2 তীমথিয় 2:15 - Garo New Testament

¹⁵ জেনি সাক্কাও ইসল খুসি হং·আ, আগানস্খাওদে জেনি খ্রাচা·আ মা·ন্নানি মামুং হা·সেল দংজা উয়ানদাক্কা কামনি মান্দি গিত্তা আরো জেআন খাকখেৎ দাক্কে বিবিনি খাৎথাখো স্খিয়া উয়া মান্দি গিত্তা আন·থাংখো ইসলনি মিকখাংও দন্না হাম·বো।

2 তীমথিয় 2:15 Iomraidhean Croise

মথিনি চকগিবা নাম্মা খাৎথা 13:52

উনোন যীশু বিসংনা আগানজক, ‘‘সালগিনি সংনকনি গিম্মিন স্খিয়া মান·গিবা শাস্ত্র স্খিগিবা গিম্মিকান আন·থাংনি জামওনিখো গিত্তাল আরো গিৎচাম জিনিসখো রং·খাতগিবা নকনি নকগিবা গিত্তা হং·আ।’’

মার্ক 4:33

ইন্দাকগিবা বাং·আ গল্পরাংচা যীশু ইসলনি খাৎথাখো মান্দিরাংনা আগান্নুয়ামিং। বিসং জেচিকিন হা·আইনুয়ামিং বিয়া উচিকিন বিসংনা আগান্নুয়ামিং।

লূকনি চকগিবা নাম্মা খাৎথা 12:42

গিত্তেল আগানচাকজক, “উয়া বিবিগিবা আরো হা·আইগিবা নকখল সা হং·আ, জেখো বিনি নকগিবা আন·থাংনি নকখলরাংনা নাংআ গিত্তা চা·নিখো সুয়ালে হন·খানা দন্নাংনুয়া?

ওয়াত্তেতারাংনা 2:22

“ইস্রায়েল মান্দিরাং, ইয়া খাৎথাখো খিন্নাবো। নাসরতনি যীশুও ইসল না·সংনি গিসেপো আইয়াও ইনমানগিবা কামরাংখো দাক্কে না·সংচা ইখোন ফিন্নিকামিং, বিয়া যীশুখো ওয়াত্তেতামিং; আরো ইয়া খাৎথাখোদে না·সং হা·আইয়ান।

ওয়াত্তেতারাংনা 20:27

মুয়ানা ইসল মুয়াখো হা·ম্মা উখো না·সংনা হা·আইএতনা আংআ মামুং সালোবা ওয়ালফিল্লাংজাজক।

রোমানরাংনা 14:18

জেআন ইন্দাকে খ্রীষ্টনা দাকচাকে হ·ন্না বিনি সাক্কাও ইসল খুসি হং·আ আরো মান্দিরাংবা বিখো নাম্মা ইন্নে চানচিয়া।

রোমানরাংনা 16:10

খ্রীষ্টনি মান্দি গিত্তা বিখো থিকখেলে নিয়া হং·জক। আরিষ্টবুলনি নকনি মান্দিরাংখো সালাম হন·বো।

রোমানরাংনা 6:13

বে·এননি মামুং বাকখোন নামগিজা কামখো দাক্কানি জাকরিমরা গিত্তা পাপনি জাক্কো দা·আ হ·ন্নাবো। ইন্দিবা সিয়াওনি থাংচাগিবা মান্দি গিত্তা না·সং ইসলনি জাক্কো আন·থাংথাংখো হন·খামবো আরো খাকখেৎ কামখো দাক্কানি জাকরিমরা গিত্তা না·সংনি বে·এন গিম্মিকখোন ইসলনা হন·খামবো।

1ম করিন্থীয়রাংনা 2:6

খ্রীষ্টান জাংগি থাংআও চু·সকগিবারাংচা আনচিং হা·আইয়ানি খাৎথাখো আগানা; ইন্দিবা উয়া হা·আইয়াদে ইয়া হা·গিলসাকনি হং·জা, বা ইয়া হা·গিলসাকনি দাল·গিবারাংনিবা হং·জা জেরাং বিলগ্রি হং·ইংজক।

2য় করিন্থীয়রাংনা 10:18

মুয়ানা আন·থাংখো রাসং দাক্কানি গিম্মিন দারাংখোবা নাম্মা ইন্নে ফিন্নিকনা মান·জা, বাত্তেসা গিত্তেল জেখো রাসং দাক্কা বিখোন নাম্মা ইন্নে নিকনা মা·ন্না।

2য় করিন্থীয়রাংনা 3:6

গি·সা গিত্তাল খু·রাচাক্কাখো হা·আইএতনা বিয়ান চিংখো খ্রাগিবা দাকজক। ইয়া খু·রাচাক্কা গিম্মিকখোন মানিয়ানি বিদিং হং·জা, ইন্দিবা গিসিক রংথালগিবানি রি·দিলাও খা·থংনি বাম্মানি বিদিং হং·আ; মুয়ানা নিয়াম সিয়াখো রা·বাআ, ইন্দিবা গিসিক রংথালগিবা জাংগিখো হ·ন্না।

