2 থিষলনীকীয়রাংনা 1:7 - Garo New Testament

^7-8 আরো না·সং জেরাং দুক মা·ন্নিংজক বিয়া চিংমুং না·সংখোবা দুকওনি জক্কেৎনুয়া। জেনসালো গিত্তেল যীশু বিনি বিল্লাকগিবা সা·গ্রেরাংখো রা·এ চিং·গিবা ওয়া·আলনি গিসেপো সালগিওনি ফারাকনুয়া উনোন ইরাং হং·নুয়া। জেরাং ইসলখো হা·আইজা আরো জেরাং গিত্তেল যীশুনি গিম্মিন নাম্মা খাৎথাখো মানিয়ে রি·জা বিসংনা উনো বিয়া শাস্তি হ·ন্নুয়া।

2 থিষলনীকীয়রাংনা 1:7 Iomraidhean Croise

মথিনি চকগিবা নাম্মা খাৎথা 16:27

মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া।

মথিনি চকগিবা নাম্মা খাৎথা 16:28

আংআ না·সংনা বিবিন আগানিংআ, মান্দিনি দেফান্থিনি রাজা হং·এ রি·বাখো নিকখুজানা দিপ্পাৎ ইনো দংগিবারাংওনি মিত্তামরাং সিখুজানুয়া।”

মথিনি চকগিবা নাম্মা খাৎথা 25:31

“জেনসালো মান্দিনি দেফান্থি গিম্মিক সা·গ্রেরাংখো রা·এ আন·থাংনি রাসংও রি·বানুয়া উনসালো রাজা হং·এ আন·থাংনি রাসংনি সিংহাসনও আসংনুয়া।

মথিনি চকগিবা নাম্মা খাৎথা 25:41

“জা·মানো বিয়া জাক্কাসিচা দংগিবা মান্দিরাংনা আগান্নুয়া, ‘ও শাপ মান·গিবা মান্দিরাং, আংচানি না·সং রি·য়াংবো। শয়তান আরো উনি সা·গ্রেরাংনা দাকসোআ ফাংনাজলনি ওয়া·আলোনা রি·য়াংবো।

মথিনি চকগিবা নাম্মা খাৎথা 26:64

উনো যীশু বিনা আগানজক, “হো·এ, না·আ খাকখেৎখোন আগানজক। ইন্দাকোবা আংআ না·সংনা ইখোবা আগানিংআ, ইনি জা·মানো না·সং মান্দিনি দেফান্থিখো বিল্লাকবাৎগিবা ইসলনি জাক্রাচা আসংআখো নিকনা মা·ন্নুয়া আরো গাদিলাও দাক্কে রি·বাখো নিকনুয়া।”

মার্ক 14:62

যীশু আগানজক, ‘‘আংআন উয়া। না·সং বিল্লাকবাৎগিবা ইসলনি জাক্রাচা মান্দিনি দেফান্থিখো আসংএ দংআখো নিকনুয়া আরো সিলগানি গাদিলাও দাক্কে রি·বাখো নিকনা মা·ন্নুয়া।’’

মার্ক 8:38

ইয়া চাসংনি বিবিরা·গিজাগিবা আরো পাপী মান্দিরাংনি গিসেপো সাবা আংনি গিম্মিন আরো আংনি খাৎথারাংনি গিম্মিন খ্রাচা·আওদে ইন্দিদে মান্দিনি দেফান্থিবা জেনসালো রংথালগিবা সা·গ্রেরাংমুং বিনি ফানি রাসংও রি·বানুয়া, উনো বিয়াবা উয়া মান্দিনা খ্রাচা·নুয়া।’’

লূকনি চকগিবা নাম্মা খাৎথা 16:25

“ইন্দিবা অব্রাহাম আগানজক, ‘গিসিক রা·এ নিবো, নাং·নি থাংএ দংমিত্তিংও না·আ বাসিক মাহামাহা দাক্কে সালখো রি·য়াংএতজক আরো লাসার বাসিক দুক মান·জক। ইন্দিবা দা·আও ইনো বিয়া থম·থমাখো মা·ন্নিংজক আরো না·আ দুক মা·ন্নিংজক।

