2 তীমথিয় 1:10 - Garo New Testament

¹⁰ ইন্দিবা দা·আও আনচিংখো জক্কেৎগিবা খ্রীষ্ট যীশুনি ইয়া হা·গিলসাকো রি·বাচা বিয়া উয়া খা·সাচাক্কাখো ফারাকজক। খ্রীষ্ট সিয়াখো ব·ন্নেতজক আরো নাম্মা খাৎথাচা ব·ন্নাগ্রি জাংগিনি খাৎথাখো ফারাকজক।

2 তীমথিয় 1:10 Iomraidhean Croise

লূকনি চকগিবা নাম্মা খাৎথা 11:36

নাং·নি বে·এন গিম্মিক সেং·চিপোদে আরো অকখিসাবা আন্দালজাওদে উয়া চু·গিম্মিক থেং·সুনুয়া, জেদাক্কে চাক্কিনি সেং·আ নাং·নি সাক্কাও গা·আকজোকনো নাং·নি বে·এন সেং·আনি হং·আ।”

লূকনি চকগিবা নাম্মা খাৎথা 13:7

উনো বিয়া বাগানখো নিরক্ষিগিবানা আগানজক, ‘নিবো, বিলসি গিত্থাম হং·ইংজক ইয়া ডুমুর বিফাংও আংআ বিথিখো সান্দিংজক ইন্দিবা মামুংখোন মান·জাংজক। ইনি গিম্মিন না·আ ফাংখো দেন·ফিএ গালবো। মুয়ানা ইগিবা ইন্দাকারি হা·বাখো নাসিয়েতনুয়া?’

লূকনি চকগিবা নাম্মা খাৎথা 2:11

দা·আল দায়ূদনি সংও না·সংখো জক্কেৎগিবা আৎচিজক। বিয়ান খ্রীষ্ট, বিয়ান গিত্তেল।

যোহননা 1:9

জেআন মান্দি দিমদাকনা সেং·আখো হ·ন্না, উয়ান চং·মতগিবা সেং·আ, বিয়া হা·গিলসাকো রি·বামিং।

যোহননা 14:6

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

যোহননা 20:31

ইন্দিবা ইরাংখো চকজক জেদাক্কে না·সং বিবিরা·আ, যীশুন খ্রীষ্ট, ইসলনি দেফান্থি হং·আ, আরো বিবিরা·এ বিগিত্তা জাংগিখো মা·ন্না।

যোহননা 4:42

উয়া মিচিকনা বিসং আগানজক, “দা·আও চিংআ নাং·নি আগানানি গিম্মিন বিবিরা·জা, ইন্দিবা চিংআ আন·থাংথাংআন বিনি আগানাখো খিন্নাএ ইখো হা·আইনা মান·জক, বিয়া বিবিন মান্দিরাংখো জক্কেৎগিবা হং·আ।”

যোহননা 5:40

ইন্দাকোবা জাংগি মা·ন্না গিত্তা না·সং আংচানা রি·বানা হা·সিকজা।

ওয়াত্তেতারাংনা 13:23

ইসল বিনি খু·রাচাক্কা গিত্তা ইয়া মান্দিনি দেরিচ্ছু-সু·রিচ্ছুরাংওনি জক্কেৎগিবা যীশুখো ইস্রায়েল মান্দিরাংনা রিমবামিং।

ওয়াত্তেতারাংনা 5:31

ইসল বিখোন রাজা আরো জক্কেৎগিবা দাক্কে আন·থাংনি জাক্রাচা আসংআনি রাসংখো হন·জক, জেদাক্কে বিয়া ইস্রায়েলনি মান্দিরাংনা পাপওনি গিসিক ফিল·না চলখো হ·ন্নে পাপনিখো ক্ষেমা দাকনা মা·ন্না।

রোমানরাংনা 16:26

ইন্দিবা নাম্মা খাৎথাচা উখো দা·আও ফারাকজক আরো উগিত্তান আংআ আগানফ্রাকিংজক। ফাংনাজলগিবা ইসলনি গি·য়েতা গিত্তা আগানসোগিবারাংনি চক্কাও গিম্মিক জাতনি মান্দিরাংচা উখো হা·আইএতজক, জেদাক্কে বিসং খ্রীষ্টখো বিবিরা·এ ইসলখো মানিনা মা·ন্না।

