2 থিষলনীকীয়রাংনা 3:3 - Garo New Testament

³ ইন্দিবা গিত্তেলদে বিবিরা·না খ্রাগিবা হং·আ; বিয়ান না·সংখো খেম·খেম দন্নুয়া আরো শয়তাননি জাকওনি না·সংখো রাক্ষিনুয়া।

2 থিষলনীকীয়রাংনা 3:3 Iomraidhean Croise

মথিনি চকগিবা নাম্মা খাৎথা 5:37

না·সংনি খু·সুকনি ‘হো·এ’ জেদাক্কে ‘হো·এন’ হং·খানা আরো ‘হং·জা’ জেদাক্কে ‘হং·জা’ হং·খানা; ইরাংনা আগ্রে গিম্মিকান শয়তানচানি রি·বাআ।

মথিনি চকগিবা নাম্মা খাৎথা 6:13

চিংখো রুরাওনা দা·আ গাল্লাবো, ইন্দিবা শয়তাননি জাকনিখো চিংখো জক্কেৎবো।

লূকনি চকগিবা নাম্মা খাৎথা 11:4

চিংনি পাপরাংখো ক্ষেমা দাকবো, মুয়ানা জেরাং চিংনি সাক্কাও পাপ দাক্কা চিংআ বিসংখো ক্ষেমা দাক্কা। চিংখো না·আ রুরাও দা·আ গাল্লাবো।’ ”

যোহননা 17:15

না·আ ইয়া হা·গিলসাকনিখো বিসংখো রা·আংবো, ইন্নে আংআ নাং·খো মল·মলজা, ইন্দাকোবা শয়তাননি জাকনিখো বিসংখো রাক্ষিবো।

1ম করিন্থীয়রাংনা 1:9

ইসল বিবিরা·না খ্রাগিবা হং·আ; বিয়ান না·সংখো রিক্কামজক জেদাক্কে বিনি দেফা আনচিংনি গিত্তেল যীশু খ্রীষ্টমুং না·সং নাংরিমে দংআ।

1ম করিন্থীয়রাংনা 10:13

মান্দিনি জাংগিও জে রুরাআ সক্কা উরাংনি আগ্রে না·সংনি জাংগিও দিংথাং রুরাআ সকজা। ইসল বিবিগিবা হং·আ; চাকনা আগ্রেফিল্লে রুরাআ বিয়া না·সংনি সাক্কাও হন·জানুয়া, বাত্তেসা রুরাওনি হং·খাতানি রামাখো ফিন্নিকেতনুয়া জেদাক্কে না·সং চাকনা মা·ন্না।

1 থিষলনীকী 5:24

গিসিক দনবো, জেআন না·সংখো রিক্কামা বিখো ফাংচাকনা মা·ন্না; বিয়া উখো দাকবিবিনুয়ান।

2 তীমথিয় 4:18

গিত্তেল আংখো গিম্মিক নামগিজা কামওনি রাক্ষিনুয়া আরো নাম্মেদাক্কে থম·থমে বিনি সালগিনি সংনকচা রিম্মাংনুয়া। চাসংওনি চাসংওনা ফাংনাজল বিনি রাসং হং·খানা। আমেন।

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।

২ পিতর 2:9

ইরাংওনি ইখো নিকনা মা·ন্না, জেরাং গিত্তেলখো অলাখিয়া বিসংখো বিয়া রুরাওনি জক্কেৎনা হা·আইয়া। ইনাআগ্রেবা জেরাং অলাখিগিবা হং·জা, মংসংদাক্কে জেরাং বিসংনি পাপ-বেওয়ালনি নামগিজা হা·সিকা গিত্তা রি·য়া আরো শাসনখো চন্নিকা বিয়া বিসংনা শাস্তি মান·খানা বিচালনি সালোনা দিপ্পাৎ দন্নাবা হা·আইয়া। ইয়া বু·এ চা·গিবা স্খিগিবারাং নাম্মেন খেনগিজাগিবা হং·আ। বিসং আন·থাংনি হা·সিকা গিত্তা রি·য়া আরো সালগিসাকনি রাসংখো মান·গিবারাংনি সাক্কাও চন্নিকানি খাৎথাখো আগান্না খেনজা;

যিহূদা 1:24

সাকসামাংমাং ইসল জেআন আনচিংনি জক্কেৎগিবা বিয়া না·সংখো জা·গিদত্তা চা·আওনিখো রাক্ষিয়ে খাকখেৎ অবস্থাও আন·থাংনি রাসংনি মিকখাংও হান·সেংআমুং রা·বানা মা·ন্না। চেংওনি জেগিত্তা দংআমিং উগিত্তা দা·আওবা আরো ফাংনাজলনা আনচিংনি গিত্তেল যীশু খ্রীষ্টও ইসলনি রাসং, বিল আরো বিল্লাকা দংখানা। আমেন।