2 তীমথিয় 1:5 - Garo New Testament

⁵ নাং·নি খা·থংও জে বিবিরা·আ দংআ উখোবা আংনি গিসিকো দংআ। ইয়া বিবিরা·আ স্খাংও নাং·নি আম্বি লোয়ী আরো নাং·নি মা·আ উনীকীনি খা·থংও দংআমিং, আরো আংআ হা·আইয়া, ইয়া বিবিরা·আ নাং·নি খা·থংওবা দংআ।

2 তীমথিয় 1:5 Iomraidhean Croise

যোহননা 1:47

যীশু নথনেলখো আন·থাংচানা রি·বাখো নিক্কে বিনি গিম্মিনো আগানজক, “হাইওয়া নিবো, ইস্রায়েলনি সাকসা খাকখেৎগিবা মান্দি। বিনি গিসিকো বু·আ দংজা।”

ওয়াত্তেতারাংনা 16:1

জা·মানো পৌল দর্বী আরো লুস্ত্রা সংজিলমাচানা রি·য়াংজক। উয়ো তীমথিয় মিংগিবা জা·রিকগিবা সাকসা দংনুয়ামিং। বিনি মা·গিবা খ্রীষ্টখো বিবিরা·গিবা সাকসা যিহূদী মিচিকমিং, ইন্দিবা বিনি ফাগিবাদে গ্রীকমিং।

ওয়াত্তেতারাংনা 26:26

রাজাদে ইরাংখো হা·আইয়ান আরো আংআ বিমুং গিম্মিকখোন ফারাকে আগান্না মা·ন্না। আরো ইখো আংআ নাম্মেদাক্কেন হা·আইয়া, ইনি মামুংআন বিনি মিৎথিনাও হং·জা, মুয়ানা ইরাংদে সিউল দাক্কে হং·জা।

রোমানরাংনা 14:14

গিত্তেল যীশুমুং আপসান হং·জক ইন্নে আংআ নাম্মেদাক্কেন হা·আইয়া, মামুং চা·আন মারাং নাংআনি হং·জা, ইন্দিবা সাবা চা·আনি মামুংখো মারাং নাংআ ইন্নে চানচিওদে বিনান উয়া মারাং নাংআনি হং·আ।

রোমানরাংনা 14:5

সাবা সালসাখো গিপ্পিন সালনা বাত্তে দাল·নিকা। দা·আবা সাবা গিম্মিক সালখোন আপসান দাক্কে চানচিয়া। ইনি গিম্মিনো সা মুয়াখো দাকনুয়া বা দাকজানুয়া উয়োন বিনি গিসিক চু·গিম্মিক দাক্কে মানিখানা।

রোমানরাংনা 15:14

আংনি জংআদারাং, আংআ না·সংনি গিম্মিন ইখো বিবিরা·আ, না·সংনি খা·থং নাম্মা হা·সিকাও গাপ্পা, না·সংও গিম্মিক গিত্তা দাক্কা হা·আইয়ানি দংআ, আরো না·সং সাকসা সাকগিপ্পিননা নাম্মাখো আগান্না মা·ন্না।

রোমানরাংনা 4:21

ইসল জেখো খু·রাচাকজক উখো দাক্কানি বিলবা বিনি দংআ ইন্নে অব্রাহাম চু·সকে বিবিরা·নুয়ামিং।

রোমানরাংনা 8:38

আংআ ইখো নাম্মেদাক্কেন হা·আইয়া, সিয়া বা জাংগি, সালগিনি সা·গ্রে বা শয়তাননি সা·গ্রে, দা·আওরোরোনি বা জা·মানোনি মামুং বা দিংথাং দাকগিবা বিল,

2য় করিন্থীয়রাংনা 6:6

ইনাআগ্রে চিংনি খাকখেৎ জাংগিচা, চিংনি হা·আইয়াচা, চাকচিকানি গুণচা আরো খা·সাচাক্কাচা, গিসিক রংথালগিবাচা, চিংনি খাকখেৎ খা·সাচা,

1 তীমথিয় 1:5

ইন্দাকে গি·য়েতানি মিকসংআ হং·জক খা·সাখো মিকরাকেতা। ইয়া খা·সা খাকখেৎ খা·থং, নাম্মা চানচিয়া আরো চং·মত বিবিরা·আওনি রি·বাআ।

1 তীমথিয় 4:6

ইয়া বিদিংরাংখো না·আ জংআদারাংনা হা·আইএতোদে ইন্দিদে খ্রীষ্টান থরমখো বিবিরা·আনি জে বিবিখো আরো খাকখেৎ স্খিয়াখো না·আ মানিয়ে রি·জক, উয়ো চু·সকগিবা হং·এ খ্রীষ্ট যীশুনি সাকসা খ্রাগিবা দাকচাকে হন·গিবা হং·নুয়া।

2 তীমথিয় 1:12

ইনি গিম্মিনান আংআ ইন্দাকা দুকরাংখো চাক্কিংজক; ইন্দাকোবা আংআ খ্রাচা·জা, মুয়ানা আংআ হা·আইয়া আংআ সানি সাক্কাও ফাংচাকজক। আংআ খাকখেতান হা·আইয়া, আংআ বিচা জেখো দনজক খ্রীষ্টনি রি·বানি সালনা উখো রাক্ষিয়ানি বিল বিনি দংআ।

2 তীমথিয় 3:15

বি·সাওনি না·আ রংথালগিবা শাস্ত্রনিখো স্নিংআ। আরো ইয়া রংথালগিবা শাস্ত্রন নাং·খো খ্রীষ্ট যীশুখো বিবিরা·আচা পাপওনি জক্কেতাখো মা·ন্নানি হা·আইয়াখো হ·ন্না মা·ন্না।

ইব্রীয়রাংনা 11:13

ইয়া মান্দিরাং বিবিরা·আও জাংগি মিৎথাংএ সিজক। ইসল বিসংনা জেখো হ·ন্না খু·রাচাক্কামিং উখো বিসং মান·জা, ইন্দিবা চে·ল্লাওনি উখো নিক্কামিং আরো খুসিবা হং·আমিং। ইয়া হা·গিলসাকো বিসং হা·সং গিপ্পিননি আরো গিপ্পিন হা·সংও সংদংগিবা হং·আ উখো বিসং খু·রাচাক্কাবা খু·রাচাক্কামিং।

ইব্রীয়রাংনা 6:9

খা·সাগিবা রিপ্পেংরাং, চিংআ ইন্দাকা খু·সুকরাংখো আগানিংআ ইন্দাকোবা চিংআ বিবিরা·আ, না·সংনি অবস্থা উয়ানদাক্কে দাকজা; পাপওনি জক্কানি বিথিখো না·সংনি জাংগিও নিকনা মা·ন্নিংআ।

পিতর 1:22

দা·আও বিবিখো মানিয়ে রা·এ না·সং না·সংনি খা·থংখো রংথালেতজক, আরো উনি গিম্মিন বিবিরা·গিবা জংআদারাং না·সংচা ইন্দাকফিল্লে খা·সাগিবা হং·আ। উনি গিম্মিন আগান্না, না·সং সাকসা সাকগিপ্পিনখো খা·থংচা নাম্মেন খা·সাবো।