2 তীমথিয় 3:17 - Garo New Testament

¹⁷ জেদাক্কে ইসলনি মান্দি চু·গিম্মিক দাক্কে খ্রাগিবা হং·এ নাম্মা কামখো দাকনা ইন্নে থারিসোনা মা·ন্না।

2 তীমথিয় 3:17 Iomraidhean Croise

ওয়াত্তেতারাংনা 9:36

যাফো সংজিলমাও টাবিথা মিংগিবা জা·রিকগিবা মিচিক সাকসা দংআমিং। গ্রীকচা ইয়া বিমুংনি অর্থ হং·আ দর্কা। বিয়া ফাংনানান গিপ্পিনরাংনা নাম্মাখো দাকচাকনুয়ামিং আরো দিল্লা-চন্নারাংনা হন·চাকনুয়ামিং।

2য় করিন্থীয়রাংনা 9:8

না·সংনা গিম্মিক গিত্তা খা·সাচাক্কানি বিল ইসলনি দংআ, জেদাক্কে না·সংনি নাংগিবা গিম্মিকান ফাংনান না·সংচা দংআ; আরো উনি গিম্মিন জেদাক্কে না·সং গিম্মিক নাম্মা কামরাংনা জাকস্রামে হ·ন্না মা·ন্না।

ইফিষীয়রাংনা 2:10

আনচিং ইসলনি জাকনি থারিগিবা হং·আ। ইসল খ্রীষ্ট যীশুমুং নাংরিমেতি আনচিংখো গিত্তাল দাক্কে থারিজক জেদাক্কে আনচিং নাম্মা কামখো দাক্কা। ইয়া নাম্মা কামখো বিয়া স্খাংআন থারিয়ে দন্নামিং, জেদাক্কে আনচিং উখো দাক্কে জাংগি মিৎথাংআ।

1 তীমথিয় 6:11

ইন্দিবা না·আদে ইসলনি মান্দি; ইরাংওনি না·আ খাতবো। খাকখেৎ জাংগি, অলাখিয়া, বিবিরা·আ, খা·সাআ, চাকচিকা আরো রিন্নকা গিসিক-বেওয়ালনা গিসিক নাংবো।

2 তীমথিয় 2:21

জেরাং ইন্দাকা চনচনগিবা কামনি দনচাক্রা গিত্তা হং·আ, বিসংওনি জিতবাএ সাবা আন·থাংখো রংথালেতোদে ইন্দিদে বিয়া ইন্দাকা দনচাক্রা গিত্তা হং·নুয়া জেখো দাল·বিয়া কামও জাকখালিংআ। রংথালা মিকসংআনা বিখো দিংথাং দাক্কে দন্নুয়া, বিয়া গিত্তেলনি কামখো দাকনুয়া আরো গিম্মিক নাম্মা কামখো দাকনা বিয়া থারিয়ে দংসোনুয়া।

তীতনা 1:16

খু·সুকচা বিসং ইসলখো হা·আইয়া ইন্নে আগানা, ইন্দিবা বিসংনি কামচা বিসং বিখো জিচাকা। বিসং মিৎচিনা খ্রাগিবা আরো বামগিজাগিবা হং·আ; বিসং মামুং নাম্মা কামনান খ্রাজা।

তীতনা 2:14

যীশু খ্রীষ্ট আনচিংনি গিম্মিন আন·থাংনি জাংগিখো হন·চাকামিং, জেদাক্কে গিম্মিক পাপওনি আনচিংখো জক্কেৎনা মা·ন্না আরো উনি গিম্মিন ইন্দাকগিবা দলসা মান্দিখো রংথালেতনা মা·ন্না জেরাং বিনিসান হং·নুয়া আরো জেরাং গিপ্পিনরাংনা দাকচাকনা হা·সিকনুয়া।

তীতনা 3:1

ইসলনি মান্দিরাংখো গিসিক রা·এতবো জেদাক্কে বিসং শাসন দাকগিবা আরো জেরাংনি জাক্কো বিল দংআ বিসংনি নিং·আও দংআ, বাম্মে দংআ আরো মান্দিরাংনা গিম্মিক গিত্তা দাকচাকনা থারিয়ে দংসোআ।

ইব্রীয়রাংনা 10:24

হাই, আনচিং সাকসা সাকগিপ্পিননি বিদিংও চানচিনা জেদাক্কে আনচিং খা·সাগ্রিকনা আরো নাম্মা কামখো দাকনা সাকসা সাকগিপ্পিনখো খা·দংএতনা মা·ন্না।

ইব্রীয়রাংনা 13:21

জেরাং নাম্মা উচা বিয়া বিনি হা·সিকা গিত্তা রি·খানা না·সংখো চু·গিম্মিক দাক্কে থারিখানা। বিনি মিক্রোনও জেরাং নাম্মা যীশু খ্রীষ্টও আনচিংনি খা·থংও বিয়া উখোন দাকখানা। জ্রিংজ্রৎনা ইসলনি রাসং হং·খানা। আমেন।