2 তীমথিয় 3:12 - Garo New Testament

¹² চংমতদে জেরাং খ্রীষ্ট যীশুমুং নাংরিমে ইসলখো অলাখিয়ে জাংগি মিৎথাংএতনা হা·ম্মা বিসং গিচ্চিনুয়ান।

2 তীমথিয় 3:12 Iomraidhean Croise

মথিনি চকগিবা নাম্মা খাৎথা 16:24

উনি জা·মানো যীশু আন·থাংনি জা·রিকগিবারাংনা আগানজক, “সাবা আংনি রামাও রি·বানা হা·সিকোদে বিয়া আন·থাংনি হা·সিকা গিত্তা রি·জাখানা; আন·থাংনি চিসলখো রা·এ বিয়া আংনি জা·মান রি·বাখানা।

মথিনি চকগিবা নাম্মা খাৎথা 23:34

উনি গিম্মিন আংআ না·সংচা আগানসোগিবা, হা·আইগিবা মান্দি আরো শাস্ত্র স্খিগিবারাংখো ওয়াত্তেতিংজক। না·সং বিসংনি গিসেপো মিত্তামরাংখো স·ওতনুয়া আরো মিত্তামরাংখো চিসলো দাৎখাপনুয়া। মিত্তামরাংখো না·সংনি থম·দাকরামও বেতচা দকনুয়া আরো সং দামসাচানিখো সং দামসাচানা হা·রিকেতনুয়া।

মার্ক 10:30

ইয়া চাসংওন বিয়া উনি রিৎচাসা বাং·বাত্তে নকরাংখো, জংআদা-নআবিরাংখো, মা·খো, দেদ্রাংখো আরো হা·বারাংখো মা·ন্নুয়া আরো উমুং দুকবা মা·ন্নুয়া আরো জা·মানো রি·বাগিবা চাসংও ফাংনাজলনি জাংগিখো মা·ন্নুয়া।

যোহননা 16:2

মান্দিরাং থম·দাকরামওনিখো না·সংখো রং·খাত্তেতনুয়া; আরোবা সাল রি·বাংজক, জেনসালো না·সংখো স·ওতগিবারাং চানচিনুয়া, বিসং ইসলনান দাকচাকে হ·ন্নিংআ।

যোহননা 16:33

আংআ না·সংনা ইরাংখো আগানজক জেদাক্কে না·সং আংমুং দংখামানি গিম্মিন গিসিকো থম·থমাখো মা·ন্না। ইয়া হা·গিলসাকো না·সং দুক আরো সিনজেতাখো মান·বিএ দংআ, ইন্দিবা খা·দংবো; আংআন হা·গিলসাকখো হামজক।”

যোহননা 17:14

নাং·নি আগানগিবাখোন আংআ বিসংনা আগানজক। হা·গিলসাকনি মান্দিরাং বিসংনা মিৎচিজক, মুয়ানা আংআ জেদাক্কে হা·গিলসাকনি হং·জা উয়ানদাক্কে বিসংবা ইয়া হা·গিলসাকনি হং·জা।

1ম করিন্থীয়রাংনা 15:19

খ্রীষ্টনি সাক্কাও আনচিং জেখো খা·দংআ উয়া ইয়া জাংগিনাসান হং·ওদে মান্দি গিম্মিকনি গিসেপো আনচিংনিন নামজাবাতনুয়া।

2য় করিন্থীয়রাংনা 1:12

জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

2য় করিন্থীয়রাংনা 4:9

গিচ্চিয়েতাখো মা·ন্নোবা ইসল চিংখো ওয়াতগালজা; হা·আও গোস্থাপোবা চিংআ ব·ন্নাংজা।

1 তীমথিয় 2:2

ইন্দাকে রাজারাংনা আরো জেরাংনি জাক্কো বিল দংআ বিসং দিমদাকনা বি·না নাংনুয়া, জেদাক্কে ইসলখো অলাখিয়ে আরো খাকখেৎ দাক্কে রি·এ আনচিং খেম·খেমে আরো থম·থমে জাংগি মিৎথাংএতনা মা·ন্না।

