাক্কে উয়া বিমাং খু·সুক আগান্না মান·না আরো জেরাং উয়া বিমাংখো ইসল চাচা মান্দিরা·এ সেলাম দাকজানুয়া বিসংখো দক্কে গালনা মান·না।

ফারাকগিবা খাৎথা 13:17

ইনি গিম্মিনো উয়া চিননা আগ্রে সাওবা মামিংখো ব্রিনা বা ফালনা মান·জাজক। উয়া চিন হং·জক উয়া মাৎবুরুংনি বিমুং বা উনি বিমুংনি নম্বল।

ফারাকগিবা খাৎথা 16:6

ইয়া মান্দিরাং ইসলনি মান্দিরাংখো আরো আগানসোগিবারাংখো স·ওতে গালজক। উনি গিম্মিন না·আ বিসংনা ইয়া হান·চিখো রিংনা হন·জক আরো ইয়ান বিসংনা খ্রাজক।”

ফারাকগিবা খাৎথা 17:6

আংআ নিকজক, উয়া মিচিক ইসলনি মান্দিরাংনি হান·চিখো আরো জেরাং যীশুনি গিম্মিনো সাক্ষি হন·জক বিসংনি হান·চিখো রিংএ চুফেকগিবা হং·এ দংআ।