2য় করিন্থীয়রাংনা 4:2

মান্দিরাং থুম্মুয়ে খ্রাচা·আনি জে কামরাংখো দাক্কা চিংআ উরাংখো রেকথেক দাকজা। চিংআ কামরাংও বু·আনি মামুংখো দাকজা, ইসলনি খাৎথাও মামুং বু·আনিখো দনজা। বাত্তেসা চিংআ ইসলনি বিবিখো ফারাকে বিনি মিকখাংওন মান্দি গিম্মিকনি গিসিকচা আন·থাংথাংখো রা·চাকনা খ্রাগিবা দাক্কে ফিন্নিকা।

2য় করিন্থীয়রাংনা 5:9

উনি গিম্মিন চিংআ বে·এননি নকও দং বা দা·আ দং, চিংনি মিকসংআ হং·জক গিত্তেলখো খুসি দাক্কা।

গালাতীয়রাংনা 1:10

ইনি গিম্মিন আংআ সাচাখো মিৎথেলা মা·ন্না হা·ম্মা, মান্দিচাখো বা ইসলচাখো? বা মান্দিখো খুসি দাকনা হা·ম্মামা? দা·আওবা আংআ মান্দিখো খুসি দাকনা হা·ম্মোদে আংআ খ্রীষ্টনি নকখল হং·জা।

ইফিষীয়রাংনা 1:13

আরো না·সংবা বিবিনি খাৎথাখো, আগানস্খাওদে পাপওনি জক্কাখো মা·ন্নানি নাম্মা খাৎথাখো খিন্নাএ খ্রীষ্টখো বিবিরা·জক। খ্রীষ্টমুং নাংরিমজক ইন্নে ইসল বিনি খু·রাচাকগিবা গিসিক রংথালগিবাচা না·সংখো সীল সু·এ দনজক।

1 থিষলনীকী 2:4

বাত্তেসা খ্রাগিবা চানচিয়ে নাম্মা খাৎথাখো হা·আইয়েতানি কামখো ইসল চিংনা হন·জক ইন্নেন চিংআ উগিত্তা আগানিংজক। মান্দিখো খুসি দাকনা চিংআ ইয়া খাৎথাখো আগানজাংআ, ইন্দিবা জেআন চিংনি খা·থংখো থিকখেলে নিআ উয়া ইসলখো খুসি দাকনা ইন্নেন আগানিংজক।

1 থিষলনীকী 5:14

জংআদারাং, চিংআ না·সংনা ইন্দাকে স্খিয়েতিংজক- জেরাং আলসিয়া বিসংখো সিমসাকেতবো; জেরাংনি খা·সকা দংজা বিসংখো খা·সকেতবো; জেরাং বিলগ্রি বিসংনা দাকচাকবো আরো গিম্মিকখো চাকচিকবো।

1 তীমথিয় 4:6

ইয়া বিদিংরাংখো না·আ জংআদারাংনা হা·আইএতোদে ইন্দিদে খ্রীষ্টান থরমখো বিবিরা·আনি জে বিবিখো আরো খাকখেৎ স্খিয়াখো না·আ মানিয়ে রি·জক, উয়ো চু·সকগিবা হং·এ খ্রীষ্ট যীশুনি সাকসা খ্রাগিবা দাকচাকে হন·গিবা হং·নুয়া।

ইব্রীয়রাংনা 4:11

ইনি গিম্মিন হাই, আনচিং উয়া নেং·থাকাখো মা·ন্না মংসংএ খা·দংনা। দারাংবা জেদাক্কে উয়া বামগিজাগিবা ইস্রায়েলরাং গিত্তা ইসলখো মানিগিজা বিনি হন·গিবা নেং·থাকাওনি ওয়াতগালাখো মান·জা।

যাকোব 1:12

রুরানি সালো জে চাকচিকা বিয়ান ফাত্তিয়া মান·গিবা হং·আ, মুয়ানা আন·থাংখো দিমদাক রুরাও হামগিবা দাক্কে ফিন্নিকনা মা·ন্নোদে হাম্মানি মালা গিত্তা বিয়া জাংগিখো মা·ন্নুয়া। জেরাং ইসলনা খা·সাআ বিসংনা বিয়া ইয়া জাংগিখো র·ন্নুয়া ইন্নে খু·রাচাক্কা।

যাকোব 1:18

বিনি আন·থাংনি হা·সিকাচা বিবিনি খাৎথা গিত্তা বিয়া আনচিংখো বিনি দেদ্রাং থারিজক, জেদাক্কে আনচিং বিনি থারিগিবা বস্তুরাংনি গিসেপো স্খাং নাংগিবা বিথি গিত্তা হং·না মা·ন্না।

২ পিতর 1:10

ইনি গিম্মিন জংআদারাং, ইসল বিবিন না·সংখো রিক্কামজক আরো বাচ্ছিয়ে রা·জক উখো হং·বিবিএতনা আরোবা বাং·এ হা·সিকমানচাবো। ইন্দাকে দাক্কোদে না·সং মামুং সালোবা জা·গিদত্তা চা·জানুয়া।

২ পিতর 1:15

আংনি সিয়ানি জা·মানোবা জেদাক্কে না·সং ইরাংখো গিসিক রা·আ, আংআ উনি গান্দা দাকনা নাম্মেন খ্রেংনুয়া।

২ পিতর 3:14

খা·সাগিবা জংআদারাং, না·সং দা·আও ইরাংনা সেংএ দংআ ইন্নে জাংগিগাল্লে খ্রেংবো জেদাক্কে বিয়া রি·বাএ না·সংখো খাকখেৎ হং·এ দোসগ্রি অবস্থাও থম·থমে দংআখো নিকনা মা·ন্না।