2 তীমথিয় 2:14 - Garo New Testament

¹⁴ ইয়া খাৎথারাংখো মান্দিরাংনা গিসিক রা·এতবো। ইসলনি মিকখাংও বিসংখো সিমসাকেতবো জেদাক্কে বিসং হং·গিজা-নাংগিজা খু·সুকখো রা·এ জিগ্রিকজা। ইনি মামুং দামআন দংজা, বাত্তেসা জেরাং উখো খিন্নাআ বিসংখো উয়া ব·ন্নেতা।

2 তীমথিয় 2:14 Iomraidhean Croise

মথিনি চকগিবা নাম্মা খাৎথা 16:26

সাবা হা·গিলসাক গিম্মিকখো মা·ন্নেবা আন·থাংনি জাংগিখো গিম্মায়েতোদে বিনি মুয়া মান·দাপানি দংআ? জাংগিথাংখো মান·ফিলনা ইন্নে বিনি হ·ন্নানি গিত্তা মুয়া দংআ?

ওয়াত্তেতারাংনা 13:10

“না·আ শয়তাননি দে আরো নামগিবারাংনি বোবিল হং·আ। নাং·ও দাক্কামব্রুআনি আরো থগিয়ানি দংআ। গিত্তেলনি স্রংগিবা রামাখো গংগিয়েতাখো না·আ মামুং সালোবা দনজানাজকমা?

ওয়াত্তেতারাংনা 15:24

“চিংআ ইখো খিন্নানা মান·জক, চিংনি গিসেপোনি মিত্তামরাং রি·য়াংএ বাং·আখো আগানে না·সংনি গিসিকখো জাব্রাংএতে সা·দিকেতজক, ইন্দিবা চিংআ বিসংখো ইন্দাকে কাম দাকনা আগানজা।

রোমানরাংনা 14:1

বিবিরা·আও বিলগ্রিগিবাখো আন·থাংনি দাক্কে রা·বো; বিনি চানচিয়ারাংখো রা·এ দা·আ জিগ্রিকাবো।

গালাতীয়রাংনা 1:7

আসলদে উয়া নাম্মা খাৎথান হং·জা। ইন্দাকোবা মিত্তাম মান্দি দংআ জেরাং না·সংখো থম·থমে দংনা রন·জাংআ, আরো খ্রীষ্টনি নাম্মা খাৎথাখো দিংথাংএতনা হা·ম্মিংআ।

ইফিষীয়রাংনা 4:17

ইনি গিম্মিন আংআ আগানিংজক, আরো গিত্তেলনি হং·এ মংসংবাত্তেন আগানিংজক- গিপ্পিন জাতরাং জেদাক্কে নামগিজা চানচিয়াও বিসংনি জাংগিখো মিৎথাংআ না·সং উগিত্তাদে জাংগিখো দা·আ মিৎথাংআবো।

1 থিষলনীকী 4:1

জংআদারাং আরোবা আগান্না, ইসলখো খুসি দাকনা ইন্নে বাদিকে দাক্কে রি·না নাংআ উয়া স্খিয়াখোদে না·সং চিংচাখো মান·জক, আরো বিবিন না·সং উগিত্তান রি·ইংজক। ইন্দাকোবা গিত্তেল যীশুনি হং·এ চিংআ না·সংখো মল·মলিংজক আরো স্খিয়েতিংজক জেদাক্কে না·সং আরোবা বাং·এ উগিত্তান রি·য়া।

2 থিষলনীকীয়রাংনা 3:6

জংআদারাং, আনচিংনি গিত্তেল যীশু খ্রীষ্টনি বিমুংও চিংআ না·সংনা ইন্দাকে গি·য়েতিংজক-সাবা আলসিয়া দাক্কে রি·ওদে আরো চিংচাখো না·সং জে স্খিয়াখো মান·জক উখো মানিজাওদে, ইন্দাকোদে না·সং বিমুং দা·আ রি·য়াবো।

1 তীমথিয় 1:4

বিসংনা ইন্দাকেবা গি·য়েৎবো জেদাক্কে বিসং গল্প আগানারাংও আরো দাল·বিয়া মা·চংরাংও গিসিক হন·জা। ইরাং ইসলনি কামখো গাল্লে বাং·আ জিগ্রিকানিরাংখো থারিয়া ইন্দিবা ইসল বাদিকে দাক্কে বিনি কামখো চালাইয়া উখো বিবিরা·আচা হা·আইনা মা·ন্না।