রোমানরাংনা 2:7

জেরাং চাকচিকে নাম্মা কামখো দাক্কে ইসলচাখো রাসং, মান্দিরা·আ আরো বন·গিজাগিবা জাংগিখো মা·ন্না হা·ম্মা, ইসল বিসংনান ফাংনাজলনি জাংগিখো হ·ন্নুয়া।

রোমানরাংনা 3:31

ইয়া বিবিরা·আনি গিম্মিন আনচিং নিয়ামখো গাল্লিংজকমা? মামুং দাক্কেবা গালজা, বাত্তেসা নিয়ামনি খাৎথারাং বিবি হং·আ উখোন আনচিং ফিন্নিকিংআ।

রোমানরাংনা 6:6

আনচিং ইখো হা·আইয়া, আনচিংনি পাপ-বেওয়ালখো গিম্মায়েতনান আনচিংনি গিৎচাম ‘আংআ’খো খ্রীষ্টমুং চিসলো দাৎখাপজক জেদাক্কে আনচিংখো পাপনি নকখল হং·এ দংনা নাংজা;

1ম করিন্থীয়রাংনা 15:26

বন·খামগিবা বোবিল হং·জক সিয়া, উখোবা ব·ন্নেতনুয়া।

1ম করিন্থীয়রাংনা 4:5

উনি গিম্মিন গিত্তেলনি রি·বানা স্খাং, আগানস্খাওদে উয়া থিক দাকগিবা সময়না স্খাং না·সং দা·আ মামুংনি দোসখো রিম·না রি·য়াংআবো। আন্দালাও থুম্মুয়ে দনগিবাখো বিয়ান সেং·আওনা রা·বানুয়া আরো মান্দিনি খা·থংনি থুম্মুয়ে দনগিবা মিকসংআরাংখোবা ফারাকনুয়া। উনিসালো ইসলচাখোন জে জেনি মা·ন্নাগিবা মিৎথেলাখো মা·ন্নুয়া।

2য় করিন্থীয়রাংনা 5:4

বিবিন ইয়া বিলগ্রি বে·এনো দংএন চিংআ রিৎজিমানি হা·সেল রাং·স্ফিতিংআ। চিংআ বে·এনগ্রি হং·না হা·ম্মা ইন্দাকেদে হং·জা, বাত্তেসা উয়া গিত্তাল বে·এনচা ফিনদাপাখো হা·ম্মা জেদাক্কে সিয়ানি নিং·আও দংগিবা চিংনি বে·এন ফাংনাজলনা থাংএ দংগিবা বে·এনো দিংথাং ফি·ল্লাংআ।

গালাতীয়রাংনা 5:4

না·সং জেরাং নিয়ামখো মানিয়ে ইসলনি রা·চাকগিবা হং·না হা·ম্মা না·সংদে খ্রীষ্টওনি দিংথাং হং·আংজক, ইসলনি খা·সাচাক্কাওনি জিত্তাংজক।

ইফিষীয়রাংনা 1:18

আংআ আরোবা বি·না জেদাক্কে না·সংনি খা·থংনি মিক্রোন খুলিয়াংআ, জেদাক্কে বিনি রিক্কামানি গিম্মিন না·সংনি খা·থংও জেগিত্তা খা·দংআ উখো না·সং হা·আইনা মা·ন্না; আরো উমুং ইখোবা হা·আইবো, বিচা বিনি মান্দিরাং বাসিক দা·ল্লা গাম গিত্তা হং·আ আরো আনচিং জেরাং বিবিরা·গিবা হং·আ আনচিংনি খা·থংও বিনি বাসিক দা·ল্লা বিল কাম দাক্কিংআ। ইয়া উয়া আপসান বিলআন হং·আ,

ইফিষীয়রাংনা 1:9

জেগিত্তা বিয়া হা·ম্মামিং আরো স্খাংআন খ্রীষ্টও থারিয়ে দনসোআমিং, উগিত্তান বিয়া বিনি নিং·থুয়া মিকসংআখো আনচিংনা আগানামিং।

