2 তীমথিয় 2:10 - Garo New Testament

¹⁰ ইনি গিম্মিন ইসল জেরাংখো বাচ্ছিয়ে রা·জক বিসংনা আংআ গিম্মিকখো চাক্কিংআ, জেদাক্কে বিসংবা খ্রীষ্ট যীশুও পাপওনি জক্কাখো মা·ন্না আরো ফাংনাজলনি রাসংখো মা·ন্না।

2 তীমথিয় 2:10 Iomraidhean Croise

মথিনি চকগিবা নাম্মা খাৎথা 24:22

ইসল উয়া সালরাংখো খান·দকেতজাওদে সাকসাবা থাংজানুয়ামিং। ইন্দিবা আন·থাংনি বাচ্ছিয়ে রা·গিবা মান্দিরাংনি গিম্মিন ইসল উয়া সালরাংখো খান·দকেতনুয়া।

মথিনি চকগিবা নাম্মা খাৎথা 24:24

মুয়ানা উনসালো বাং·এন বু·এ চা·গিবা খ্রীষ্ট আরো বু·এ চা·গিবা আগানসোগিবা রি·বানুয়া আরো দা·ল্লা আইয়াও ইনমানগিবা চিননি কামরাংখো দাকনুয়া জেদাক্কে মা·ন্নোদে ইসলনি বাচ্ছিয়ে দনগিবা মান্দিরাংখোবা বিসং ব্রাংএতনা মা·ন্না।

মথিনি চকগিবা নাম্মা খাৎথা 24:31

সিংগা গামবিনুয়া আরো উনোন মান্দিনি দেফান্থি আন·থাংনি সা·গ্রেরাংখো ওয়াত্তেতনুয়া। উয়া সা·গ্রেরাং হা·গিলসাকনি খি·থিকোনা রি·য়াংএ হা·গিম্মিকচানিখো ইসলনি বাচ্ছিয়ে রা·গিবা মান্দিরাংখো চিম্মংনুয়া।

লূকনি চকগিবা নাম্মা খাৎথা 18:7

ইন্দাকোদে জেরাং ইসলখো সালওয়াল রিক্কামা, ইসল বিনি উয়া বাচ্ছিয়ে রা·গিবা মান্দিরাংনা খাকখেৎ বিচালখো দাক্কে হন·জানুয়ামা? বিয়া উখো দাকনা হারিমনুয়ামা?

লূকনি চকগিবা নাম্মা খাৎথা 22:57

পিতর জিচাকে আগানজক, “আংআ বিখো হা·আইজা।”

যোহননা 11:52

যিহূদী জাতনি গিম্মিনসান হং·জা, ইন্দিবা বিলদিং বিলদাং দাক্কে দংগিবা ইসলনি দেদ্রাংখো চিম্মংএ আপসান দাক্কেতনাবা বিয়া সিনুয়া।

যোহননা 17:24

“আপফা, জেরাংখো না·আ আংনা হন·জক, আংনি রাসংখো নিকনা মান·খানা গিত্তা বিসংবা আংআ জেও দংআ উয়ো আংমুং দংখানা, ইখো আংআ হা·ম্মা। উয়া রাসংখো না·আন আংনা হন·জক, মুয়ানা হা·গিলসাক হং·বানা স্খাংওনিন না·আ আংনা খা·সাজক।

যোহননা 17:9

“আংআ গিম্মিকনা মল·মলজা, ইন্দিবা জেরাংখো না·আ আংনি জাক্কো হন·জক বিসংনা মল·মলইংজক, মুয়ানা বিসংদে নাং·নিন হং·আ।

রোমানরাংনা 2:7

জেরাং চাকচিকে নাম্মা কামখো দাক্কে ইসলচাখো রাসং, মান্দিরা·আ আরো বন·গিজাগিবা জাংগিখো মা·ন্না হা·ম্মা, ইসল বিসংনান ফাংনাজলনি জাংগিখো হ·ন্নুয়া।

রোমানরাংনা 9:23

দা·আবা বিয়া বিনি বন·চাংগিজা রাসংনি খাৎথাখোবা হা·আইএতনা হা·ম্মামিং। জেরাংনা বিয়া খা·সাচাক্কা বিসংনা বিয়া বিনি রাসংখো মান·খানা স্খাংআন থারিসোএ দন্নামিং।

1ম করিন্থীয়রাংনা 1:21

ইসল বিনি আন·থাংনি হা·আইয়াও থিক দাকজক ইন্নেন হা·গিলসাক বিনি আন·থাংনি হা·আইয়াচা ইসলখো হা·আইনা মান·জা। ইনি গিম্মিন নাম্মা খাৎথানি গক্কাচা পাপওনি বিবিরা·গিবারাংখো জক্কেতাখো ইসল নাম্মা ইন্নে চানচিজক।

1ম করিন্থীয়রাংনা 9:22

বিবিরা·আও বিলগ্রিগিবারাংচা আংআ উয়ানদাকগিবা মান্দি গিত্তান হং·জক, জেদাক্কে খ্রীষ্টনা চু·গিম্মিক দাক্কে বিসংখো হামনা মা·ন্না। গিম্মিকচান আংআ গিম্মিক গিত্তা হং·জক জেদাক্কে মিত্তাম মান্দিখো জক্কেৎনা মা·ন্না।

