2 থিষলনীকীয়রাংনা 3:4 - Garo New Testament

⁴ গিত্তেলমুং নাংরিমা ইন্নে না·সংনি গিম্মিন চিংনি ইন্দাকা বিবিরা·আ দংআ, চিংআ না·সংনা জেগিত্তা গি·য়েৎজক উগিত্তান না·সং কাম দাক্কিংআ আরো দাকনুয়া।

2 থিষলনীকীয়রাংনা 3:4 Iomraidhean Croise

মথিনি চকগিবা নাম্মা খাৎথা 28:20

আংআ জেখো জেখো না·সংনা গি·য়েৎজক উখো মানিখানা বিসংনা স্খিয়ে হন·বো। নিবো, চাসংনি বন·খামাওনা দিপ্পাৎ ফাংনান আংআ না·সংমুং দংআ।”

রোমানরাংনা 15:14

আংনি জংআদারাং, আংআ না·সংনি গিম্মিন ইখো বিবিরা·আ, না·সংনি খা·থং নাম্মা হা·সিকাও গাপ্পা, না·সংও গিম্মিক গিত্তা দাক্কা হা·আইয়ানি দংআ, আরো না·সং সাকসা সাকগিপ্পিননা নাম্মাখো আগান্না মা·ন্না।

রোমানরাংনা 15:18

খ্রীষ্ট আংও জেখো দাকজক উনাআগ্রে মামুং খাৎথা আগান্না আংআ খা·সকজানুয়া। বিয়ান আংনি খাৎথা আরো কামচা, আইয়াও ইনমানগিবা কাম আরো চিননি কামচা আরো গিসিক রংথালগিবানি বিলচা গিপ্পিন জাতরাংখো ইসলও বাম্মেতজক। উনি হা·সেল আংআ যিরূশালেমোনি হা·বাচেংএ ইল্লুরিকাওনা দিপ্পাৎ হা·দাম গিম্মিকচা খ্রীষ্টনি গিম্মিন নাম্মা খাৎথাখো চু·গিম্মিক দাক্কে আগানফ্রাকজক।

রোমানরাংনা 2:7

জেরাং চাকচিকে নাম্মা কামখো দাক্কে ইসলচাখো রাসং, মান্দিরা·আ আরো বন·গিজাগিবা জাংগিখো মা·ন্না হা·ম্মা, ইসল বিসংনান ফাংনাজলনি জাংগিখো হ·ন্নুয়া।

1ম করিন্থীয়রাংনা 14:37

সাবা আন·থাংখো আগানসোগিবা চানচিওদে বা গিসিক মান·গিবা মান্দি চানচিওদে বিয়া ইন্দাকে খু·রাচাকখানা, আংনি না·সংচা চকগিবা গিম্মিকান গিত্তেলনি গি·য়েতা।

1ম করিন্থীয়রাংনা 7:19

বিগিল রাত্তোবা মুয়া হং·আ আরো রাতজাওবা মুয়া হং·আ, ইসলনি গি·য়েতাখো মানিয়ান চং·মত খাৎথা হং·আ।

2য় করিন্থীয়রাংনা 2:3

জেনসালো আংআ রি·য়াংনুয়া উনো জেরাংচানিখো আংআ হান·সেংএতাখো মা·ন্না খাৎথা দংআ বিসংচাখো জেদাক্কে দুক মান·জা উনি গিম্মিনান আংআ ইয়া খাৎথাখো চক্কামিং। না·সংনি সাক্কাও আংনি ইন্দাকা বিবিরা·আ দংআ, আংনি খুসি হং·আও না·সংবা খুসি হং·আ।

2য় করিন্থীয়রাংনা 2:9

আংআ থিক্ষেলে নিনা হা·ম্মামিং না·সং গিম্মিকনি বিদিংও বাম্মে দংআমা, আরো ইনি গিম্মিনান আংআ না·সংচা চক্কামিং।

2য় করিন্থীয়রাংনা 8:22

ইনাআগ্রে বিসংমুং চিংআ চিংনি দা·আও সাকসা জংখোবা ওয়াত্তেতিংজক। বিনি গিসিক নাংআখো বিয়া চিংনা বাং·এন ফিন্নিকজক। দা·আও না·সংখো বিয়া বাং·এ বিবিরা·জক ইন্নে বিয়া আরোবা গিসিক নাংবিজক।

গালাতীয়রাংনা 5:10

না·সংনি গিম্মিনো গিত্তেলনি সাক্কাও আংআ ইন্দাকে বিবিরা·আ, না·সং আরবা দিংথাং চানচিয়াখো রা·চাকজানুয়া। ইন্দিবা জেআন না·সংখো খেম·খেম দংনা রন·জাংআ, বিয়া জেআন হং·খানাবো, বিয়া বিনি শাস্তি মা·ন্নানিখো মা·ন্নুয়া।

ফিলিপীয়রাংনা 1:6

আংনি ইন্দাকা বিবিরা·আ দংআ, না·সংনি খা·থংও জেআন নাম্মা কামখো দাকনা হা·বাচেংজক বিয়া খ্রীষ্ট যীশুনি রি·বানি সালোনা দিপ্পাৎ উখো দাক্কে ব·ন্নেতনুয়া।

ফিলিপীয়রাংনা 2:12

আংনি খা·সাগিবা জংআদারাং, না·সংদে ফাংনান বাম্মে দংআ। উয়ানদাক্কে আংনি দংওসান হং·জা, ইন্দিবা মংসং দাক্কে দা·আও আংনি দংজামিত্তিংওবা না·সং অলাখিয়ে আরো খেনচাকে না·সংনি কামও ফিন্নিকবো, না·সং পাপওনি জক্কাখো মান·জক।

1 থিষলনীকী 4:10

আরো বিবিন না·সং ম্যাসিডোনিয়া হা·দকনি গিম্মিক জংআদারাংনা খা·সাআ। ইন্দিবা জংআদারাং, না·সংচা চিংনি মল·মলা ইয়ান না·সংনি ইন্দাকা খা·সাআ জেদাক্কে আরোবা বারিয়া।

2 থিষলনীকীয়রাংনা 3:12

আনচিংনি গিত্তেল যীশু খ্রীষ্টনি হং·এ চিংআ ইন্দাকগিবা মান্দিরাংনা গি·য়েতিংজক আরো স্খিয়েতিংজক, বিসং জেদাক্কে থম·থমে কাম দাক্কে আন·থাংথাংনি চা·আখো আন·থাংথাংআন থারিয়া।

2 থিষলনীকীয়রাংনা 3:6

জংআদারাং, আনচিংনি গিত্তেল যীশু খ্রীষ্টনি বিমুংও চিংআ না·সংনা ইন্দাকে গি·য়েতিংজক-সাবা আলসিয়া দাক্কে রি·ওদে আরো চিংচাখো না·সং জে স্খিয়াখো মান·জক উখো মানিজাওদে, ইন্দাকোদে না·সং বিমুং দা·আ রি·য়াবো।

ফিলীমনা 1:21

না·আ আংনি খাৎথাখো মানিয়ে রা·নুয়া ইখো হা·আইএন আংআ নাং·না ইয়া চিঠিখো চক্কিংআ। আংআ হা·আইয়া, আংআ জেখো আগানা না·আ উনাবাত্তেবা বাং·এ দাকনুয়া।