লূকনি চকগিবা নাম্মা খাৎথা 17:30

জেনসালো মান্দিনি দেফান্থি ফারাকনুয়া উনসালো ইন্দাকেন হং·নুয়া।

যোহননা 1:3

উয়া খাৎথাচা গিম্মিকখো দাক্কা হং·আমিং, আরো দাকগিবারাংনি গিসেপো মিংসাবা বিনি আগ্রে হং·জা।

যোহননা 1:51

জা·মানো যীশু আগানজক, “আংআ না·সংনা বিবিন আগানিংআ, না·সং সালগিখো ফ্রাকাখো নিকনুয়া, আরো ইসলনি সা·গ্রেরাংখো মান্দিনি দেফান্থিওনি চাখাতাখো আরো বিচানা হং·ওনবাখো নিকনুয়া।”

ওয়াত্তেতারাংনা 1:11

“গালীলনি মান্দিরাং, ইনো চাদেংএ সিলগাচানা মুয়ানা নিএ দংআ? না·সংওনি জেখো রা·দোআংজক উয়া যীশুখো জেদাক্কে না·সং সালগিচানা রি·য়াংআখো নিকজক উয়ানদাক্কেন বিয়া রি·বাফিলনুয়া।”

ওয়াত্তেতারাংনা 3:19

ইনি গিম্মিন না·সং পাপওনি গিসিকখো ফি·ল্লেতি ইসলচানা ফিল·বো জেদাক্কে না·সংনি পাপরাংখো রিপ্পাকে গাল্লা;

রোমানরাংনা 8:17

আনচিং দেদ্রাং হং·এ দংওদে ইসল বিনি দেদ্রাংনা জেখো হ·ন্না খু·রাচাকজক আনচিং উখো মা·ন্নুয়া। খ্রীষ্টন ইসলচাখো উখো মা·ন্নুয়া আরো আনচিংবা বিমুং উখো মা·ন্নুয়া, মুয়ানা আনচিং খ্রীষ্টমুং দুক চাক্কোদে বিমুং রাসংখোবা মা·ন্নুয়া।

1ম করিন্থীয়রাংনা 3:13

ইন্দিদে সা বাদিকে কাম দাকজক উখো নাম্মে থাল্লে নিনা মা·ন্নুয়া। বিচালনি সালোন উয়া ফারাকনুয়া, মুয়ানা উয়া সালনি ফারাকা ওয়া·আলচান হং·নুয়া। সানি কাম বাদাকা উখো ওয়া·আলান পরীক্ষা দাক্কে নিনুয়া।

2য় করিন্থীয়রাংনা 4:17

দা·আও চিংআ বাং·গিজা সালনা অকখিসা মা·মাং জে দুকখো চাক্কিংজক উনি হা·সেল চিংআ ফাংনাজলনি রাসংখো মা·ন্নুয়া। ইয়া রাসং ইন্দাকেন বাং·আ জেখো থোনা মান·জা।

ইফিষীয়রাংনা 1:2

আনচিংনি ফাগিবা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো রন·খানা।

কলসীয়রাংনা 1:16

মুয়ানা সিলগাও আরো হা·গিলসাকো, জেখো নিক্কা আরো জেখো নিকজা, গিম্মিক বিনি জাকচা থারিয়া হং·জক। সালগিসাকো জেরাংনি জাক্কো সংনকখো মান·রিকা, গিত্তেল দাক্কা, শাসন আরো বিল দংআ বিসং গিম্মিকখো বিনি জাকচা বিনি গিম্মিনান থারিয়া হং·জক।

1 থিষলনীকী 3:13

ইন্দাকোদে বিয়া না·সংনি খা·থংখো খেম·খেমেতনুয়া, জেদাক্কে আনচিংনি গিত্তেল যীশু জেনসালো বিনি গিম্মিক মান্দিরাংখো রিমবাফানুয়া উনো আনচিংনি ফাআ আরো ইসলনি মিকখাংও না·সং খাকখেৎ আরো রংথালবো।

