2 থিষলনীকীয়রাংনা 2:16 - Garo New Testament

^16-17 আনচিংনি গিত্তেল যীশু খ্রীষ্ট আন·থাং আরো আনচিংনি ফাগিবা ইসল না·সংনি খা·থংও খা·দংএতখানা আরো গিম্মিক নাম্মা কামও আরো খাৎথাও না·সংখো খেম·খেম দনখানা। বিয়ান চিংনা খা·সাজক আরো খা·সাচাক্কে বন·চাংগিজা দিদিআখো আরো হান·সেংআ গাপ্পা খা·দংএতাখো হন·জক।

2 থিষলনীকীয়রাংনা 2:16 Iomraidhean Croise

লূকনি চকগিবা নাম্মা খাৎথা 16:25

“ইন্দিবা অব্রাহাম আগানজক, ‘গিসিক রা·এ নিবো, নাং·নি থাংএ দংমিত্তিংও না·আ বাসিক মাহামাহা দাক্কে সালখো রি·য়াংএতজক আরো লাসার বাসিক দুক মান·জক। ইন্দিবা দা·আও ইনো বিয়া থম·থমাখো মা·ন্নিংজক আরো না·আ দুক মা·ন্নিংজক।

যোহননা 13:1

ইরাং ওয়াতচাংআনি সালনা স্খাং হং·আমিং। ইয়া হা·গিলসাকখো ওয়াত্তে ফাগিবাওনা রি·য়াংনা বিনি সাল সকজক ইন্নে যীশু হা·আইনা মান·জকমিং। ইয়া হা·গিলসাকো বিনি আন·থাংনি মান্দিরাংনা বিয়া খা·সামিং আরো বন·খামওনা দিপ্পাৎআন খা·সামিং।

যোহননা 15:13

সাবা রিপ্পেংথাংনি গিম্মিন আন·থাংনি জাংগিখো হন·চাকোদে বিনা বাত্তে বাং·এ খা·সাগিবা সাকসাবা দংজা।

যোহননা 15:9

ফাগিবা জেদাক্কে আংনা খা·সাজক আংআবা উগিত্তান না·সংনা খা·সাজক। আংনি খা·সাওন দংখামবো।

যোহননা 16:22

উয়ানদাক্কে না·সংবা দা·আও দুক মা·ন্নিংজক; ইন্দিবা দা·আবা না·সংমুং আংআ গ্রংনুয়া, আরো উনোন না·সংনি খা·থং খুসি হং·আও গাপনুয়া আরো উয়া খুসি হং·আখো না·সংচাখো দারাংবা রা·সেকজানুয়া।

যোহননা 3:16

“ইসল মান্দিখো ইন্দাকফিল্লে খা·সানি গিম্মিন বিনি সাকসা খাম·খাম দেফান্থিখো হন·জক, জেদাক্কে উয়া দেফান্থিও বিবিরা·গিবা দিমদাকান নামগিজাও গা·আকজা ইন্দিবা ফাংনাজলনি জাংগিখো মা·ন্না।

যোহননা 4:14

ইন্দিবা আংআ জে চিখো হ·ন্নুয়া উখো রিংগিবানিদে মামুং সালোবা রিংনা হা·সিকফিলজানুয়া। উয়া চি বিনি খা·থংও চিমিক হং·এ ফাংনাজলনি জাংগিখো হ·ন্নুয়া।”

ওয়াত্তেতারাংনা 15:11

গিত্তেল যীশুনি খা·সাচাক্কাও বিবিরা·গিবা গিপ্পিন জাতরাং জেদাক্কে পাপওনি জক্কাখো মা·ন্না উয়ানদাক্কে চিংআবা জক্কাখো মান·জক ইন্নে চিংআ বিবিরা·আ।”

ওয়াত্তেতারাংনা 18:27

জা·মানো আপল্লো আখায়াওনা রি·য়াংনা হা·ম্মো ইফিষনি বিবিরা·গিবা জংআদারাং বিখো খা·দংএতজক। আখায়ানি জা·রিকগিবারাং আপল্লোখো রা·চাকখানা ইন্নে ইফিষনি জংআদারাং আখায়াওনা চিঠি চকজক। ইসলনি খা·সাচাক্কাও আখায়াও জেরাং বিবিরা·আমিং আপল্লো বিসংনা নাম্মেন দাকচাকজক।

রোমানরাংনা 1:7

রোম সংজিলমাও জে মান্দিরাংখো ইসল খা·সাজক আরো বিনি আন·থাংনি মান্দি হং·না রিক্কামজক বিসং গিম্মিকচান, আগানস্খাওদে না·সংচান আংআ ইয়া চিঠিখো চক্কিংজক। আনচিংনি ফা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

রোমানরাংনা 4:16

উনি গিম্মিন মান্দিনি বিবিরা·আ গিত্তা ইয়া খু·রাচাক্কাখো চু·সকেতা, জেদাক্কে ইয়া ইসলনি খা·সাচাক্কানি হ·ন্না গিত্তা হং·না মা·ন্না। আরো উনি গিম্মিন অব্রাহামনি দেরিচ্ছু-সু·রিচ্ছু গিম্মিকনান ইয়া খু·রাচাক্কা বিবিন চু·সকনুয়া। নিয়ামনি নিং·আও দংগিবা মান্দিরাংনাসান ইয়া খু·রাচাক্কা চু·সকনুয়া ইন্দাকেদে হং·জা, জে মান্দিরাং অব্রাহামনি বিবিরা·আ গিত্তান বিবিরা·আ বিসংনাবা ইয়া খু·রাচাক্কা বিবিন চু·সকনুয়া।

