2 তীমথিয় 2:24 - Garo New Testament

²⁴ জেআন গিত্তেলনি নকখল হং·আ, বিনি নিরিনা নাংজা, বাত্তেসা বিনি গিম্মিকনা খা·সাচাকনা নাংআ। বিনি গিপ্পিনরাংনা স্খিনা বিল আরো চাক্কানি গুণ দংনা নাংনুয়া।

2 তীমথিয় 2:24 Iomraidhean Croise

মথিনি চকগিবা নাম্মা খাৎথা 12:19

বিয়া নিরিজানুয়া আরো চ্রিকজানুয়া; বিনি খু·রাংখো রামারাংও খিন্নাদিলজানুয়া।

যোহননা 6:52

ইয়া খাৎথাখো খিন্নাএ যিহূদী দাল·গিবারাংও জিগ্রিকনা হা·বাচেংজক। বিসং ইনজক, “বাদিকে দাক্কে ইয়া মান্দি বিনি বে·এনখো আনচিংনা চা·না হ·ন্না মা·ন্না?”

ওয়াত্তেতারাংনা 15:2

উনি গিম্মিন পৌল আরো বার্ণবামুং ইয়া মান্দিরাং নাম্মেন ইনগ্রিকজক। জা·মানো ইন্দাকে থিক হং·জক, পৌল আরো বার্ণবা আন্তিয়খিয়ানি মিত্তাম বিবিরা·গিবারাংখো রা·এ যিরূশালেমচানা রি·য়াংনুয়া আরো ওয়াত্তেতারাংমুং আরো মন্ডলীনি দাল·গিবারাংমুং ইনি গিম্মিন খাৎথা আগান্নুয়া।

ওয়াত্তেতারাংনা 23:9

উনো নাম্মেন গোলমাল হং·জক আরো ফরীশীরাংওনি মিত্তাম শাস্ত্র স্খিগিবারাং চাখাত্তে রাক্কে ইনগ্রিকনা হা·বাচেংজক। বিসং আগানজক, “চিংআ ইয়া মান্দিনি মামুং দোসখো নিকজাংআ। গিসিক বা সা·গ্রে বিমুং খাৎথা আগান্নাবা দংআ।”

ওয়াত্তেতারাংনা 7:26

সালগিপ্পিনো মোশি সাকগ্মি ইস্রায়েল মান্দিরাংনি দকগ্রিকাখো নিকজক। উনো বিয়া বিসংখো নাংরিমেতনা আগানজক, ‘ও মান্দিরাং, না·সংদে জংআদাথাং হং·আ; ইন্দাকোদে মুয়ানা সাকসা সাকগিপ্পিনমুং নামগিজাখো দাক্কিংআ?’

2য় করিন্থীয়রাংনা 10:1

খ্রীষ্টনি সনথল আরো খা·সাচাকগিবা খা·থংনি খাৎথাখো গিসিক রা·এ আংআ পৌল আন·থাংআন না·সংখো মল·মলিংজক। মান্দিরাং আগানা, আংআ না·সংমুং দংমিত্তিংও খেনসিক খেনসিক দাক্কে দংআ, ইন্দিবা দংজামিত্তিংওদে খেনমানগিজাগিবা হং·আ।

2য় করিন্থীয়রাংনা 10:4

রামরাম মান্দি জে জাকরিমরারাংখো রা·এ দাকগ্রিকা চিংআ উখো রা·এ দাকগ্রিকজা, ইন্দিবা ইসলনি বিলচা চিংনি জাকরিমরারাং কিল্লারাংখোবা ফি·এ গালনা মা·ন্না।

2য় করিন্থীয়রাংনা 6:4

উনা বাত্তে গিম্মিকোন ইসলনা দাকচাকে হন·গিবা ইন্নে চিংআ আন·থাংথাংখো ফিন্নিকা। গিচ্চিয়ারাংও, হং·সিয়ারাংও আরো দুকরাংও বাং·এ চাকচিকে চিংআ ইখোন ফিন্নিকিংজক।

গালাতীয়রাংনা 5:22

ইন্দিবা গিসিক রংথালগিবানি বিথি হং·জক- খা·সা, খুসি হং·আ, থম·থমা, চাকচিকানি গুণ, খা·সাচাক্কানি গিসিক, নামগিবা গিসিক, বিবিগিবা,

ইফিষীয়রাংনা 4:2

না·সংনি গিসিক-বেওয়াল জেদাক্কে চু·গিম্মিক রিন্নকা আরো সনথল হং·আ। চাকচিকবো আরো খা·সানি গিসিকখো রা·এ সাকসা সাকগিপ্পিনখো চাকবো।

ফিলিপীয়রাংনা 2:14

না·সং জিচাকগিজা আরো জিগ্রিকগিজা গিম্মিকখো দাকবো, জেদাক্কে না·সং দোসগ্রি আরো খাকখেৎ হং·না মা·ন্না আরো ইয়া চাসংনি গিসিকগ্রি আরো নামগিজা বেওয়ালনি মান্দিরাংনি জাংচিও ইসলনি খ্রাগিবা বি·সা হং·না মা·ন্না। উয়া মান্দিরাংনি মিকখাংও না·সংদে জাংগি হন·চাকগিবা খাৎথাখো ফারাকে ইয়া হা·গিলসাকো আস্কি গিত্তা থেং·সুএ দংআ। ইন্দাকোদে জেনসালো খ্রীষ্ট রি·বানুয়া উনিসালো আংআ ইখো রা·এ রাসং দাকনা মা·ন্নুয়া, আংনি খ্রেংআ আরো বিমচিপা নাসি-নাদা হং·জাজক।

