2 থিষলনীকীয়রাংনা 2:13 - Garo New Testament

¹³ গিত্তেলনি খা·সাগিবা আংনি জংআদারাং, না·সংনা ফাংনান ইসলখো চিংআ মিৎথেলনা নাংআ, মুয়ানা পাপওনি জকনা ইসল স্খাংওনিন না·সংখো বাচ্ছিয়ে রা·জক। গিসিক রংথালগিবাচা ইসলনি গিম্মিন না·সংখো দিংথাং দাক্কে দন্নাও আরো নাম্মা খাৎথানি বিবিও না·সংনি বিবিরা·আও না·সং পাপওনি জক্কাখো মান·জক।

2 থিষলনীকীয়রাংনা 2:13 Iomraidhean Croise

যোহননা 1:1

চেংওন খাৎথা দংআমিং, খাৎথা ইসলমুং দংআমিং আরো খাৎথা আন·থাংআন ইসলমিং।

যোহননা 14:6

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

ওয়াত্তেতারাংনা 13:48

গিপ্পিন জাতরাং ইখো খিন্নাএ খুসি হং·জক আরো গিত্তেলনি খাৎথানি গিম্মিন রাসং দাকজক; আরো ফাংনাজলনি জাংগিখো মা·ন্না ইসল জেরাংখো বাচ্ছিয়ামিং বিসং বিবিরা·জক।

ওয়াত্তেতারাংনা 15:9

বিয়া আনচিংনি আরো বিসংনি গিসেপো দিংথাংগ্রিকানি মামুংখো দনজাজক, মুয়ানা বিসংনি বিবিরা·আনি গিম্মিন বিয়া বিসংনি খা·থংখোবা থাল্লেতজক।

রোমানরাংনা 6:17

ইন্দিবা ইসলখো মিৎথেলনা, মুয়ানা না·সং পাপনি নকখল হং·আমিং ইন্দাকোবা জেখো না·সংনা স্খিজক খা·থং গিম্মিকচা না·সং উখো মানিজক।

রোমানরাংনা 8:33

ইসল জেরাংখো বাচ্ছিয়ে রা·জক বিসংখো সা নালিশ দাকনুয়া? ইসল আন·থাংআন বিসংখো দোসগ্রি ইন্নে রা·চাকজক।

রোমানরাংনা 9:11

আনচিংনি ফাগিৎচাম ইস্‌হাকান উয়া মি·আসা। উয়া বি·সা সাকগ্মিনি আৎচিয়ানি স্খাং জেনসালো বিসং নাম্মা নামজা মামুংখোন দাকখুজা ইসল উনোন রিবিকাখো আগানামিং, “দাল·গিবা চনগিবানি নকখল হং·নুয়া।” ইচা ইসল ফিন্নিকামিং, আন·থাংনি মিকসংআখো চু·সকেৎনা বিয়ান বাচ্ছিয়ে রা·আ; মামুং কামনি হা·সেল বিয়া উখো দাকজা বাত্তেসা বিনি হা·সিকা গিত্তান বিয়া মান্দিখো রিক্কামা।

1ম করিন্থীয়রাংনা 1:21

ইসল বিনি আন·থাংনি হা·আইয়াও থিক দাকজক ইন্নেন হা·গিলসাক বিনি আন·থাংনি হা·আইয়াচা ইসলখো হা·আইনা মান·জা। ইনি গিম্মিন নাম্মা খাৎথানি গক্কাচা পাপওনি বিবিরা·গিবারাংখো জক্কেতাখো ইসল নাম্মা ইন্নে চানচিজক।

গালাতীয়রাংনা 3:1

ও হা·আইচাকগিজা গালাতীয়রাং! সা না·সংখো যাদু মনতল দাকজক? যীশু খ্রীষ্টখো চিসলো দাৎখাপামিং ইখো না·সংচা নাম্মেদাক্কেন আগানফ্রাকজক।

ইফিষীয়রাংনা 2:8

ইসলনি খা·সাচাক্কাও বিবিরা·আচা না·সং পাপওনি জক্কাখো মান·জক। না·সং আন·থাংচাদে ইয়া হং·জা, উয়া ইসলনিন র·ন্নানি হং·আ।

কলসীয়রাংনা 1:5

সালগিচা না·সংনা জেখো চিম্মংজক উখো মা·ন্না খা·দংআওনিন না·সংনি গিসেপো ইয়া বিবিরা·আ আরো খা·সাআ আৎচিজক। জে নাম্মা খাৎথা, আগানস্খাওদে বিবিনি খাৎথা না·সংচা সকজক উয়োন না·সং ইয়া খা·দংআনি খাৎথাখো খিন্নাজক।

কলসীয়রাংনা 3:12

ইনি গিম্মিন ইসল জেরাংখো বাচ্ছিয়ে আন·থাংনা দিংথাং দাক্কে দনজক বিনি উয়া খা·সাগিবা মান্দি হং·এ না·সং নামনিকাচা, খা·সাচাক্কাচা, রিন্নকাচা, রিন্নকগিবা গিসিকচা আরো চাকচিকাচা আন·থাংথাংখো থারিবো।

