২ পিতর 3:7 - Garo New Testament

⁷ আরো ইসলনি উয়া আপসান খাৎথাচান দা·আওনি সালগিসাক আরো হা·গিলসাকখো ওয়া·আলো সো·এ গালনা দনজক; ইসলনা খা·ফাকগিজা মান্দিরাংনি বিচাল আরো ব·ন্নাংআনি সালনা সক্কে উখো রাক্ষিয়া হং·ইংজক।

২ পিতর 3:7 Iomraidhean Croise

মথিনি চকগিবা নাম্মা খাৎথা 10:15

আংআ না·সংনা বিবিন আগানিংআ, বিচালনি সালো উয়া সংনা বাত্তে সদোম আরো ঘমোরা সংজিলমান বাং·খালে চাকথআনি হং·নুয়া।

মথিনি চকগিবা নাম্মা খাৎথা 11:22

আংআ না·সংনা বিবিন আগানিংআ, বিচালনি সালো না·সংনা বাত্তে সোর আরো সীদোননি অবস্থা চাকবাত্তানি হং·নুয়া।

মথিনি চকগিবা নাম্মা খাৎথা 11:24

আংআ না·সংনা বিবিন আগানিংআ, বিচালনি সালো না·সংনা বাত্তে সদোমনি অবস্থা চাকথবাত্তানি হং·নুয়া।’’

মথিনি চকগিবা নাম্মা খাৎথা 12:36

ইন্দিবা আংআ না·সংনা আগানিংআ, মান্দিরাং জে নামগিজা খাৎথারাংখো আগানা, বিচালনি সালো বিসংনি মিংফ্রাকফ্রাক খাৎথানি গিম্মিন হিসাব হ·ন্না নাংনুয়া।

মথিনি চকগিবা নাম্মা খাৎথা 24:35

সিলগা আরো হা·গিলসাক ব·ন্নাংনুয়া, ইন্দিবা আংনি খাৎথারাং ফাংনাজলনা দংনুয়া।

মথিনি চকগিবা নাম্মা খাৎথা 25:41

“জা·মানো বিয়া জাক্কাসিচা দংগিবা মান্দিরাংনা আগান্নুয়া, ‘ও শাপ মান·গিবা মান্দিরাং, আংচানি না·সং রি·য়াংবো। শয়তান আরো উনি সা·গ্রেরাংনা দাকসোআ ফাংনাজলনি ওয়া·আলোনা রি·য়াংবো।

মার্ক 6:11

বাগিবাবা সংনি মান্দিরাং না·সংখো রা·চাকসোজাওদে আরো না·সংনি খাৎথাখো খিন্নাচাকজাওদে, উনোদে উয়া সংখো ওয়াত্তে রি·য়াংমিত্তিংওন বিসংনা সাক্ষি হং·না গিত্তা আন·থাংথাংনি জা·ফানি হা·দুলাখো দকফ্রংবো।’’

যোহননা 12:48

আংখো জেগালগিবা আরো আংনি খাৎথাখো খিন্নাচাকগিজাগিবানা বিচাল দাকগিবা দংআ। জে খাৎথাখো আংআ আগানজক উয়া খাৎথান বন·চতানি সালো বিখো দোসগ্মাং ইন্নে ফিন্নিকনুয়া;

রোমানরাংনা 2:5

ইন্দিবা নাং·নি খা·থং রাক্কা; না·আদে পাপওনি গিসিক ফিল·না হাম·জা। উনি গিম্মিন ইসলনি খা·আওনাংআ জেনসালো ফারাকনুয়া উয়া সালনা না·আ নাং·নি মা·ন্নাগিবা শাস্তিখো চিম্মংএ দন্নিংজক। উনি সালোন ইসলনি খাকখেৎ বিচাল ফারাকনুয়া।

1ম করিন্থীয়রাংনা 3:13

ইন্দিদে সা বাদিকে কাম দাকজক উখো নাম্মে থাল্লে নিনা মা·ন্নুয়া। বিচালনি সালোন উয়া ফারাকনুয়া, মুয়ানা উয়া সালনি ফারাকা ওয়া·আলচান হং·নুয়া। সানি কাম বাদাকা উখো ওয়া·আলান পরীক্ষা দাক্কে নিনুয়া।