রোমানরাংনা 4:4

কাম দাক্কে মজুরি মান·গিবাদে হ·ন্নানি হং·জা, উয়াদে মা·ন্নাগিবাসা।

রোমানরাংনা 5:8

ইন্দিবা ইসল আনচিংনা খা·সাআ, উখো খ্রীষ্ট আনচিংনি পাপী দংমিত্তিংওন সিচাকে ফিন্নিকজক।

ইফিষীয়রাংনা 5:2

খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

ইফিষীয়রাংনা 5:25

না·সং জেরাং সেগিবা হং·আ, খ্রীষ্ট জেদাক্কে মন্ডলীনা খা·সামিং আরো উনি গিম্মিন আন·থাংখো হন·চাকামিং উয়ানদাক্কে না·সংবা গিম্মিকান জিকথাংনা খা·সাবো।

কলসীয়রাংনা 1:23

ইনি হা·সেল খ্রীষ্টনি গিম্মিন নাম্মা খাৎথাওনি না·সং জে খা·দংআখো মান·জক উয়োনি চে·ল্লাচা রি·য়াংগিজা বিবিরা·আও না·সং খেম·খেম দংনা নাংনুয়া। উয়া নাম্মা খাৎথাখো হা·গিলসাক গিম্মিকো আগানফ্রাকজক আরো না·সং উখো খিন্নাজক। আংআ পৌল ইয়া নাম্মা খাৎথাখো আগানফ্রাকগিবা হং·জক।

কলসীয়রাংনা 1:5

সালগিচা না·সংনা জেখো চিম্মংজক উখো মা·ন্না খা·দংআওনিন না·সংনি গিসেপো ইয়া বিবিরা·আ আরো খা·সাআ আৎচিজক। জে নাম্মা খাৎথা, আগানস্খাওদে বিবিনি খাৎথা না·সংচা সকজক উয়োন না·সং ইয়া খা·দংআনি খাৎথাখো খিন্নাজক।

1 থিষলনীকী 1:3

বিবিরা·আনি গিম্মিন না·সং জে কামখো দাক্কিংজক, খা·সানি গিম্মিন জেদাক্কে গাম্মিংজক আরো আনচিংনি গিত্তেল যীশু খ্রীষ্টনি সাক্কাও খা·দংআনি গিম্মিন জেদাক্কে চাকচিকিংজক, উখো চিংআ ফাংনান আনচিংনি ফাগিবা আরো ইসলনি মিকখাংও বি·আও গিসিক রা·আ।

1 থিষলনীকী 3:11

আনচিংনি ফাআ আরো ইসল আন·থাং আরো আনচিংনি গিত্তেল যীশু জেদাক্কে না·সংচা রি·য়াংআনি রামাখো থারিয়ে হ·ন্না।

2 থিষলনীকীয়রাংনা 2:13

গিত্তেলনি খা·সাগিবা আংনি জংআদারাং, না·সংনা ফাংনান ইসলখো চিংআ মিৎথেলনা নাংআ, মুয়ানা পাপওনি জকনা ইসল স্খাংওনিন না·সংখো বাচ্ছিয়ে রা·জক। গিসিক রংথালগিবাচা ইসলনি গিম্মিন না·সংখো দিংথাং দাক্কে দন্নাও আরো নাম্মা খাৎথানি বিবিও না·সংনি বিবিরা·আও না·সং পাপওনি জক্কাখো মান·জক।

তীতনা 1:2

ফাংনাজলনি জাংগিখো মা·ন্না খা·দংএ আংআ খ্রীষ্টনা দাকচাকে রি·য়াংইংজক। হা·গিলসাক হং·না স্খাংআন ইসল, জেআন বু·আখো আগানজা, বিয়া ইয়া জাংগিখো র·ন্না খু·রাচাক্কামিং।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

1 যোহন 3:16

খ্রীষ্ট আনচিংনা আন·থাংনি জাংগিখো হন·চাকামিং, উনি গিম্মিন খা·সাআ মুয়া উখো আনচিং হা·আইনা মান·জক। ইন্দাকোদে আনচিংবা জংআদারাংনা আন·থাংনি জাংগিখো হন·চাকনা নাংআ।

ফারাকগিবা খাৎথা 22:5

ওয়াল দংজানাজক আরো বিসংনি চাক্কিনি বা সালনি সেং·আ নাংজানাজক, মুয়ানা গিত্তেল ইসল আন·থাংআন বিসংনি সেং·আ হং·নুয়া। বিসং জ্রিংজ্রৎনা শাসন দাকনুয়া।

ফারাকগিবা খাৎথা 3:9

জেরাং আন·থাংখো যিহূদী ইন্নে আগানা ইন্দিবা যিহূদী হং·জা, শয়তাননি দলনি উয়া বু·এ চা·গিবা মান্দিরাংখো আংআ নাং·চা রিমবানুয়া আরো নাং·নি জা·চকও সালাম দাক্কেতনুয়া, আরো বিসংখো হা·আইএতনুয়া, আংআ নাং·না খা·সাআ।