2 তীমথিয় 3:2 - Garo New Testament

² মান্দি আন·থাংখোসান নামনিকনুয়া, থাংখানা মাদ্দুনুয়া, রাসং দাকনুয়া, গিম্মিকখো চন্নিকনুয়া, গিম্মিকনি নামগিজাখো আগান্নুয়া আরো মা·গিবা-ফাগিবাখো মানিজানুয়া।

2 তীমথিয় 3:2 Iomraidhean Croise

মথিনি চকগিবা নাম্মা খাৎথা 15:6

ইন্দাকোদে মা·আ-ফাখো বিনি মান্দিরা·না নাংজানুয়া। না·সংনি ইয়া দাকবেওয়ালরাংনি গিম্মিন না·সং ইসলনি খাৎথাখো জেগালজক।

লূকনি চকগিবা নাম্মা খাৎথা 12:15

জা·মানো যীশু মান্দিরাংনা আগানজক, “সিমসাকবো! গিম্মিক মিকবোকাওনি আন·থাংথাংখো রাক্ষিবো, মুয়ানা বাং·আ গামজিন দংআন মান্দিনি জাংগিনা গিম্মিকনা বাত্তে নাংবাৎগিবা হং·জা।”

লূকনি চকগিবা নাম্মা খাৎথা 16:14

ইয়া খাৎথারাংখো খিন্নাএ ফরীশীরাং যীশুখো খা·দিংস্থেকনা হা·বাচেংজক, মুয়ানা বিসং থাংখাখো নামনিকবাতনুয়ামিং।

লূকনি চকগিবা নাম্মা খাৎথা 6:35

ইন্দিবা না·সং আন·থাংথাংনি বোবিলরাংনা খা·সাবো আরো বিসংনা নাম্মাখো দাকবো। মামুংখো ফি·ল্লে মা·ন্নানিখো চানচিগিজা থাংখা স্রোনা হন·বো। ইন্দাকোদে না·সংনি মা·ন্নানি দংআ, আরো না·সং চুবাৎগিবা ইসলনি দেদ্রাং হং·নুয়া, মুয়ানা বিয়া নামগিজারাংনাবা খা·সাচাক্কা।

ওয়াত্তেতারাংনা 5:36

বাং·গিজা সালনা স্খাংও থুদা মিংগিবা মান্দি সাকসা রি·বাএ আন·থাংখো দাল·গিবা সাকসা ইন্নে ইন্নামিং, আরো রিৎচাব্রিমাং মান্দিরাং বিখো জা·রিকামিং। বিখো স·ওতে গালজক আরো বিখো জা·রিকগিবা গিম্মিকান বিলদিং বিলদাং হং·থকজক। ইনি গিম্মিন বিনি গিম্মিকান গিম্মাজক।

রোমানরাংনা 11:18

ইন্দিদে দেন·ফাকে গালগিবা ডালারাংনা বাত্তে আন·থাংখো দা·আ দাল·নিকাবো। চানচিওদে ইখো গিসিক রা·রিকবো, না·আ জা·দিলখো রি·ম্মে রা·রিকজাংআ বাত্তেসা জা·দিলান নাং·খো রি·ম্মে রা·রিকিংআ।

2য় করিন্থীয়রাংনা 5:15

বিয়া গিম্মিকনি হং·এ সিয়ামিং জেদাক্কে থাংএ দংগিবারাং আন·থাংথাংনা থাংএ দংজা, বাত্তেসা জেআন বিসংনা সিয়ামিং আরো থাংচাফিলজক বিনান থাংএ দংআ।

ফিলিপীয়রাংনা 2:21

গিপ্পিনরাং যীশু খ্রীষ্টনি বিদিংও বিমচিপগিজা আন·থাংনাসান বিমচিপা।

কলসীয়রাংনা 3:5

উনি গিম্মিন না·সংনি পাপ-বেওয়ালও দংগিবারাংখো ব·ন্নেতবো। উয়ো থি·ল্লেকারাং, মারাং নাংআরাং, নামগিজা হা·সিকারাং আরো মাদ্দুয়ারাং দংআ জেখো মিত্তে বিমাংখো অলাখিয়া ইন্নেবা আগান্না মা·ন্না।