2য় করিন্থীয়রাংনা 1:6

চিংআ জে দুকখো চাক্কা উখো না·সংখো খা·নাম্মেতনা আরো জক্কেৎনা মিকসংএন চাক্কা। জে খা·নাম্মেতাখো চিংআ মা·ন্না উখো না·সংখো খা·নাম্মেতনা মিকসংএন মা·ন্না। জেনসালো না·সং চিং গিত্তা দাক্কে আপসান দুকখো চাকনুয়া উনো ইয়া খা·নাম্মা উয়া দুকরাংখো চাকচিকে চাকনা দাকচাকনুয়া।

2য় করিন্থীয়রাংনা 12:15

আংআ খুসি হং·বিএন না·সংনা আংনি গিম্মিকখো খরস দাকনুয়া আরো আন·থাংখোবা হ·ন্নেতনুয়া। আংআ না·সংনা বাং·এ খা·সাওদে আংনা না·সং বাং·গিজা খা·সানুয়ামা?

2য় করিন্থীয়রাংনা 4:15

গিম্মিকান না·সংনি নাম্মানান হং·জক, জেদাক্কে ইসলনি জে খা·সাচাক্কাখো বাং·আ মান্দিরাংনা হন·জক উয়া খা·সাচাক্কানা বাং·আরাংএন ইসলখো আরোবা বাং·এ মিৎথেলা আরো ইন্দাকে ইসলনি রাসং হং·আ।

2য় করিন্থীয়রাংনা 4:17

দা·আও চিংআ বাং·গিজা সালনা অকখিসা মা·মাং জে দুকখো চাক্কিংজক উনি হা·সেল চিংআ ফাংনাজলনি রাসংখো মা·ন্নুয়া। ইয়া রাসং ইন্দাকেন বাং·আ জেখো থোনা মান·জা।

ইফিষীয়রাংনা 3:13

ইনি গিম্মিন আংআ মল·মলিংআ, না·সংনা আংআ দুকরাংখো চাক্কিংজক ইন্নে না·সং দা·আ খেনমানাবো, মুয়ানা না·সংনি রাসংনান উরাং হং·ইংজক।

কলসীয়রাংনা 1:24

না·সংনা আংআ জে দুকখো চাক্কিংজক উয়ো আংআ হান·সেংআখোন মা·ন্নিংজক। খ্রীষ্টনি বে·এননা, আগানস্খাওদে মন্ডলীনা বিনি দা·আওবা জে দুক চাকনা দংখুংআ উখো আংআ আংনি বে·এনোন চু·সকেতিংজক।

কলসীয়রাংনা 1:27

ইসল হাম·জক, গিপ্পিন জাতরাংওবা বিনি ইয়া নিং·থুয়া খাৎথানি রাসং বাদাকা উখো বিনি গিম্মিক মান্দিরাং হা·আইনা মান·খানা। উয়া বিবি ইয়ান- খ্রীষ্ট না·সংনি খা·থংও দংআ ইন্নে না·সং রাসং মা·ন্নানি খা·দংএতাখো মান·জক।

1 থিষলনীকী 5:9

শাস্তি মা·ন্নাদে হং·জা বাত্তেসা আনচিংনি গিত্তেল যীশু খ্রীষ্টও জকনা ইন্নেন ইসল আনচিংখো থিক দাক্কে দনজক।

2 থিষলনীকীয়রাংনা 2:14

চিংআ জে নাম্মা খাৎথাখো আগানফ্রাকিংজক উনি গিসেপোন উয়া জক্কাখো মা·ন্না ইন্নে বিয়া না·সংখো রিক্কামজক, জেদাক্কে না·সং আনচিংনি গিত্তেল যীশু খ্রীষ্টনি রাসংনি বাকখো মান·ফাগিবা হং·আ।

2 তীমথিয় 1:1

খ্রীষ্ট যীশুও ফাংনাজলনি জাংগিনি খু·রাচাক্কা গিত্তা ইসলনি হা·সিকাও আংআ পৌল খ্রীষ্ট যীশুনি সাকসা ওয়াত্তেতা হং·জক।

2 তীমথিয় 2:1

আংনি বি·সা, খ্রীষ্ট যীশুনি খা·সাচাক্কাও না·আ বিল্লাকবো।

2 তীমথিয় 2:3

খ্রীষ্ট যীশুনি সাকসা খ্রাগিবা সিপাই গিত্তা না·আ চিংমুং দুকখো চাকবো।

তীতনা 1:1

আংআ পৌল ইসলনি নকখল আরো যীশু খ্রীষ্টনি সাকসা ওয়াত্তেতা হং·জক, জেদাক্কে আংআ ইসলনি বাচ্ছিয়ে রা·গিবা মান্দিরাংখো বিবিরা·আনি রামাচানা রিমবানা মা·ন্না, আরো ইসলনা বাম্মামুং জে বিবি দংফা উয়া বিবিখো হা·আইখানা বিসংনা দাকচাকনা মা·ন্না।

পিতর 2:10

সালসাদে না·সং ইসলনি মান্দি হং·জামিং, ইন্দিবা দা·আওদে হং·জক; সালসাদে না·সং খা·সাচাক্কাখো মান·জামিং, ইন্দিবা দা·আওদে মান·জক।

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।