1 তীমথিয় 3:16

খ্রীষ্টান থরমখো বিবিরা·আনি নিং·থুয়া বিবি দাল·বাতা হং·আ উখো জেগালনা মান·জা। উয়া বিবি ইয়ান- বিয়া মান্দি হং·এ ফারাকজক; বিয়া দোসগ্রি গিসিক রংথালগিবা ইখো ফিন্নিকজক; সা·গ্রেরাং বিখো নিক্কামিং; গিম্মিক জাতরাংচা বিনি গিম্মিনো আগানফ্রাকামিং; হা·গিলসাকো বিখো মান্দিরাং বিবিরা·আমিং; সালগিও বিখো রাসংমুং দি·দোএ রা·আংআমিং।

1 তীমথিয় 6:3

সাবা দিংথাং দাক্কে স্খিওদে আরো খাকখেৎখো, আগানস্খাওদে আনচিংনি গিত্তেল যীশু খ্রীষ্টনি স্খিয়া আরো ইসলখো অলাখিয়ানি স্খিয়াখো মানিজাওদে বিয়া গাং·বিংগিবা হং·আ।

তীতনা 1:1

আংআ পৌল ইসলনি নকখল আরো যীশু খ্রীষ্টনি সাকসা ওয়াত্তেতা হং·জক, জেদাক্কে আংআ ইসলনি বাচ্ছিয়ে রা·গিবা মান্দিরাংখো বিবিরা·আনি রামাচানা রিমবানা মা·ন্না, আরো ইসলনা বাম্মামুং জে বিবি দংফা উয়া বিবিখো হা·আইখানা বিসংনা দাকচাকনা মা·ন্না।

তীতনা 2:12

ইয়া খা·সাচাক্কান আনচিংখো স্খিয়েতিংজক জেদাক্কে আনচিং ইসলনা বামগিজাখো আরো হা·গিলসাকনি হা·সিকারাংখো জিগালে ইয়া হা·গিলসাকোন আন·থাংথাংখো বাম্মে দন্নে ইসলনা বাম্মামুং খাকখেৎ জাংগিখো মিৎথাংএতা।

পিতর 3:14

ইসলনি হা·সিকা গিত্তা রি·না রি·য়াংএ না·সংখো দুক চাকনাবা নাংওদে না·সং ফাত্তিয়াখো মান·গিবা হং·আ। জেরাং না·সংখো দুক র·ন্না বিসংনা না·সং দা·আ খেন্নাবো বা দুকনি সালো দা·আ জাজ্রেংআবো,

২ পিতর 3:11

গিম্মিক ইন্দাকে ব·ন্নাংনা রি·য়াংইংজক ইন্নে না·সংনি বাদাকগিবা মান্দি হং·না খ্রাআমিং? হা·সিকমানচাএ ইসলনি সালনা নিচাকসোএ না·সং রংথালে আরো ইসলনা খা·ফাকে জাংগি মিৎথাংনা নাংআ। উনি সালো সালগিসাক খামতে খামতে ব·ন্নাংনুয়া আরো জাজং-সাল-আস্কি ওয়া·আলো গলিনুয়া।

ফারাকগিবা খাৎথা 12:4

বিনি খি·মিচা বিয়া সিলগানি বাক গিত্থামওনি বাকসা আস্কিখো সাল্লে রা·বাএ হা·গিলসাকচানা গোএতজক। জে মিচিকনি বি·সা হং·না হা·ম্মিংআমিং উয়া দাল·বিয়া চিপ্পু স্খাল বিনি মিকখাংও চাদেংআমিং জেদাক্কে বি·সা আৎচিয়ানি জা·মানোন বিয়া মিন্নকে গালনা মা·ন্না।

ফারাকগিবা খাৎথা 7:14

আংআ বিনা আগানজক, “নিবো, উখো না·আন হা·আইয়া।” বিয়া আংনা আগানজক, “উয়া বিল্লংআ দুকওনি জেরাং রি·বাজক ইরাং বিসংআন। ইরাং আন·থাংনি চলাখো মেষ বি·সানি হান·চিও সু·গালে গিব্বকেতজক।