2 তীমথিয় 1:13 - Garo New Testament

¹³ না·আ আংচাখো জেখো খিন্নাজক উয়া চং·মত স্খিয়াখো না·আ জা·রিকবো; আরো খ্রীষ্ট যীশুমুং নাংরিমানি গিম্মিন আনচিংনি খা·থংও জে খা·সাআ আরো বিবিরা·আ রি·বাজক উখোবা রি·ম্মে রা·রিকবো।

2 তীমথিয় 1:13 Iomraidhean Croise

রোমানরাংনা 2:20

নাং·নি চানচিয়া গিত্তাদে, জেরাং চানচিসকগিজা হং·আ বিসংখো না·আ থারিয়া আরো জেরাং নিয়ামনি গিম্মিন স্খিয়াখো মান·জা বিসংনা না·আ স্খিয়ে হ·ন্না। নিয়ামনি গিসেপো হা·আইয়া আরো বিবি দংআনি গিম্মিনান নাং·নি ইন্দাকে চানচিয়ারাং দংআ।

রোমানরাংনা 6:17

ইন্দিবা ইসলখো মিৎথেলনা, মুয়ানা না·সং পাপনি নকখল হং·আমিং ইন্দাকোবা জেখো না·সংনা স্খিজক খা·থং গিম্মিকচা না·সং উখো মানিজক।

ফিলিপীয়রাংনা 1:27

দাল·বাতা খাৎথা ইয়ান, ইন্দাকফিল্লে না·সং না·সংনি জাংগিখো থাংএতা জেআন খ্রীষ্টনি গিম্মিনো নাম্মা খাৎথানা খ্রাআ। ইন্দাকোদে আংআ আন·থাং রি·বাএ না·সংখো নিআ বা চে·ল্লাওনি না·সংনি খাৎথাখো খিন্নাআ, আংআ হা·আইনুয়া, না·সং গিসিকো আপসান হং·এ চাদেংএ খেম·খেমে দংআ আরো জে বিবিরা·আ নাম্মা খাৎথাচা রি·বাআ উনি গিম্মিন আপসান হং·এ কাম দাক্কিংজক।

ফিলিপীয়রাংনা 4:9

না·সং আংচা জেখো স্খিজক আরো নাম্মা ইন্নে রা·চাকজক আরো আংও জেখো নিকজক আরো আংনি খু·সুকচা জেখো খিন্নাজক, উরাংখো রা·এন আন·থাংথাংখো বিমচিপে দনবো। উনোদে থম·থমেতগিবা ইসল না·সংমুং দংনুয়া।

1 থিষলনীকী 5:21

জেআন নাম্মা উখো রি·ম্মে রা·রিকবো,

1 তীমথিয় 1:10

জেরাং থি·ল্লেকা, জেরাং মি·আসা-মি·আসাস্খা মিচিক-মিচিকস্খামুং নামগিজাখো দাক্কা, জেরাং নকখল-বাদিংআনি কামখো দাক্কা, জেরাং বু·এ খু·সুক আগানা আরো বু·আখো সাক্ষি হ·ন্না, আরো জেরাং বিবিগিবা স্খিয়ানি সাক্কাও দিংথাং কামখো দাক্কা।

1 তীমথিয় 1:14

আনচিংনি গিত্তেল আংনা চৎচাংগিজা খা·সাচাকজক আরো খ্রীষ্ট যীশুমুং নাংরিমানি গিম্মিনো জে বিবিরা·আ আরো খা·সা রি·বাআ উখো হন·জক।

1 তীমথিয় 6:3

সাবা দিংথাং দাক্কে স্খিওদে আরো খাকখেৎখো, আগানস্খাওদে আনচিংনি গিত্তেল যীশু খ্রীষ্টনি স্খিয়া আরো ইসলখো অলাখিয়ানি স্খিয়াখো মানিজাওদে বিয়া গাং·বিংগিবা হং·আ।

2 তীমথিয় 1:1

খ্রীষ্ট যীশুও ফাংনাজলনি জাংগিনি খু·রাচাক্কা গিত্তা ইসলনি হা·সিকাও আংআ পৌল খ্রীষ্ট যীশুনি সাকসা ওয়াত্তেতা হং·জক।

2 তীমথিয় 1:14

ইসল নাং·না জেখো রাক্ষিনা হন·জক উখো রংথালা গিসিকচা রাক্ষিবো, জেআন আনচিংনি খা·থংও দংআ।

2 তীমথিয় 2:2

বাং·আ সাক্ষিরাংনি মিকখাংও আংনি খু·সুকও জে স্খিয়ানি খাৎথাখো না·আ খিন্নাজক উয়া স্খিয়াখো রি·ম্মে রা·রিকনা না·আ ইন্দাকা বিবিগিবা মান্দিরাংনা হন·বো জেরাংনি গিপ্পিনরাংখো স্খিয়েতানি বিল দংআ।