2 তীমথিয় 2:12

আনচিং চাকচিকে চাক্কোদে, বিমুং শাসন দাকফানুয়া। বিখো আনচিং জিচাকোদে, বিয়াবা আনচিংখো জিচাকনুয়া।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

ইব্রীয়রাংনা 10:27

বিচালনা নাম্মেন খেন্নে সেংসোআনি দংআ আরো ইসলনি বোবিলরাংখো হা·দুবু দাক্কে গালনা গিত্তা ওয়া·আল দংআ।

ইব্রীয়রাংনা 12:29

আনচিংনি ইসল বন·খামেতগিবা ওয়া·আল গিত্তা হং·আ।

ইব্রীয়রাংনা 4:1

ইসলনি হন·গিবা নেং·থাকানি হা·দামচা রি·য়াংনা জেখো খু·রাচাক্কামিং উয়া খু·রাচাক্কা আনচিংনাবা খ্রাআ। উনি গিম্মিন আনচিংনি সিমসাকনা নাংনুয়া, জেদাক্কে সাকসাখোবা উয়া খু·রাচাকগিবা ফাত্তিয়ানি খ্রাগিজাগিবা দাক্কে নিকনা মান·জা।

ইব্রীয়রাংনা 4:11

ইনি গিম্মিন হাই, আনচিং উয়া নেং·থাকাখো মা·ন্না মংসংএ খা·দংনা। দারাংবা জেদাক্কে উয়া বামগিজাগিবা ইস্রায়েলরাং গিত্তা ইসলখো মানিগিজা বিনি হন·গিবা নেং·থাকাওনি ওয়াতগালাখো মান·জা।

ইব্রীয়রাংনা 4:9

ইন্দাকোদে নিকনা মা·ন্না, ইসলনি মান্দিরাংনা নেং·থাকানি চল দংআ,

ইব্রীয়রাংনা 9:28

উয়ানদাক্কেন বাং·আ মান্দিনি পাপনি বোজাখো রিপ্পিনা খ্রীষ্টখোবা রাং·সাসান বলি হন·জক। বিয়া দা·আও রাং·সা রি·বানুয়া, ইন্দিবা উনো পাপনা সিনা রি·বাজানুয়া, বাত্তেসা জেরাং বিনা নিচাকসোএ দংআ বিসংখো চু·গিম্মিক দাক্কে জক্কেৎনা রি·বানুয়া।

পিতর 3:22

যীশু সালগিচা রি·য়াংজক আরো দা·আও ইসলনি জাক্রাচা আসংএ দংআ, আরো সালগিসাকনি সা·গ্রেরাং, বিলখো মান·রিকগিবারাং আরো শাসন দাকগিবারাং বিনি নিং·আও দংআ।

২ পিতর 3:7

আরো ইসলনি উয়া আপসান খাৎথাচান দা·আওনি সালগিসাক আরো হা·গিলসাকখো ওয়া·আলো সো·এ গালনা দনজক; ইসলনা খা·ফাকগিজা মান্দিরাংনি বিচাল আরো ব·ন্নাংআনি সালনা সক্কে উখো রাক্ষিয়া হং·ইংজক।

যিহূদা 1:7

সদোম, ঘমোরা আরো উরাংনি সেফাংরাংনি গিম্মিক সংজিলমানি মান্দিরাংবা বিসং গিত্তান থি·ল্লেকা, আরোবা, হং·গিজা দাক্কে থি·ল্লেকামিং। জেরাং ফাংনাজলনি ওয়া·আলো খাম্মানি শাস্তিখো মা·ন্নুয়া বিসং বিসংনিন নমুনা হং·এ দংআ।

