2 তীমথিয় 1:7 - Garo New Testament

⁷ ইসল আনচিংনা খেন্নানি গিসিকখো হন·জা; বিয়া আনচিংনা ইন্দাকা গিসিকখো হন·জক জেও বিল, খা·সাআ আরো আন·থাংখো বাম্মে রা·রিকানি বিল দংআ।

2 তীমথিয় 1:7 Iomraidhean Croise

লূকনি চকগিবা নাম্মা খাৎথা 10:19

নিবো, আংআ না·সংনা চিপ্পু আরো মাংখ্রাংরাংনি সাক্কা গিত্তা রামা রি·না বিল হন·জক আরো না·সংনি বোবিল হং·গিবা শয়তাননি বিল গিম্মিকনি সাক্কাওবা বিল হন·জক। মামুংবা না·সংনি নামগিজাখো দাকজানুয়া।

লূকনি চকগিবা নাম্মা খাৎথা 15:17

“জা·মানো সালসাও বিয়া গিসিক ফিল·জক। উনোন বিয়া আগানজক, ‘আংনি ফানি গামগিবারাং বাসিক চা·না মা·ন্নিংআ, ইন্দিবা আংআ ইনো অকখ্রিয়ানা সিনা হা·ম্মিংজক।

লূকনি চকগিবা নাম্মা খাৎথা 24:49

নিবো, আংনি আপফা জেখো হ·ন্না খু·রাচাক্কামিং উখো আংআ না·সংনা ওয়াত্তেতনুয়া। সালগিওনি বিলখো মান·খুজানা দিপ্পাৎ না·সং ইয়া সংজিলমাওন দংসোবো।”

লূকনি চকগিবা নাম্মা খাৎথা 8:35

মুয়া হং·জক ইখো নিনা ইন্নে মান্দিরাং উনো হং·খাতে রি·বাজক। বিসং যীশুচা রি·বাএ জেওনি গিসিক নামগিজাগিবা হং·খাতজক বিখো বা·রাচলা গান্নে গিসিক নাম্মে যীশুনি জা·চকনি সেফাংও আসংএ দংআখো নিকজক। ইখো নিক্কে বিসং খেনমানজক।

যোহননা 14:27

“আংআ না·সংনা থম·থমাখো দন্নাংইংজক, আংনি থম·থমাখোন আংআ না·সংনা হ·ন্নিংজক; হা·গিলসাকনি হ·ন্না গিত্তা আংআ হন·জা। জেদাক্কে না·সংনি খা·থং জাজ্রেংজা আরো গিসিকো খেনজা।

ওয়াত্তেতারাংনা 1:8

ইন্দাকোবা গিসিক রংথালগিবা না·সংনি সাক্কাও রি·বানি জা·মানো না·সং বিলখো মা·ন্নুয়া, আরো যিরূশালেম, যিহূদিয়া গিম্মিকও আরো শমরিয়া হা·দকো আরো হা·গিলসাকনি বন·খামগিবা খি·থিকোনা দিপ্পাৎ না·সং আংনি সাক্ষি হং·নুয়া।”

ওয়াত্তেতারাংনা 10:38

না·সং ইখোবা হা·আইয়া, ইসল নাসরতনি যীশুখো গিসিক রংথালগিবাচা আরো বিলচা সংআমিং। ইসল বিমুং দংআনি গিম্মিন বিয়া নাম্মা কামখো দাকনুয়ামিং আরো শয়তাননি জাক্কো দুক মান·গিবারাংখো গিম্মিকখোন নাম্মেতনুয়ামিং।

ওয়াত্তেতারাংনা 20:24

ইন্দিবা আংচা আংনি জাংগিনি মামুং দাম দংজা। আংনি গি·সামাংমাং হা·সিকা ইয়ান, জেদাক্কে আংআ বন·খামওনা দিপ্পাৎ খাতনা মা·ন্না, ফি·এ ইন্নোদে গিত্তেল যীশু জে কামখো আংনা হন·জক উখো ব·ন্নেতনা মা·ন্না। উয়া কাম হং·জক ইসলনি খা·সাচাক্কানি নাম্মা খাৎথানি গিম্মিনো সাক্ষি হ·ন্না।

ওয়াত্তেতারাংনা 21:13

উনোন পৌল আগানজক, “না·সং গ্রাপে আংনি গিসিকো মুয়ানা দুক হ·ন্নিংআ? গিত্তেল যীশুনি গিম্মিন আংআ যিরূশালেমো বন্দি দংনাসান হং·জা, সিনাবা থারিয়ে দংআ।”