1 তীমথিয় 1:6

মিত্তাম মান্দিরাং ইরাংওনি জিত্তাংএ হং·গিজা নাংগিজা খু·সুকরাংচা গিসিক হন·জক।

1 তীমথিয় 4:8

বে·এনখো অকখিসা নাম্মা, ইন্দিবা ইসলখো অলাখিয়াও গিম্মিক গিত্তান নাম্মা; উনি গিম্মিন দা·আওনি জাংগিনা আরো রি·বাগিবা জাংগিনা খা·দংআ দংআ।

1 তীমথিয় 5:21

ইসল আরো খ্রীষ্ট যীশু আরো বাচ্ছিয়ে রা·গিবা সা·গ্রেরাংনি মিকখাংও আংআ নাং·না ইখো গি·য়েতিংআ- দারাংনা চাকগিজা ইরাংখো দাকবো আরো সাকসাখোসান নিএ মামুং কামখো দা·আ দাক্কাবো।

1 তীমথিয় 6:13

ইসল জেআন গিম্মিকনা জাংগিখো হ·ন্না আরো খ্রীষ্ট যীশু, জেআন পন্তীয় পিলাতনি মিকখাংও বিবিনি গিম্মিনো সাক্ষি হ·ন্নামিং, উয়া ইসল আরো খ্রীষ্ট যীশুনি মিকখাংও আংআ নাং·না ইখো গি·য়েতিংজক-

2 তীমথিয় 1:6

ইনি গিম্মিন আংআ নাং·না দা·আবা ইয়া খাৎথাখো আগান্না হা·ম্মা-নাং·নি সাক্কাও আংনি জাক দন্নাচা ইসল নাং·না জে হ·ন্নানিখো হন·জক উখো দা·আবা দি·চাবো।

2 তীমথিয় 2:16

ইসলনা খা·ফাকাগ্রি আরো নামগিজা খাৎথারাংওনি চে·ল্লে দংবো, মুয়ানা ইন্দাকা নামগিজা খাৎথারাংনা মান্দিরাংনি গিসিকো ইসলনা খা·ফাকানি গিসিক গিম্মানুয়া।

2 তীমথিয় 2:23

হং·গিজা-নাংগিজা, গক্কা জিগ্রিকাও দা·আ দংফাবো, মুয়ানা না·আদে হা·আইয়া উরাং নিরিয়া-গিসিয়াখো থারিয়া।

2 তীমথিয় 4:1

খ্রীষ্টনি রি·বাফিল্লা আরো বিনি সংনকনি গিম্মিন গিসিক রা·এ ইসলনি মিকখাংও আরো জেআন থাংগিবারাংখো আরো সিগিবারাংখো বিচাল দাকনুয়া উয়া খ্রীষ্ট যীশুনি মিকখাংও আংআ নাং·না ইখো গি·য়েতিংজক-

তীতনা 3:1

ইসলনি মান্দিরাংখো গিসিক রা·এতবো জেদাক্কে বিসং শাসন দাকগিবা আরো জেরাংনি জাক্কো বিল দংআ বিসংনি নিং·আও দংআ, বাম্মে দংআ আরো মান্দিরাংনা গিম্মিক গিত্তা দাকচাকনা থারিয়ে দংসোআ।

ইব্রীয়রাংনা 13:9

বাং·আ গিত্তাল গিত্তাল স্খিয়া জেদাক্কে না·সংখো ব্রাংগিবা রামাচানা রা·আংজা। আনচিংনি গিসিক ফাকওয়াতগিবা চা·আনি সাক্কাও দংগিজা জেদাক্কে ইসলনি খা·সাচাক্কানি সাক্কাও খিম·খিম দংআ। জেরাং উয়া চা·আনি সাক্কাও ফাংচাকে রি·নুয়ামিং, উয়া চা·আওনি বিসংনি মামিং লাভ হং·জা।

২ পিতর 1:13

ইন্দিবা আংআ চানচিয়া, জেওনা দিপ্পাৎ আংআ ইয়া তাম্বু গিত্তা বে·এনো থাংএ দংনুয়া উয়োনা দিপ্পাৎ ইয়া বিদিংরাংখো গিসিক রা·এতে না·সংখো মিকরাকেতে দন্না আংনি খ্রাআনি হং·আ;