2 তীমথিয় 2:3 - Garo New Testament

³ খ্রীষ্ট যীশুনি সাকসা খ্রাগিবা সিপাই গিত্তা না·আ চিংমুং দুকখো চাকবো।

2 তীমথিয় 2:3 Iomraidhean Croise

ওয়াত্তেতারাংনা 23:31

উনোন সিপাইরাং কমান্ডারনি গি·য়েতা গিত্তা পৌলখো ওয়াল্লো বিসংমুং আন্তিপাত্রি সংজিলমাওনা সক্কে রিম্মাংজক।

1ম করিন্থীয়রাংনা 13:7

খা·সা গিম্মিকখোন চাক্কা, গিম্মিকখোন বিবিরা·না হা·ম্মা, গিম্মিকো খা·দংআ আরো গিম্মিক অবস্থাওন খেম·খেম দংআ।

1ম করিন্থীয়রাংনা 9:7

আন·থাংনি থাংখাখো খরস দাক্কে সাবা সিপাইনি কামখো দাক্কা? আংগুর বাগানখো জেআন দাক্কা বিয়া উনি বিথিখো চা·জামা? জিল্লানিরাংখো জিলগিবা উনি সকখো রিংজামা?

2য় করিন্থীয়রাংনা 1:6

চিংআ জে দুকখো চাক্কা উখো না·সংখো খা·নাম্মেতনা আরো জক্কেৎনা মিকসংএন চাক্কা। জে খা·নাম্মেতাখো চিংআ মা·ন্না উখো না·সংখো খা·নাম্মেতনা মিকসংএন মা·ন্না। জেনসালো না·সং চিং গিত্তা দাক্কে আপসান দুকখো চাকনুয়া উনো ইয়া খা·নাম্মা উয়া দুকরাংখো চাকচিকে চাকনা দাকচাকনুয়া।

1 তীমথিয় 1:18

খা·সারা বি·সা তীমথিয়, নাং·নি গিম্মিনো গিপ্পিনরাং আগানসোগিবা দাক্কে জে খাৎথাখো আগানামিং উয়া খাৎথা গিত্তা আংআ নাং·না ইখো গি·য়েতিংজক। উয়া খাৎথাখো গিসিকো দন্নে না·আ খ্রীষ্টনা চাক্কে জাংগিগাল্লে দাকগ্রিকে রি·য়াংবো,

2 তীমথিয় 1:1

খ্রীষ্ট যীশুও ফাংনাজলনি জাংগিনি খু·রাচাক্কা গিত্তা ইসলনি হা·সিকাও আংআ পৌল খ্রীষ্ট যীশুনি সাকসা ওয়াত্তেতা হং·জক।

2 তীমথিয় 1:8

উনি গিম্মিন আনচিংনি গিত্তেলনি গিম্মিনো সাক্ষি হ·ন্না দা·আ খ্রাচা·আবো, আরো বিনি গিম্মিন বন্দি হং·গিবা আংআ, আংখো রা·এবা দা·আ খ্রাচা·আবো। উনা বাত্তে ইসল নাং·না জে বিলখো হন·জক উগিত্তা বিনি নাম্মা খাৎথাখো আগানফ্রাকনা আংমুং দুক চাকবো।

2 তীমথিয় 2:10

ইনি গিম্মিন ইসল জেরাংখো বাচ্ছিয়ে রা·জক বিসংনা আংআ গিম্মিকখো চাক্কিংআ, জেদাক্কে বিসংবা খ্রীষ্ট যীশুও পাপওনি জক্কাখো মা·ন্না আরো ফাংনাজলনি রাসংখো মা·ন্না।

2 তীমথিয় 2:9

আরো ইয়া নাম্মা খাৎথাখো আগানফ্রাকনান আংআ দুকখো চাক্কিংআ; আরোবা, দোসগ্মাং গিত্তা আংখো খাবা খাজক। ইন্দিবা ইসলনি খাৎথাখোদে খাখুজা।

2 তীমথিয় 3:11

ইনাআগ্রেবা আন্তিয়খিয়াচা, ইকনিয়াচা আরো লুস্ত্রাচা আংআ জেগিত্তা গিচ্চিয়াখো আরো দুকখো চাকজক উরাংখোবা না·আ হা·আইয়া, ইন্দিবা উরাংওনিখো গিত্তেল আংখো রাক্ষিয়ামিং।

2 তীমথিয় 4:5

ইন্দিবা না·আ আন·থাংখো গিম্মিক অবস্থাওন বাম্মে দনবো, দুকখো চাকবো আরো খ্রীষ্টনি গিম্মিন নাম্মা খাৎথাখো আগানফ্রাকবো, আরো ইসল নাং·না জে কামখো দাকনা হন·জক উখো চু·গিম্মিক দাক্কে দাকবো।

ফিলীমনা 1:2

চিংনি নগিবা আপ্পিয়াচা, চিংমুং দাকগ্রিকফাগিবা আর্খিপ্পচা আরো নাং·নি নকচা জেরাং মন্ডলী গিত্তা আপসান হং·ফাংআ বিসংনা ইয়া চিঠিখো চক্কিংজক।

ইব্রীয়রাংনা 10:32

চেংওনি খাৎথারাংখো গিসিক রা·এ নিবো। উনো সেং·আখো মা·ন্নে দুকখো চাক্কানি বিল্লংআওবা না·সং খেম·খেম দংআমিং।

ইব্রীয়রাংনা 11:27

ইসলনি সাক্কাও বিনি বিবিরা·আনি গিম্মিনান বিয়া রাজানি খা·আওনাংআনা খেনগিজা মিসর হা·সংখো ওয়াত্তামিং, মুয়ানা জেখো নিকজাংআ বিখো জেদাক্কে নিকনা মা·ন্নিংআ উয়ানদাক্কে বিয়া চাকচিকামিং।

ইব্রীয়রাংনা 6:15

ইনি গিম্মিন অব্রাহাম জে সময়ও নাম্মেন চাকচিকজক উনো ইসল জেখো হ·ন্না খু·রাচাক্কামিং উখো বিয়া মান·জক।

যাকোব 1:12

রুরানি সালো জে চাকচিকা বিয়ান ফাত্তিয়া মান·গিবা হং·আ, মুয়ানা আন·থাংখো দিমদাক রুরাও হামগিবা দাক্কে ফিন্নিকনা মা·ন্নোদে হাম্মানি মালা গিত্তা বিয়া জাংগিখো মা·ন্নুয়া। জেরাং ইসলনা খা·সাআ বিসংনা বিয়া ইয়া জাংগিখো র·ন্নুয়া ইন্নে খু·রাচাক্কা।