2 থিষলনীকীয়রাংনা 2:8

গিত্তেল যীশু বিনি খু·সুকনি বিবাচা ব·ন্নেতনুয়া আরো বিনি রাসংচা বিনি বিলখো ব·ন্নেতনুয়া।

2 তীমথিয় 1:1

খ্রীষ্ট যীশুও ফাংনাজলনি জাংগিনি খু·রাচাক্কা গিত্তা ইসলনি হা·সিকাও আংআ পৌল খ্রীষ্ট যীশুনি সাকসা ওয়াত্তেতা হং·জক।

2 তীমথিয় 1:8

উনি গিম্মিন আনচিংনি গিত্তেলনি গিম্মিনো সাক্ষি হ·ন্না দা·আ খ্রাচা·আবো, আরো বিনি গিম্মিন বন্দি হং·গিবা আংআ, আংখো রা·এবা দা·আ খ্রাচা·আবো। উনা বাত্তে ইসল নাং·না জে বিলখো হন·জক উগিত্তা বিনি নাম্মা খাৎথাখো আগানফ্রাকনা আংমুং দুক চাকবো।

2 তীমথিয় 4:1

খ্রীষ্টনি রি·বাফিল্লা আরো বিনি সংনকনি গিম্মিন গিসিক রা·এ ইসলনি মিকখাংও আরো জেআন থাংগিবারাংখো আরো সিগিবারাংখো বিচাল দাকনুয়া উয়া খ্রীষ্ট যীশুনি মিকখাংও আংআ নাং·না ইখো গি·য়েতিংজক-

2 তীমথিয় 4:8

উনি গিম্মিন আংনা নাম্মা জাংগিনি বকসিসখো দনসোজক। বিচালনি সালো খাকখেৎ বিচাল দাকগিবা গিত্তেল আংনা উয়া বকসিস গিত্তা হাম্মানি মালাখো হ·ন্নুয়া। ইন্দাকোবা বিয়া আংনাসান হ·ন্নুয়া ইন্দাকেদে হং·জা, জেরাং বিনি রি·বাফিল্লানা গিসিক নাংএ নিচাকসোএ দংজক বিসং গিম্মিকনা হ·ন্নুয়া।

তীতনা 2:11

ইসলনি জে খা·সাচাক্কাচা পাপওনি জক্কাখো মা·ন্না উখো গিম্মিক মান্দিরাংচান ফারাকা হং·জক।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

তীতনা 3:4

ইন্দিবা জেনসালো আনচিংখো জক্কেৎগিবা ইসলনি খা·সাচাক্কা আরো খা·সা ফারাকজক উনো বিয়া পাপওনি আনচিংখো জক্কেৎজক।

ইব্রীয়রাংনা 10:32

চেংওনি খাৎথারাংখো গিসিক রা·এ নিবো। উনো সেং·আখো মা·ন্নে দুকখো চাক্কানি বিল্লংআওবা না·সং খেম·খেম দংআমিং।

২ পিতর 1:1

আংআ শিমোন-পিতর যীশু খ্রীষ্টনি সাকসা নকখল আরো ওয়াত্তেতা হং·আ। আনচিংনি ইসল আরো জক্কেতগিবা যীশু খ্রীষ্ট খাকখেৎগিবা হং·আ, আরো উনি গিম্মিন না·সংবা চিংনি গিত্তান আপসান বিবিরা·আখো মান·জক। ইনি গিম্মিন আংআ না·সংনা ইয়া চিঠিখো চক্কিংজক।

২ পিতর 1:11

ইনি গিম্মিন আনচিংনি গিত্তেল আরো জক্কেৎগিবা যীশু খ্রীষ্টনি সংনকও না·সংখো হা·সিকমানচাএ রা·চাকনুয়া।

২ পিতর 1:3

জেআন বিনি রাসং আরো বিনি গুণচা আনচিংখো রিক্কামজক, বিখো নাম্মেদাক্কে হা·আইয়াচান বিনি ইসলনি বিল ইন্দাকাখো রন·জক জেচা আনচিং ইসলনা খা·ফাকে জাংগি মিৎথাংনা মা·ন্না।