2 থিষলনীকীয়রাংনা 2:4

ইসল ইন্নে জেরাং দংআ উরাংনি সাক্কাও আরো অলাখিনা দংগিবা গিম্মিকনি সাক্কাও চাদেংএ বিয়া আন·থাংখো দা·ল্লে ফিন্নিকনুয়া; আরোবা, ইসলখো অলাখিগিবা নক্কো আসংএ বিয়া আন·থাংখো ইসল ইন্নে দাবি দাকনুয়া।

1 তীমথিয় 1:20

উয়া মান্দিরাংও দংআ হুমিনায় আরো আলেকসান্দর। উনি গিম্মিন শয়তাননি জাক্কো আংআ বিসংখো ওয়াতজক, জেদাক্কে বিসং ইন্দাকা স্খিয়াখো মা·ন্না, ইসলখো চন্নিকনা নাংজা।

1 তীমথিয় 1:9

আনচিং ইখোবা হা·আইয়া, নাম্মা মান্দিনা ইয়া নিয়ামখো হন·জা; ইখো বিসংনান হ·ন্নামিং জেরাং নিয়ামখো মানিজা আরো জেরাং বাম্মে দংজা, জেরাং অলাখিজা আরো পাপী হং·আ, জেরাং রংথালজা আরো থরমি হং·জা, জেরাং মা-ফাখো স·ওতে গাল্লা, জেরাং স·ওতে গাল্লা,

1 তীমথিয় 3:3

জেদাক্কে বিয়া চুফেকগিবা আরো খা·আওনাংরাকগিবা হং·জা আরো বাত্তেসা বিনি গিসিক রিন্নকখানা আরো বিয়া নিরিগিসিজাখানা বা থাংখা-পয়সারাংনা মাদ্দুজাখানা।

1 তীমথিয় 6:10

থাংখা-পয়সানা নামনিকা হং·জক নামগিজা গিম্মিকনি জা·থিং। বাং·আরাংএন থাংখা-পয়সানা মাদ্দুয়ে খ্রীষ্টান থরমখো বিবিরা·আওনি জিত্তাংএ আন·থাংথাংনি সাক্কাও বাং·আ দুকরাংখো রিংগামে রা·বাজক।

1 তীমথিয় 6:4

বিয়া মামুংখোন হা·আইজা; নিরিয়া আরো জিগ্রিকা জেদাক্কে বিনি গি·সা সাআ গিত্তা হং·আ। ইরাংনি বিথি হং·জক- মিকনেংআ, নিরিয়া, জিআ, ফত্তা,

2 তীমথিয় 3:4

বিসং বিবিগিজাগিবা, নাথিমাং আরো গাং·বিংগিবা হং·নুয়া। ইসলখো খা·সাগিজা বিসং হা·গিলসাকনি সুকখো নামনিকনুয়া।

যাকোব 2:8

রংথালগিবা শাস্ত্রও চক্কা দংআ, “নাং·নি সংসুল নকসুলখো আন·থাং গিত্তা খা·সাবো।’’ না·সং বিবিন ইয়া নিয়াম গিত্তা রি·ওদে, না·সং নাম্মাখোন দাক্কিংজক।

যাকোব 4:16

ইন্দাকগিজা ইখোন নিকনা মা·ন্নিংআ, না·সং গাং·বিংগিবা আরো রাসং চাগিবা হং·আ। ইন্দাকে রাসং দাক্কান নামজা।

যাকোব 4:6

ইন্দিবা ইসলনি খা·সাচাক্কা আরোসা বাত্তা। উনি গিম্মিন শাস্ত্রও চক্কা দংআ, “গাং·বিংগিবারাংখো ইসল চাংফেংআ, ইন্দিবা রিন্নকগিবারাংনা খা·সাচাক্কা।’’