ওয়াত্তেতারাংনা 26:11

বিসংখো শাস্তি হ·ন্না সময়ফ্রাকওন আংআ থম·দাকরাম দামসাওনি থম·দাকরাম দামসাওনা রি·য়াংনুয়ামিং আরো যীশুনি সাক্কাও খাৎথা আগানখানা আংআ বিসংখো দাগিলনুয়ামিং। বিসংখো আংআ ইন্দাকফিল্লে খা·আওনাংআনি গিম্মিন বিসংখো গিচ্চিয়েতনা আংআ হা·সং গিপ্পিননি সংজিলমারাংচাবা রি·য়াংনুয়ামিং।

ওয়াত্তেতারাংনা 26:25

উনোন পৌল আগানজক, “ফামং ফীষ্ট, আংআ খোরে হং·জা। আংনি আগানা বিবি আরো খু·ফা নাম্মা।

ওয়াত্তেতারাংনা 6:8

স্তিফান ইসলনি খা·সাচাক্কাও আরো বিলও গাপ্পে মান্দিরাংনি গিসেপো বাং·আ আইয়াও ইনমানানি আরো চিননি কামরাংখো দাকনা হা·বাচেংজক।

ওয়াত্তেতারাংনা 9:22

ইন্দিবা শৌল আরোসা বিল্লাকবাৎরোরোজক আরো যীশুন খ্রীষ্ট হং·আ ইন্নে ফিন্নিকজক। ইনি গিম্মিন দামেস্কনি যিহূদীরাং নাওয়াং চা·আরিজক।

রোমানরাংনা 5:5

ইয়া খা·দংআ আনচিংখো খ্রাচা·এতজা, মুয়ানা ইসল বিনি হন·গিবা গিসিক রংথালগিবাচা আনচিংনি খা·থংখো বিনি খা·সাচাক্কাচা গাপ্পেতজক।

রোমানরাংনা 8:15

না·সংদে নকখলনি গিসিকখো মান·জা জেনি হা·সেল খেন্নুয়া; জে না·সংখো দেদ্রাং হং·খানা বিল হন·জক না·সং উয়া ইসলনি গিসিকখো মান·জক। উনি গিম্মিনান ইসলখো আনচিং আপফা ইন্নে রিক্কামা।

1ম করিন্থীয়রাংনা 2:4

আংনি আগানফ্রাকাও আরো আংনি আগানা খাৎথাও মান্দিরাংখো সাল্লে রা·আংনা গিত্তা হা·আইয়াও গাপগিবা জিথোআ খাৎথা দংজামিং উনাবাত্তে উয়ো গিসিক রংথালগিবানি বিলখোন নিক্কামিং,

গালাতীয়রাংনা 5:22

ইন্দিবা গিসিক রংথালগিবানি বিথি হং·জক- খা·সা, খুসি হং·আ, থম·থমা, চাকচিকানি গুণ, খা·সাচাক্কানি গিসিক, নামগিবা গিসিক, বিবিগিবা,

কলসীয়রাংনা 1:8

গিসিক রংথালগিবা না·সংনা খা·সানি জে গিসিকখো হন·জক উনি গিম্মিনো ইপাফ্রা চিংনা আগানজক।

ইব্রীয়রাংনা 2:15

আরো সিনা খেন্নে জেরাং নকখল গিত্তা জাংগি মিৎথাংজক বিসংখো জক্কেতা।

পিতর 1:22

দা·আও বিবিখো মানিয়ে রা·এ না·সং না·সংনি খা·থংখো রংথালেতজক, আরো উনি গিম্মিন বিবিরা·গিবা জংআদারাং না·সংচা ইন্দাকফিল্লে খা·সাগিবা হং·আ। উনি গিম্মিন আগান্না, না·সং সাকসা সাকগিপ্পিনখো খা·থংচা নাম্মেন খা·সাবো।

1 যোহন 4:18

ইয়া খা·সাও খেন্না দংজা, বাত্তেসা চু·সকগিবা খা·সা খেন্নাখো হা·রিকেতা, মুয়ানা খেন্নামুং শাস্তিনি চানচিয়া দংফাআ। জেআন খেন্না বিয়া খা·সাও চু·সকাখো মান·খুজা।