2 তীমথিয় 3:15 - Garo New Testament

¹⁵ বি·সাওনি না·আ রংথালগিবা শাস্ত্রনিখো স্নিংআ। আরো ইয়া রংথালগিবা শাস্ত্রন নাং·খো খ্রীষ্ট যীশুখো বিবিরা·আচা পাপওনি জক্কেতাখো মা·ন্নানি হা·আইয়াখো হ·ন্না মা·ন্না।

2 তীমথিয় 3:15 Iomraidhean Croise

মথিনি চকগিবা নাম্মা খাৎথা 22:29

যীশু বিসংনা আগানজক, “না·সং ব্রাংইংজক, মুয়ানা না·সং শাস্ত্রবা হা·আইজা, ইসলনি বিলখোবা হা·আইজা।

লূকনি চকগিবা নাম্মা খাৎথা 1:15

মুয়ানা গিত্তেলনি মিক্রোনও বিয়া দাল·গিবা হং·নুয়া। বিয়া মামুং সালোবা আংগুর বিৎচিখো বা চুখো রিংজানুয়া আরো মা·আনি অক্কো দংওন বিয়া গিসিক রংথালগিবাও গাপনুয়া।

লূকনি চকগিবা নাম্মা খাৎথা 2:40

বি·সা যীশু দাল·রোরোএ বিল্লাকবানা আরো হা·আইয়াও চু·সকনা হা·বাচেংজক। বিনি সাক্কাও ইসলনি ফাত্তিয়া দংআমিং।

লূকনি চকগিবা নাম্মা খাৎথা 24:27

উনি জা·মানো বিয়া মোশিনি আরো গিম্মিক আগানসোগিবারাংনি চক্কারাংওনি হা·বাচেংএ রংথালগিবা শাস্ত্রও বিনি আন·থাংনি গিম্মিনো চকগিবা গিম্মিকখোন বিসংনা থাল্লে আগানজক।

লূকনি চকগিবা নাম্মা খাৎথা 24:32

উনোন বিসং সাকসা সাকগিপ্পিননা আগানজক, “রামাও বিয়া আনচিংমুং খাৎথা আগানমিত্তিংও আরো রংথালগিবা শাস্ত্রনি অর্থখো আগানমিত্তিংও আনচিংনি খা·থং খামদোজামিংমা?”

লূকনি চকগিবা নাম্মা খাৎথা 24:45

রংথালগিবা শাস্ত্রখো হা·আইখানা গিত্তা বিয়া জা·রিকগিবারাংনি বুদ্ধিখো খুলিয়েতজক আরো বিসংনা আগানজক, “চক্কা দংআ, খ্রীষ্টখো দুক চাকনা নাংনুয়া আরো সালগিত্থামনি সালো সিয়াওনি চাখাতনা নাংনুয়া।

যোহননা 5:47

ইন্দিবা না·সং বিনি চক্কাখোন বিবিরা·জাওদে বাদিকে দাক্কে আংনি আগানাখো বিবিরা·নুয়া?”

ওয়াত্তেতারাংনা 10:43

গিম্মিক আগানসোগিবারাংআন বিনি গিম্মিন ইন্দাকে সাক্ষি হ·ন্নিংআ, বিখো বিবিরা·গিবারাং গিম্মিকান বিনি গুণনি হা·সেল পাপওনি ক্ষেমাখো মা·ন্না।”

ওয়াত্তেতারাংনা 13:29

বিনি গিম্মিন রংথালগিবা শাস্ত্রও জেরাংখো চক্কা দংআমিং উয়া গিম্মিক চু·সকানি জা·মানো বিসং বিখো চিসলোনি রং·খাত্তি গোপ্পামিং।

ওয়াত্তেতারাংনা 16:1

জা·মানো পৌল দর্বী আরো লুস্ত্রা সংজিলমাচানা রি·য়াংজক। উয়ো তীমথিয় মিংগিবা জা·রিকগিবা সাকসা দংনুয়ামিং। বিনি মা·গিবা খ্রীষ্টখো বিবিরা·গিবা সাকসা যিহূদী মিচিকমিং, ইন্দিবা বিনি ফাগিবাদে গ্রীকমিং।

ওয়াত্তেতারাংনা 17:2

পৌল বিনি দাকবেওয়াল গিত্তান উয়া থম·দাকরামচা রি·য়াংজক আরো উনি রিত্তাপ রিত্তাপ চাংগিত্থাম নেং·থাকানি সালো মান্দিরাংমুং রংথালগিবা শাস্ত্রনিখো আগানজক।

ওয়াত্তেতারাংনা 26:24

পৌলনি ইন্দাকে আন·থাংনা চাক্কে খাৎথা আগানমিত্তিংও ফীষ্ট বিখো ফেং·এ চ্রিকে আগানজক, “পৌল, না·আ খোরে চাজক। না·আ বাং·এ পড়িজক আরো উয়া পড়িয়ান নাং·খো খোরে চাএতজক।”