২ পিতর 2:20

আনচিংনি গিত্তেল আরো জক্কেৎগিবা যীশু খ্রীষ্টখো নাম্মে হা·আইয়ানি গিম্মিন হা·গিলসাকনি নামগিজাওনি খাত্তাংএবা জেনসালো বিসং দা·আবা উয়া আপসান নামগিজাও গা·আকা উয়ো হামজাজক, উনো বিসংনি অবস্থা স্খাংনি অবস্থানা বাত্তেবা নামজাজক।

২ পিতর 3:18

না·সং আনচিংনি গিত্তেল আরো জক্কেৎগিবা যীশু খ্রীষ্টনি খা·সাচাক্কাও আরো বিনি বিদিংও হা·আইয়াচা দাল·রোরোআংবো। দা·আও আরো ফাংনাজলনা দিপ্পাৎ বিনিন রাসং হং·খানা। আমেন।

২ পিতর 3:2

রংথালগিবা আগানসোগিবারাং জে খাৎথারাংখো আগানাংজক উরাংখো আরো না·সংনি ওয়াত্তেতারাংচা আনচিংনি গিত্তেল আরো জক্কেৎগিবা জেখো গি·য়েতি দন্নাংজক, আংআ হা·ম্মা জেদাক্কে না·সং উখো গিসিক রা·আ।

1 যোহন 1:2

উয়া জাংগি ফারাকামিং। চিংআ বিখো নিকজক আরো বিনি গিম্মিনো সাক্ষি হ·ন্নিংজক। জেআন ফাগিবাচা দংআমিং আরো চিংচা ফারাকামিং উয়া ফাংনাজলনি জাংগিনি খাৎথাখোন না·সংনা আগানিংজক।

1 যোহন 4:14

চিংআ নিকজক আরো সাক্ষি হ·ন্নিংজক, ফাগিবা দেফান্থিখো মান্দিনি জক্কেৎগিবা দাক্কে ওয়াত্তেতামিং।

ফারাকগিবা খাৎথা 18:1

উনি জা·মানো আংআ দা·আও সাকসা সা·গ্রেখো সালগিওনি হং·খাতে রি·বাখো নিকজক। বিনি দাল·গিবা বিল দংআমিং আরো হা·গিলসাক বিনি রাসংও থেং·সুজক।

ফারাকগিবা খাৎথা 2:7

জেনি খিন্নানা নাচিল দংআ বিয়া খিন্নাখানা, গিসিক রংথালগিবা মন্ডলীরাংনা মুয়াখো আগানিংআ। জেআন হামনুয়া বিনা আংআ ইসলনি সংনকনি বলজাংগিনি বিথিখো চা·না হ·ন্নুয়া।

ফারাকগিবা খাৎথা 20:14

জা·মানো সিয়া আরো সিগিবা হা·দামখো চিরিংও গাল্লেতা হং·জক। ইয়া ওয়া·আলনি চিরিংও গা·আকান গ্মিগিবা সিয়া হং·আ। জেরাংনি বিমিং উয়া জাংগিনি হা·দামও গাল্লেতা হং·আ।

ফারাকগিবা খাৎথা 22:14

“ফাত্তিয়া মান·গিবা, জেরাং বিসংনি বা·রাখো সু·গালে গাল্লা জেদাক্কে বিসং জাংগিনি বিফাংনি বিথিখো চা·না মান·না আরো দ·গা গিত্তা সংজিলমাও নাপনা মান·না।

ফারাকগিবা খাৎথা 22:17

রংথালগিবা গিসিক আরো মিচিক আগানিংআ, “রি·বাবো।” আরো জেআন ইয়া খাৎথাখো খিন্নাংজক বিয়াবা আগানখানা, “রি·বাবো।” জেনি চি রিংনা হা·সিকা বিয়া রি·বাখানা আরো জেআন চি রিংনা হাম·মা বিয়া দামগ্রি জাংগিনি চিখো রিংখানা।