ফিলিপীয়রাংনা 2:3

আন·থাংনাসান মান·দাপনা খা·দংএ বা গাং·বিংএ মামুংখো দা·আ দাক্কাবো, বাত্তেসা রিন্নকে গিপ্পিনখো আন·থাংনা বাত্তে দাল·নিকবো।

কলসীয়রাংনা 3:13

সাকসা সাকগিপ্পিনখো চাকচিকবো আরো সাখোবা না·সংনি দোস হ·ন্না মামুং দংওদে বিখো ক্ষেমা দাকবো। গিত্তেল জেদাক্কে না·সংখো ক্ষেমা দাকজক উয়ানদাক্কে না·সংবা সাকসা সাকগিপ্পিনখো ক্ষেমা দাকনা নাংআ।

1 থিষলনীকী 2:7

ইন্দিবা মা·আ জেদাক্কে বিনি আন·থাংনি বি·সারাংখো যতন রা·আ, না·সংমুং দংমিত্তিংও চিংআবা না·সংমুং উয়ানদাক্কে দাক্কামিং।

1 তীমথিয় 6:11

ইন্দিবা না·আদে ইসলনি মান্দি; ইরাংওনি না·আ খাতবো। খাকখেৎ জাংগি, অলাখিয়া, বিবিরা·আ, খা·সাআ, চাকচিকা আরো রিন্নকা গিসিক-বেওয়ালনা গিসিক নাংবো।

তীতনা 1:1

আংআ পৌল ইসলনি নকখল আরো যীশু খ্রীষ্টনি সাকসা ওয়াত্তেতা হং·জক, জেদাক্কে আংআ ইসলনি বাচ্ছিয়ে রা·গিবা মান্দিরাংখো বিবিরা·আনি রামাচানা রিমবানা মা·ন্না, আরো ইসলনা বাম্মামুং জে বিবি দংফা উয়া বিবিখো হা·আইখানা বিসংনা দাকচাকনা মা·ন্না।

তীতনা 1:7

ইসলচাখো দাকনা নাংআখো মান·গিবা মান্দি গিত্তা উয়া দাল·গিবাখো ইন্দাকে হং·না নাংনুয়া জেদাক্কে দারাংবা বিখো জিনা মান·জা। জেদাক্কে বিয়া গিত্তক গ্রেং রাকগিবা, খা·আওনাংগিবা, চুফেকগিবা হং·জা। অন্যায় দাক্কে মান·দাপাও বিনি গিসিক দংজাখানা;

তীতনা 1:9

ইসলনি বিবিরা·না খ্রাগিবা খাৎথা, জেখো আংআ স্খিয়েতজক, উখো বিনি রাক্কে রি·ম্মে রা·রিকনা নাংনুয়া, জেদাক্কে চং·মত স্খিয়ানি বিদিংও বিয়া আগানফ্রাকনা মা·ন্না আরো বোবিল দাকগিবারাংনা ব্রাংআনিখো ফিন্নিকে র·ন্না মা·ন্না।

তীতনা 3:2

বিসং দারাংখো জিজাখানা বা নিরিজাখানা, বাত্তেসা বিসং জেদাক্কে সনথল গিসিকনি হং·আ আরো গিম্মিকমুং রিন্নকে জাকখালা।

যাকোব 1:1

আংআ ইসল আরো গিত্তেল যীশু খ্রীষ্টনি নকখল যাকোব, হা·গিলসাকনি দিমদাক হা·দকো বিলদিং বিলদাং দাক্কে দংগিবা যিহূদী জাতনি মা·চং চি·গ্মি মান্দিরাংনা সালাম র·ন্নিংআ।

যাকোব 3:17

ইন্দিবা সালগিচানি হং·খাতবাগিবা হা·আইয়াদে হা·বাচেংওন রংথালা, থম·থমা, রিন্নকা, চাকচিকা, খা·সাচাক্কা আরো নাম্মা কামরাংনি বিথি উয়ো গাপ্পা, উয়ো বু·এ চা·আ দংজা।

যাকোব 4:2

না·সং হা·ম্মা, ইন্দিবা মান·জা। না·সং স·ওতা আরো মাদ্দুুয়া, ইন্দিবা জেখো হা·সিকা উখোদে মান·জা। না·সং নিরিংআ আরো দকগ্রিক্কিংআ, ইন্দাকোবা না·সংনি মামুংআন দংজা, মুয়ানা না·সং ইসলচা বি·জা।

পিতর 3:8

বন·চতাও আগান্না, না·সংনি গিম্মিকনি গিসিক আপসান হং·খানা। না·সং সাকসা সাকগিপ্পিননি দুকও দুক মান·ফাবো, জংআদা গিত্তা খা·সানি গিসিকখো রা·রিকবো আরো খা·সাচাকবো আরো সনথল হং·বো।

যিহূদা 1:3

খা·সাগিবা রিপ্পেংরাং, পাপওনি জে জক্কেতাখো আনচিং দিমদাকান মান·জক উয়া জক্কেতানি গিম্মিনো আংআ না·সংচা চকনা হা·সিকবিয়ামিং। ইন্দাকোবা খ্রীষ্টান থরমনি বিবিরা·আ, জেখো ইসল বিনি মান্দিরাংনা ফাংনাজলনা হন·জক, উনা চাক্কে জেদাক্কে না·সং জাংগিগাল্লে দাকগ্রিকা উনা খা·দংএতনা ইন্নে আংআ না·সংচা চকনা নাংআখো চানচিজক।