2 থিষলনীকীয়রাংনা 3:2 - Garo New Testament

² আরোবা বি·চাকবো জেদাক্কে চিংআ গিসিকগ্রি আরো নামগিজাগিবা মান্দিরাংনি জাকওনি জক্কাখো মা·ন্না, মুয়ানা গিম্মিক মান্দিনিন বিবিরা·আ দংআ ইন্দাকেদে হং·জা।

2 থিষলনীকীয়রাংনা 3:2 Iomraidhean Croise

মথিনি চকগিবা নাম্মা খাৎথা 17:17

যীশু আগানচাকে ইনজক, “বিবিরা·গিজাগিবা আরো দেংগু মান্দিরাং! আংআ বাসিক না·সংমুং দংনুয়া? বাসিক না·সংখো চাকচিকনুয়া? মি·আসা বি·সাখো ইনো আংচানা রিমবাবো।”

মথিনি চকগিবা নাম্মা খাৎথা 23:23

“হং·সিখানা না·সংনা, শাস্ত্র স্খিগিবারাং আরো ফরীশীরাং, বু·এ চা·গিবারাং! না·সং পুদিনা, গুয়ামুরি আরো জিরানি বাক চিখুংনি বাকসাখো ইসলনা হ·ন্না; ইন্দিবা বিচালখো, খা·সাচাক্কাখো আরো বিবিরা·আখো মোশিনি নিয়ামনি ইয়া নাংবাৎগিবারাংখো না·সং গালজক। স্খাংনিরাংমুং জা·মানরাংখোবা দাক্কান না·সংনা খ্রাআ।

লূকনি চকগিবা নাম্মা খাৎথা 18:8

আংআ না·সংনা আগানিংআ, বিয়া বিসংনা খাকখেৎ বিচালখো দাকনা হারিমজানুয়া। ইন্দিবা মান্দিনি দেফান্থি জেনসালো রি·বানুয়া উনসালো বিয়া হা·গিলসাকো বিবিরা·আখো নিকনা মা·ন্নুয়ামা?”

ওয়াত্তেতারাংনা 13:45

মান্দি জিলমাখো নিক্কে যিহূদীরাং মিকনেংবিজক আরো পৌলনি আগানগিবারাংখো জিজক।

ওয়াত্তেতারাংনা 13:50

ইন্দিবা যিহূদীরাং ইসলখো অলাখিগিবা মিচিকরাংখো আরো সংজিলমানি দাল·গিবা মান্দিরাংখো খা·আওনাংএতজক। ইন্দাকে বিসং পৌল আরো বার্ণবাখো গিচ্চিয়েতি উয়া জওলনিখো বিসংখো হং·খাত্তেতজক।

ওয়াত্তেতারাংনা 14:2

ইন্দিবা বিবিরা·গিজাগিবা যিহূদীরাং গিপ্পিন জাতরাংখো খা·আওনাংএতে বিসংনি গিসিকখো বিবিরা·গিবা জংআদারাংনি সাক্কাও মিকনেংএতজক।

ওয়াত্তেতারাংনা 17:5

ইন্দিবা যিহূদীরাং মিকনেংএ বাজালওনি নামগিজা মান্দিরাংখো থ·ম্মে রা·বাজক আরো সংজিলমাও গোলমাল দাকনা হা·বাচেংজক। জা·মানো পৌল আরো সীলখো সান্দিয়ে হা·ফালও মান্দিরাংচা বিসংখো রিমবানা বিসং যাসোননি নকচানা চাগ্রিমজক,

ওয়াত্তেতারাংনা 25:27

মুয়ানা আংনি চানচিয়া গিত্তাদে বন্দিখো ওয়াত্তেতো বিনি দোসরাংখোবা হা·আইএতনা নাংআ।”

ওয়াত্তেতারাংনা 28:24

বিনি আগানাখো মিত্তামরাং বিবিরা·জক, দা·আবা সাবা সাবা বিবিরা·জাজক।

রোমানরাংনা 10:16

ইন্দিবা গিম্মিকান উয়া নাম্মা খাৎথাখো খিন্নাচাকজা। আগানসোগিবা যিশাইয় আগানজক, “গিত্তেল, চিংনি হন·গিবা নাম্মা খাৎথাখো সা বিবিরা·জক?”

রোমানরাংনা 15:31

না·সং বি·বো, জেদাক্কে যিহূদিয়াও ইসলখো মানিগিজাগিবারাংওনি আংআ জকনা মা·ন্না, আরো যিরূশালেমনি ইসলনি মান্দিরাং জেদাক্কে আংনি ইয়া দাকচাকে হ·ন্নানিখো রা·চাকা।

1ম করিন্থীয়রাংনা 15:32

ইফিষও ব্রিংনি মাৎবুরুংরাংমুং আংআ দাকগ্রিকনা নাংআমিং, উখো হা·গিলসাকনাসান মিকসংএ দাক্কোদে আংনি মুয়া নামগ্মি হং·জক? সিগিবারাংখো থাংচাএতজাএন দংওদে আগানরোংআ খাৎথা গিত্তা, “হাই, আনচিং চা·না-রিংনা, মুয়ানা আম্বুননি সালো আনচিং সিনুয়া।” না·সং দা·আ ব্রাংআবো।

1 থিষলনীকী 2:18

উনি গিম্মিন চিংআ, মংসংদে আংআ পৌল না·সংচা রি·বানা হা·ম্মামিং, ইন্দিবা শয়তান চিংখো ফেং·আমিং।

2 তীমথিয় 4:17

ইন্দিবা গিত্তেল আংমুং দংআমিং আরো আংনা বিলখো হ·ন্নামিং। উনি গিম্মিন আংআ চু·গিম্মিক দাক্কে নাম্মা খাৎথাখো আগানফ্রাকনা মা·ন্নামিং আরো গিপ্পিন জাতরাং গিম্মিকান উখো খিন্নামিং। ইসল আংখো সিংহনি খু·সুকওনিখো জক্কেতামিং।