2 তীমথিয় 3:14

ইন্দিবা না·আ জেখো স্নিংজক আরো বিবিরা·বিবিজক উয়ো খেম·খেমে দংবো, মুয়ানা সারাংচানি না·সং উখো স্খিজক উখো না·সং হা·আইয়া।

2 তীমথিয় 4:3

ইন্দাকা সময় রি·বানুয়া জেনসালো বিবিনি স্খিয়াখো মান্দিরাং চাকজানুয়া, বাত্তেসা আন·থাংথাংনি হা·সিকাখো চু·সকেতনা বিসং ইন্দাকা বাং·আ স্খিএতগিবারাংখো চিম্মংনুয়া জেরাং বিসংখো খুসি দাকনা গিত্তা স্খিয়েতনুয়া।

তীতনা 1:9

ইসলনি বিবিরা·না খ্রাগিবা খাৎথা, জেখো আংআ স্খিয়েতজক, উখো বিনি রাক্কে রি·ম্মে রা·রিকনা নাংনুয়া, জেদাক্কে চং·মত স্খিয়ানি বিদিংও বিয়া আগানফ্রাকনা মা·ন্না আরো বোবিল দাকগিবারাংনা ব্রাংআনিখো ফিন্নিকে র·ন্না মা·ন্না।

তীতনা 2:1

না·আ ইন্দাকফিল্লে স্খিয়েতবো জেদাক্কে নাং·নি খাৎথামুং চং·মত স্খিয়া আপসান হং·আ।

তীতনা 2:8

দারাংবা জেদাক্কে নাং·নি দোসখো রিম·না মান·জা উগিত্তা চং·মত স্খিয়াখো হন·বো, জেদাক্কে না·সংনি সাক্কাও দংগিবা মান্দিরাং খ্রাচা·আ মা·ন্না, মুয়ানা আনচিংনি গিম্মিনো নামজা ইন্নানি বিসংনিদে মামুংআন দংজানুয়া।

ইব্রীয়রাংনা 10:23

বিবিরা·গিবা হং·এ আনচিংনি জে খা·দংআ দংআ, হাই, আনচিং খেম·খেম হং·এ বিনি খাৎথাখো খু·রাচাকনা, মুয়ানা জেআন খু·রাচাকজক বিয়া বিবিরা·না খ্রাগিবা হং·আ।

ইব্রীয়রাংনা 3:6

ইন্দিবা খ্রীষ্ট উয়া নকনি দেফান্থি গিত্তা বিবিরা·না খ্রাগিবা হং·আমিং। আনচিংনি খা·দংবিবিয়ানি গিম্মিন গিসিকো জে হান·সেংআ রি·বাআ, উয়ো আনচিং বন·খামাওনা দিপ্পাৎ খেম·খেমে দংওদে নিকনা মা·ন্নুয়া, আনচিংআন ইসলনি নকনি মান্দি হং·আ।

ইব্রীয়রাংনা 4:14

ইনি গিম্মিন হাই, আনচিং স্রংস্রাং দাক্কে ইসলনি দেফান্থি যীশুনি সাক্কাও আনচিংনি বিবিরা·আখো খু·রাচাক্কে রি·য়াংনা, মুয়ানা বিয়ান আনচিংনি খামাল দাল·বাৎগিবা হং·আ জেআন সালগিচা রি·য়াংএ দা·আও ইসলনি মিকখাংও দংআ।

যিহূদা 1:3

খা·সাগিবা রিপ্পেংরাং, পাপওনি জে জক্কেতাখো আনচিং দিমদাকান মান·জক উয়া জক্কেতানি গিম্মিনো আংআ না·সংচা চকনা হা·সিকবিয়ামিং। ইন্দাকোবা খ্রীষ্টান থরমনি বিবিরা·আ, জেখো ইসল বিনি মান্দিরাংনা ফাংনাজলনা হন·জক, উনা চাক্কে জেদাক্কে না·সং জাংগিগাল্লে দাকগ্রিকা উনা খা·দংএতনা ইন্নে আংআ না·সংচা চকনা নাংআখো চানচিজক।

ফারাকগিবা খাৎথা 2:25

না·সংচা দংআরাংখো, আংনি রি·বাখুজানা দিপ্পাৎ উখো রাক্কে রি·ম্মে রা·রিকবো।

ফারাকগিবা খাৎথা 3:11

আংআ থেং·রিন রি·বাংজক। নাং·নি দংগিবাখো রাক্কে রি·ম্মে দনবো, জেদাক্কে নাং·নি হাম্মানি বকসিসখো দারাংবা রা·সেকে রা·জা।

ফারাকগিবা খাৎথা 3:3

ইনি গিম্মিন না·আ জেখো মান·জক আরো খিন্নাজক উখো গিসিক রা·বো আরো মানিবো আরো ইন্দাকা অবস্থাওনি গিসিকখো ফিল·বো। না·আ চাখাতজাওদে আংআ চা·খক গিত্তা রি·বানুয়া, আরো আংআ বাগিবা সময়ও নাং·চা রি·বানুয়া উখো না·আ হা·আইনাবা মান·জানুয়া।