1 থিষলনীকী 1:4

ইসলনি খা·সাগিবা আংনি জংআদারাং, চিংআ হা·আইয়া বিয়ান না·সংখো বাচ্ছিয়ে রা·জক,

1 থিষলনীকী 4:7

মুয়ানা ইসল রংথালগিজা দাক্কে রি·না ইন্নে আনচিংখো রিক্কামজা, রংথালে রি·না ইন্নেন রিক্কামজক।

1 থিষলনীকী 5:9

শাস্তি মা·ন্নাদে হং·জা বাত্তেসা আনচিংনি গিত্তেল যীশু খ্রীষ্টও জকনা ইন্নেন ইসল আনচিংখো থিক দাক্কে দনজক।

2 থিষলনীকীয়রাংনা 1:3

জংআদারাং, না·সংনা সালাজ্রিংআন ইসলখো চিংনি মিৎথেলনা নাংআ। না·সংনি বিবিরা·আ নাম্মেন বাং·ইংজক আরো না·সং সাকসা সাকগিপ্পিননি সাক্কাও খা·সাআ গাপসুয়াকিংজক ইন্নেন চিংনি উয়া মিৎথেলাখো হ·ন্না খ্রাআ।

2 থিষলনীকীয়রাংনা 2:10

আরো ব·ন্নানি রামাও রি·গিবা মান্দিরাংখো থগিয়েতনা দাকমিকানি গিসেপো। ইয়া মান্দিরাং ব·ন্নাংনুয়া, মুয়ানা পাপওনি জকনা বিসং বিবিখো নামনিকজাজক আরো উখো বিবিবারা·জাজক।

2 থিষলনীকীয়রাংনা 2:12

ইনি গিম্মিন জেরাং বিবিও বিবিরা·গিজা খ্রাগিজা কামও হান·সেংআখো মান·জক বিসং গিম্মিকখো বিচালও দোসগ্মাং ইন্নে রিম·নুয়া।

2 থিষলনীকীয়রাংনা 2:16

আনচিংনি গিত্তেল যীশু খ্রীষ্ট আন·থাং আরো আনচিংনি ফাগিবা ইসল না·সংনি খা·থংও খা·দংএতখানা আরো গিম্মিক নাম্মা কামও আরো খাৎথাও না·সংখো খেম·খেম দনখানা। বিয়ান চিংনা খা·সাজক আরো খা·সাচাক্কে বন·চাংগিজা দিদিআখো আরো হান·সেংআ গাপ্পা খা·দংএতাখো হন·জক।

2 তীমথিয় 1:9

ইসলান আনচিংখো পাপওনি জক্কেৎজক আরো রংথালে জাংগি থাংএতনা রিক্কামজক। আনচিংনি মামুং কামনি হা·সেল বিয়া ইখো দাকজা, বাত্তেসা বিনি মিকসংআ আরো খা·সাচাক্কানি গিম্মিনোন দাকজক। হা·গিলসাক হং·চেংনা স্খাং খ্রীষ্ট যীশুও বিয়া বিনি খা·সাচাক্কাখো আনচিংনা হ·ন্নামিং,

2 তীমথিয় 2:15

জেনি সাক্কাও ইসল খুসি হং·আ, আগানস্খাওদে জেনি খ্রাচা·আ মা·ন্নানি মামুং হা·সেল দংজা উয়ানদাক্কা কামনি মান্দি গিত্তা আরো জেআন খাকখেৎ দাক্কে বিবিনি খাৎথাখো স্খিয়া উয়া মান্দি গিত্তা আন·থাংখো ইসলনি মিকখাংও দন্না হাম·বো।

2 তীমথিয় 3:15

বি·সাওনি না·আ রংথালগিবা শাস্ত্রনিখো স্নিংআ। আরো ইয়া রংথালগিবা শাস্ত্রন নাং·খো খ্রীষ্ট যীশুখো বিবিরা·আচা পাপওনি জক্কেতাখো মা·ন্নানি হা·আইয়াখো হ·ন্না মা·ন্না।

ইব্রীয়রাংনা 1:10

ইসল আরোবা আগানজক, “গিত্তেল, না·আ স্খাংওনিন হা·গিলসাকনি ফাংচাকানিখো রিক্কামিং; সিলগাবা নাং·নি জাক্কো থারিয়া হং·আ।

যাকোব 1:18

বিনি আন·থাংনি হা·সিকাচা বিবিনি খাৎথা গিত্তা বিয়া আনচিংখো বিনি দেদ্রাং থারিজক, জেদাক্কে আনচিং বিনি থারিগিবা বস্তুরাংনি গিসেপো স্খাং নাংগিবা বিথি গিত্তা হং·না মা·ন্না।

1 যোহন 4:10

আনচিং ইসলনা খা·সামিং ইন্দাকে হং·জা, ইন্দিবা বিয়া আনচিংনা খা·সাএ বিনি দেফান্থিখো ওয়াত্তেতামিং, জেদাক্কে দেফান্থি বিনি আন·থাংনি জাংগিখো হন·চাকাচা আনচিংনি পাপখো হা·রিকেতি ইসলখো খুসি দাক্কা। ইয়ান হং·জক খা·সা।

1 যোহন 4:19

বিয়া আনচিংখো স্খাং খা·সামিং ইন্নেন আনচিং খা·সা।