রোমানরাংনা 1:2

ইসল বিনি আগানসোগিবারাংচা রংথালগিবা শাস্ত্রও স্খাংআন ইয়া নাম্মা খাৎথানা খু·রাচাকসোআমিং।

রোমানরাংনা 16:26

ইন্দিবা নাম্মা খাৎথাচা উখো দা·আও ফারাকজক আরো উগিত্তান আংআ আগানফ্রাকিংজক। ফাংনাজলগিবা ইসলনি গি·য়েতা গিত্তা আগানসোগিবারাংনি চক্কাও গিম্মিক জাতনি মান্দিরাংচা উখো হা·আইএতজক, জেদাক্কে বিসং খ্রীষ্টখো বিবিরা·এ ইসলখো মানিনা মা·ন্না।

রোমানরাংনা 2:27

নাং·চাদে চকগিবা নিয়ামরাং দংআ আরো নাং·নি বিগিলখোবা রাতজক। ইন্দিবা না·আ নিয়ামখো মানিজাওদে জেনি বিগিল রাতখুজা ইন্দাকোবা নিয়ামখোদে মানিংআ, নিয়ামখো মানিজানা বিয়া নাং·খো দোসি দাকজানুয়ামা?

1ম করিন্থীয়রাংনা 1:21

ইসল বিনি আন·থাংনি হা·আইয়াও থিক দাকজক ইন্নেন হা·গিলসাক বিনি আন·থাংনি হা·আইয়াচা ইসলখো হা·আইনা মান·জা। ইনি গিম্মিন নাম্মা খাৎথানি গক্কাচা পাপওনি বিবিরা·গিবারাংখো জক্কেতাখো ইসল নাম্মা ইন্নে চানচিজক।

ইফিষীয়রাংনা 6:4

না·সং জেরাং ফাগিবা, না·সং না·সংনি দেদ্রাংখো দা·আ মাংমেংএতাবো, বাত্তেসা গিত্তেলনি শাসন আরো স্খিয়াও বিসংখো মান্দি দাকবো।

1 তীমথিয় 4:13

আংনি রি·বাখুজা দিপ্পাৎ না·আ বিবিরা·গিবারাংখো রংথালগিবা শাস্ত্রখো পড়াইএ খিন্নাদিল্লাও, আগানফ্রাকাও আরো স্খিয়েতানি কামও আন·থাংখো বিমচিপে দনবো।

2 তীমথিয় 1:1

খ্রীষ্ট যীশুও ফাংনাজলনি জাংগিনি খু·রাচাক্কা গিত্তা ইসলনি হা·সিকাও আংআ পৌল খ্রীষ্ট যীশুনি সাকসা ওয়াত্তেতা হং·জক।

2 তীমথিয় 1:5

নাং·নি খা·থংও জে বিবিরা·আ দংআ উখোবা আংনি গিসিকো দংআ। ইয়া বিবিরা·আ স্খাংও নাং·নি আম্বি লোয়ী আরো নাং·নি মা·আ উনীকীনি খা·থংও দংআমিং, আরো আংআ হা·আইয়া, ইয়া বিবিরা·আ নাং·নি খা·থংওবা দংআ।

২ পিতর 3:16

বিনি গিম্মিক চিঠিওন বিয়া ইন্দাকা বিদিংরাংনি গিম্মিনো ইয়া আপসান খাৎথাখোন চক্কা। উরাংনি গিসেপো মিত্তাম বিদিংরাং দংআ জেখো হা·আইনা রাক্কা। উনি গিম্মিন জেরাং জা·রিকগিবা হং·আনি স্খিয়াখো মান·জাজক আরো জেরাংনি গিসিক জাব্রাংআ বিসং দিংথাং শাস্ত্র গিত্তা ইরাংনি অর্থখোবা থাল্লে আগানগিজা আন·থাংথাংনি ব·ন্নাংআনিখো রিক্কামে রা·বাআ।

ফারাকগিবা খাৎথা 19:10

উনো আংআ উয়া সা·গ্রেনি জা·চকও থুচিকোপে বিখো ইসল চাচাএ মান্দিরা·এ অলাখিজক। ইন্দিবা বিয়া আংনা আগানজক, “ইয়া মুয়াখো দাক্কিংআ? আংআ নাং·নি গিত্তা নকখল হং·ফা। ইসলখোন অলাখিবো। নাং·নি বিবিরা·গিবা জংআদারাং, জেরাং যীশুনি স্খিয়াখো রিম·মে রা·রিকা/মানিয়া, আংআ বিসংনিন সাকসা হং·আ। যীশুনি স্খিয়ান আগানসোগিবারাংনি স্খিয়ানি চং·মত হং·আ।”