পিতর 5:5

উয়ানদাক্কে ফান্থিরাং, না·সং দাল·গিবারাংনি নিং·আও দংবো। না·সং গিম্মিকান রিন্নকে সাকসা সাকগিপ্পিননা দাকচাকে রন·বো, মুয়ানা রংথালগিবা শাস্ত্রনি খাৎথা গিত্তা, “ইসল গাং·বিংগিবারাংনি সাক্কাও চাদেংআ, ইন্দিবা রিন্নকগিবারাংনা খা·সাচাক্কা।”

২ পিতর 2:12

ইন্দিবা বুদ্ধিগ্রি জে জাংগিগ্মাংগিবারাং বিসংনি হা·সিকানি নিং·আও আরো রি·ম্মে স·ওতে গালনা ইন্নেন জেরাং আৎচিয়া, ইয়া বু·এ চা·গিবা স্খিগিবারাং বিসং গিত্তান হং·আ। বিসং জেখো হা·আইজা উনি বিদিংও নামগিজা খাৎথা আগানা। আন·থাংনি নামগিজাওন বিসং ব·ন্নাংনুয়া।

২ পিতর 2:18

বিসং সেল·গিজা আরো দাল·বিয়া খু·সুকখো আগানা আরো মান্দিনি পাপ-বেওয়ালনি নামগিজা হা·সিকাখো মিকরাকেতি বিসং ইন্দাকা মান্দিরাংখো ব্রাংআ রামাচা রা·আংআ জেরাং খ্রাগিজাও দংখামগিবা মান্দিরাংওনি হং·খাতে রি·বানি রামাও দংআমিং।

২ পিতর 2:3

মাদ্দুএ বু·আনি খাৎথাখো আগানে বিসং আন·থাংথাংনি মান·দাপানি গিম্মিন না·সংখো কাম দাক্কেতনুয়া। বিসংনি শাস্তি স্খাংওনিন বিসংনি সাক্কাও দংআ, আরো বিসংনি ব·ন্নাদে হারিমজাজক।

যিহূদা 1:16

ইন্দাকগিবা মান্দিরাং ফাংনান খুসি হং·গিজানি গিসিকখো ফিন্নিকা, আন·থাংথাংনি কপালনা দোস হ·ন্না আরো খা·থংনি নামগিজা হা·সিকারাং গিত্তা রি·য়া, বিসং আন·থাংথাংখো রা·এ রাসং দাক্কা আরো মা·ন্নাসান মান্দিরাংখো রাসং দাকমিকব্রুআ।

ফারাকগিবা খাৎথা 13:1

উনি জা·মানো আংআ মাংসা মাৎবুরুংখো সাগালচানি হং·খাতে রি·বাখো নিকজক। উয়া মাৎবুরুংনি গ্রং চিকখুং আরো দৎস্নি স্খু দংআমিং। উয়া গ্রংরাংনি সাক্কাও চিকখুং মুকুট দংআমিং আরো স্খুরাংনি সাক্কাও ইসলখো চন্নিকনা ইন্নে দিংথাং দিংথাং বিমুংরাং লিক্ষিয়া দংআমিং।

ফারাকগিবা খাৎথা 16:21

সিলগাওনি মান্দিনি সাক্কাও দাল·লা রং·থি গিত্তা স্থিল গা·আকনা হা·বাচেংজক। উনি গি·ফ্রাকআন হং·আমিং 36 কেজি। উনি হা·সেল মান্দিরাং স্থিলনি মাত্তানা ইসলখো জিনা হা·বাচেংজক, মুয়ানা উয়া স্থিলনি মাত্তা বিল্লংআমিং।

ফারাকগিবা খাৎথা 16:9

উনো নাম্মেন দিং·দোএ মান্দিরাংনি বে·এন খামজক, আরো ইয়া সাবিসিরাংনি সাক্কাও জেনি বিল দংআ বিসং উয়া ইসলখো চন্নিকনা হা·বাচেংজক। ইন্দিবা বিসং গিসিক ফিল·জাজক আরো ইসলনি রাসংখো দাকজাজক।