2 থিষলনীকীয়রাংনা 3:5 - Garo New Testament

⁵ গিত্তেল জেদাক্কে না·সংনি খা·থংখো ইসলনি খা·সানি রামাও আরো খ্রীষ্টনি চাকচিকানি রামাও রা·আংআ।

2 থিষলনীকীয়রাংনা 3:5 Iomraidhean Croise

রোমানরাংনা 5:5

ইয়া খা·দংআ আনচিংখো খ্রাচা·এতজা, মুয়ানা ইসল বিনি হন·গিবা গিসিক রংথালগিবাচা আনচিংনি খা·থংখো বিনি খা·সাচাক্কাচা গাপ্পেতজক।

রোমানরাংনা 8:25

ইন্দিবা মান·গিজাগিবানা আনচিংনি খা·দংআ দংওদে উনা আনচিং চাকচিকে সেং·এ দংআ।

রোমানরাংনা 8:28

আনচিং হা·আইয়া ইসলনা জেরাং খা·ফাকা, আগানস্খাওদে ইসল আন·থাংনি মিকসংআ গিত্তা জেরাংখো রিক্কামজক বিসংনি নাম্মানা গিম্মিকান আপসান দাক্কে কাম দাক্কিংজক।

1ম করিন্থীয়রাংনা 8:3

ইন্দিবা ইসলনা জেআন খা·সাআ বিখো ইসল হা·আইয়া।

গালাতীয়রাংনা 5:22

ইন্দিবা গিসিক রংথালগিবানি বিথি হং·জক- খা·সা, খুসি হং·আ, থম·থমা, চাকচিকানি গুণ, খা·সাচাক্কানি গিসিক, নামগিবা গিসিক, বিবিগিবা,

1 থিষলনীকী 1:10

আরো সালগিওনি বিনি দেফান্থিনি রি·বানি গিম্মিন সেংসোনা মা·ন্না। উয়া দেফান্থিন হং·জক যীশু, জেখো বিয়া সিয়াওনি থাংচাএতামিং। ইসলনি জে শাস্তি রি·বাংজক উয়া শাস্তিওনি ইয়া যীশুন আনচিংখো জক্কেৎনুয়া।

1 থিষলনীকী 1:3

বিবিরা·আনি গিম্মিন না·সং জে কামখো দাক্কিংজক, খা·সানি গিম্মিন জেদাক্কে গাম্মিংজক আরো আনচিংনি গিত্তেল যীশু খ্রীষ্টনি সাক্কাও খা·দংআনি গিম্মিন জেদাক্কে চাকচিকিংজক, উখো চিংআ ফাংনান আনচিংনি ফাগিবা আরো ইসলনি মিকখাংও বি·আও গিসিক রা·আ।

1 থিষলনীকী 3:11

আনচিংনি ফাআ আরো ইসল আন·থাং আরো আনচিংনি গিত্তেল যীশু জেদাক্কে না·সংচা রি·য়াংআনি রামাখো থারিয়ে হ·ন্না।

2 তীমথিয় 4:8

উনি গিম্মিন আংনা নাম্মা জাংগিনি বকসিসখো দনসোজক। বিচালনি সালো খাকখেৎ বিচাল দাকগিবা গিত্তেল আংনা উয়া বকসিস গিত্তা হাম্মানি মালাখো হ·ন্নুয়া। ইন্দাকোবা বিয়া আংনাসান হ·ন্নুয়া ইন্দাকেদে হং·জা, জেরাং বিনি রি·বাফিল্লানা গিসিক নাংএ নিচাকসোএ দংজক বিসং গিম্মিকনা হ·ন্নুয়া।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

ইব্রীয়রাংনা 9:28

উয়ানদাক্কেন বাং·আ মান্দিনি পাপনি বোজাখো রিপ্পিনা খ্রীষ্টখোবা রাং·সাসান বলি হন·জক। বিয়া দা·আও রাং·সা রি·বানুয়া, ইন্দিবা উনো পাপনা সিনা রি·বাজানুয়া, বাত্তেসা জেরাং বিনা নিচাকসোএ দংআ বিসংখো চু·গিম্মিক দাক্কে জক্কেৎনা রি·বানুয়া।

যাকোব 2:5

খিন্নাবো, আংনি খা·সাগিবা জংআদারাং। ইয়া হা·গিলসাকনি মিক্রোনও দিল্লা-চন্না মান্দিরাংখো ইসল বিবিরা·আও মা·ন্নে চা·গিবা হং·না বাচ্ছিয়ে রা·জামা? জেরাং ইসলনা খা·বাকা উরাংখো বিয়া জে সংনকখো র·ন্নুয়া ইন্নে খু·রাচাক্কামিং, উয়া সংনকখো মান·রিকনাবা ইসল বিসংখোন বাচ্ছিয়ে রা·জামা?

পিতর 4:1

উনি গিম্মিন খ্রীষ্ট বে·এনো দুকখো চাক্কামিং ইন্নে না·সংবা আন·থাংথাংনি খা·থংও উয়া আপসান গিসিকখো থারিবো, মুয়ানা বে·এনো জেআন দুকখো চাকজক বিয়া পাপখো ওয়াতজক।

1 যোহন 4:19

বিয়া আনচিংখো স্খাং খা·সামিং ইন্নেন আনচিং খা·সা।

ফারাকগিবা খাৎথা 1:9

আংআ না·সংনি জংআদা যোহন; যীশুমুং নাংরিমে আংআ না·সংমুং আপসান দুকখো, আপসান সংনকখো আরো আপসান চাকচিকানি বাকখো মান·ফাগিবা হং·জক। ইসলনি খাৎথা আরো যীশুনি সাক্ষিনি বিদিংও আগানফ্রাকামিং ইন্নে আংখো পাট্‌ম চিচাংচা রা·আংএ দন্নামিং।

ফারাকগিবা খাৎথা 13:10

জেখো চিপচাংএ দন্নানি খাৎথা দংআ বিখো চিপচাংএ দন্নুয়া। জেখো মিল্লামচা স·ওতনা খাৎথা দংআ বিয়া স·ওতাখো মান·নুয়া। ইনি গিম্মিন ইসলনি মান্দিরাংনি চাকচিকা আরো বিবিরা·আ দংনা নাংনুয়া।