2 তীমথিয় 1:3 - Garo New Testament

³ আংনি ফাগিৎচামরাং জেগিত্তা ইসলনা দাকচাকে হ·ন্নুয়ামিং উগিত্তা আংআবা নাম্মা গিসিকো ইসলনা দাকচাকে হ·ন্না; আরো নাং·না ওয়ালসাল বি·মিত্তিংও আংআ বিখো মিৎথেলা।

2 তীমথিয় 1:3 Iomraidhean Croise

ওয়াত্তেতারাংনা 22:3

“আংআ সাকসা যিহূদী মান্দি হং·আ। কিলিকিয়ানি তার্ষ সংজিলমাও আংআ আৎচিয়া, ইন্দাকোবা ইয়া সংজিলমাওন আংআ দাল·জক। গমলীয়েলনি জা·চক কেচ্চিও আসংএ আংআ আনচিংনি ফাগিৎচামরাংনি নিয়ামরাংখো চু·গিম্মিক দাক্কে স্খিজক। ইসলনি গিম্মিন দা·আলো না·সং জেদাক্কে বিমচিপিংআ আংআবা উয়ানদাক্কেন হং·আমিং।

ওয়াত্তেতারাংনা 23:1

পৌল দাল·বাৎগিবা খ্রিমানি মান্দিরাংচাখো নিথাতে আগানজক, “আংনি জংআদারাং, দা·আওনা দিপ্পাৎ আংআ ইসলনি গিম্মিন আংনি দাক্কানিখো দাক্কিংজক।”

ওয়াত্তেতারাংনা 24:14

জেবা হং·খানা, ইয়া খাৎথাখো আংআ নাং·চা খু·রাচাকিংজক, যীশু খ্রীষ্টনি রামা, জেখো বিসং থরমখো চাংফেংগিবা রামা ইন্না, আংআ উয়া রামাওন আংনি ফাগিৎচামরাংনি ইসলখো অলাখিয়া। মোশিনি নিয়ামরাংমুং আপসান হং·গিবারাংও আরো আগানসোগিবারাংনি চক্কাও আংআ বিবিরা·আ।

ওয়াত্তেতারাংনা 24:16

উনি গিম্মিন আংআ ইসল আরো মান্দিরাংচা ফাংনানান আংনি গিসিকখো রংথালে দন্না হা·ম্মা।

ওয়াত্তেতারাংনা 26:4

“চনমিত্তিংওনি, আগানস্খাওদে আংনি চাসংনি হা·বাচেংওনি আংনি আন·থাংনি হা·সংও আরো জা·মানো যিরূশালেমনি মান্দিরাংনি গিসেপো আংআ বাদিকে জাংগি থাংজক উখো যিহূদীরাং গিম্মিকান হা·আইয়া।

ওয়াত্তেতারাংনা 27:23

আংআ জেনি মান্দি হং·আ আরো আংআ জেনা দাকচাকে হ·ন্না উয়া ইসলনি সা·গ্রে সাকসা মিজাও ওয়াল্লো আংনি সেফাংও চাদেংএ আগানজক,

রোমানরাংনা 9:1

খ্রীষ্টমুং নাংরিমে আংআ আগানিংজক, খা·থংথাংও আংআ নাম্মেন দুক আরো সা·দিকাখো মান·বিংজক, আরো ইয়া খাৎথাদে বিবি, বু·আ হং·জা। আংনি গিসিকবা গিসিক রংথালগিবামুং আপসান হং·এ উয়া আপসানখোন সাক্ষি হন·ফাংজক।

2য় করিন্থীয়রাংনা 1:12

জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

গালাতীয়রাংনা 1:14

আংনি আপসান বিলসিনি বাং·আ যিহূদীরাংনা বাত্তেবা আংআ উয়া থরমও বাং·এ বাত্তামিং। ইনা আগ্রে আংনি ফাগিৎচামরাংওনি জে নিয়াম রি·বাজক উনি গিম্মিনোবা আংআ নাম্মেন গিসিক নাংবাতামিং।

ইফিষীয়রাংনা 1:16

উনোনি মামুং সালোবা না·সংনা মিৎথেলাখো র·ন্না আংআ দনচাংখুজা।

1 থিষলনীকী 3:10

চিংআ ওয়ালসাল ইসলচা খা·থংওনি মল·মলিংআ জেদাক্কে চিংআ না·সংখো নিকনা মা·ন্না আরো না·সংনি বিবিরা·আও চু·ওংগিজাখো চু·সকেতনা মা·ন্না।

1 তীমথিয় 1:19

আরো উমুং বিবিরা·আখো আরো নাম্মা চানচিয়াখো রাক্ষিবো। মিত্তাম মান্দিরাং নাম্মা চানচিয়ানি খাৎথাখো খিন্নাচাকগিজা বিসংনি বিবিরা·আখো নাসিয়েতা।

1 তীমথিয় 1:5

ইন্দাকে গি·য়েতানি মিকসংআ হং·জক খা·সাখো মিকরাকেতা। ইয়া খা·সা খাকখেৎ খা·থং, নাম্মা চানচিয়া আরো চং·মত বিবিরা·আওনি রি·বাআ।

1 তীমথিয় 5:5

জে রান্দি মিচিকনি দারাংবা দংজা বিয়া ইসলনি সাক্কাওন বিনি খা·দংআ গিম্মিকখো দন্নে ওয়ালসাল ইসলচা বি·এ আরো মল·মলে দংআ।

2 তীমথিয় 1:5

নাং·নি খা·থংও জে বিবিরা·আ দংআ উখোবা আংনি গিসিকো দংআ। ইয়া বিবিরা·আ স্খাংও নাং·নি আম্বি লোয়ী আরো নাং·নি মা·আ উনীকীনি খা·থংও দংআমিং, আরো আংআ হা·আইয়া, ইয়া বিবিরা·আ নাং·নি খা·থংওবা দংআ।

2 তীমথিয় 3:15

বি·সাওনি না·আ রংথালগিবা শাস্ত্রনিখো স্নিংআ। আরো ইয়া রংথালগিবা শাস্ত্রন নাং·খো খ্রীষ্ট যীশুখো বিবিরা·আচা পাপওনি জক্কেতাখো মা·ন্নানি হা·আইয়াখো হ·ন্না মা·ন্না।

ইব্রীয়রাংনা 13:8

যীশু খ্রীষ্ট রি·য়াংগিবা সালো জেগিত্তা দংআমিং, দা·আলবা উগিত্তান দংআ আরো জ্রিংজ্রৎনা উগিত্তান দংনুয়া।