ফারাকগিবা খাৎথা 1:7

নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।

ফারাকগিবা খাৎথা 14:10

ইন্দাকোদে বিখো ইসলনি খা·আও নাংআনি চুখো রিংনা নাংনুয়া। ইয়া চুমিং চিখো ব্রিনগিজা ইসলনি খা·আও নাংআনি রিংচাক্রাও রুদাপজক। রংথালগিবা সা·গ্রেরাংনি আরো মেষ বি·সানি মিকখাংও ওয়া·আল আরো গন্ধকচা উয়া মান্দিখো সা·খাম্মেতনুয়া।

ফারাকগিবা খাৎথা 14:13

জা·মানো আংআ সাকসাখো সালগিওনি আগানাখো খিন্নাজক, “ইয়া খাৎথাখো লিক্ষিবো-দা·আওনি জেরাং গিত্তেলমিং নাংরিমে সিনুয়া বিসং ফাত্তিয়াখো মান·গিবা হং·আ।” গিসিক রংথালগিবা ইয়া খাৎথাখো আগানিংআ, “হো·এ বিসং ফাত্তিয়াখো মান·গিবা হং·আ। বিসংনি কামওনি বিসং নেং·থাকাখো মান·নুয়া, মুয়ানা বিসংনি কামনি বিথি বিসংমিং দংনুয়া।”

ফারাকগিবা খাৎথা 20:11

জা·মানো আংআ গি·সা দাল·বিয়া গিব্বক সিংহাসন আরো উনি সাক্কাও সাকসাখো আসংএ দংআখো নিকজক। উনি মিকখাংওনি হা·গিলসাক আরো সিলগা গিম্মাজক, বিসংনি হা·দাম আর মামিংচাবা দংজাজক।

ফারাকগিবা খাৎথা 21:4

বিয়া বিসংনি মিকচিখো রিপ্পাকে হন·নুয়া। সিজানাজক; দুক, গ্রাপা আরো সা·দিকা আর দংজানাজক, মুয়ানা স্খাংনি গিম্মিক বন·জক।”

ফারাকগিবা খাৎথা 22:16

“আংআ যীশু আংনি সা·গ্রেখো ওয়াত্তেতজক জেদাক্কে বিয়া না·সংচা মন্ডলীরাংনা ইরাংনি বিদিংও সাক্ষি হন·না মান·না। আংআ দায়দনি জা·দিল আরো মা·চং, ফ্রিংনি চিং·গিবা আস্কি হং·আ।”

ফারাকগিবা খাৎথা 22:6

জা·মানো উয়া সা·গ্রে আংনা আগানজক, “ইয়া খাৎথারাং বিবিরা·না খ্রাগিবা আরো বিবি হং·আ। গিত্তেল ইসল, জেআন আগানসোগিবারাংনি গিসেপো খাৎথা আগানামিং বিয়া বিনি সা·গ্রেখো ওয়াত্তেতজক, জেদাক্কে মিত্তাম সালনি গিসেপো জেরাং হং·না রি·য়াংইংজক উখো উয়া সা·গ্রে বিনি নকখলরাংনা ফিন্নিকনা মান·না।”

ফারাকগিবা খাৎথা 22:9

ইন্দিবা বিয়া আংনা আগানজক, “দনবো, আংআ নাং·নি আরো নাং·নি বিবিরা·গিবা জংআদারাংনি, আগানস্খাওদে আগানসোগিবারাংনি আরো জেরাং ইয়া খি·তাপনি গিম্মিক খাৎথাখো মানিয়া বিসংমিং নকখল হং·ফা। ইসলখোন অলাখিবো।”

ফারাকগিবা খাৎথা 6:11

উনো বিসং গিম্মিকনা গি·ফ্রাক দাক্কে গিব্বক চলাখো হন·জক আরো আগানজক, বিসংমুং রিম·ফাগিবা আরো জংআদারাং, জেরাংখো বিসং গিত্তান দাক্কে স·ওতে গাল্লা হং·নুয়া বিসং চু·সকগিজা দিপ্পাৎদে বিসং জেদাক্কে আরোবা অকখিসা সময় সেংসোখুয়া।