ফিলিপীয়রাংনা 1:28

জেরাং না·সংনি বোবিল দাক্কে দংআ বিসংনি মামুংনা না·সং দা·আ খেন্নাবো। ইয়োন নিকনা মা·ন্নুয়া, বিসং ব·ন্নাংইংজক আরো না·সং জক্কাখো মা·ন্না রি·য়াংইংজক; আরো ইয়া জক্কা ইসলচানিন রি·বাআ।

2 থিষলনীকীয়রাংনা 2:3

জেদাক্কে দারাংবা না·সংখো ব্রাংগিবা রামাচানা রা·আংজা, মুয়ানা উয়া সাল রি·বানা স্খাং ইসলনি সাক্কাও বিল্লংএ বোবিল দাক্কে চাখাতানি হং·নুয়া, আরো উয়া বামগিজাগিবা মি·আসা, জেনি ব·ন্নানি খাৎথা দংআ, বিয়া ফারাকনুয়া।

1 তীমথিয় 6:9

ইন্দিবা জেরাং মা·ন্নে চা·গিবা হং·না হা·ম্মা বিসং বাং·আ রুরাও আরো জা·গাও গা·আকা, আরো ইন্দাকা নামগিজাস্রাং হা·সিকা বিসংনি হং·আ জেরাং মান্দিখো ব·ন্নেতাও আরো হং·সিয়াও গাল্লেতা।

ইব্রীয়রাংনা 12:29

আনচিংনি ইসল বন·খামেতগিবা ওয়া·আল গিত্তা হং·আ।

২ পিতর 2:9

ইরাংওনি ইখো নিকনা মা·ন্না, জেরাং গিত্তেলখো অলাখিয়া বিসংখো বিয়া রুরাওনি জক্কেৎনা হা·আইয়া। ইনাআগ্রেবা জেরাং অলাখিগিবা হং·জা, মংসংদাক্কে জেরাং বিসংনি পাপ-বেওয়ালনি নামগিজা হা·সিকা গিত্তা রি·য়া আরো শাসনখো চন্নিকা বিয়া বিসংনা শাস্তি মান·খানা বিচালনি সালোনা দিপ্পাৎ দন্নাবা হা·আইয়া। ইয়া বু·এ চা·গিবা স্খিগিবারাং নাম্মেন খেনগিজাগিবা হং·আ। বিসং আন·থাংনি হা·সিকা গিত্তা রি·য়া আরো সালগিসাকনি রাসংখো মান·গিবারাংনি সাক্কাও চন্নিকানি খাৎথাখো আগান্না খেনজা;

২ পিতর 3:10

ইন্দিবা গিত্তেলনি সাল চা·খক গিত্তা সকবানুয়া। উনি সালো সালগিসাক ব·ন্নাংনুয়া আরো জাজং-সাল-আস্কি গিম্মিকান খাম্মে ব·ন্নাংনুয়া। হা·গিলসাক আরো উনি গিসেপো জেরাং দংআ উয়া গিম্মিকান খাম্মাংনুয়া।

1 যোহন 4:17

ইন্দাকেন খা·সা আনচিংনি খা·থংও চু·সকা, জেদাক্কে বিচালনি সালো আনচিং খা·সোকা, মুয়ানা ইয়া হা·গিলসাকো আনচিংনি জাংগি বিনিন জাংগি গিত্তা হং·আ।

যিহূদা 1:7

সদোম, ঘমোরা আরো উরাংনি সেফাংরাংনি গিম্মিক সংজিলমানি মান্দিরাংবা বিসং গিত্তান থি·ল্লেকা, আরোবা, হং·গিজা দাক্কে থি·ল্লেকামিং। জেরাং ফাংনাজলনি ওয়া·আলো খাম্মানি শাস্তিখো মা·ন্নুয়া বিসং বিসংনিন নমুনা হং·এ দংআ।

ফারাকগিবা খাৎথা 17:11

জে মাৎবুরুং স্খাংও দংআমিং ইন্দিবা দা·আওদে দংজা বিয়া উয়া দৎস্নিওনি সাকসা হং·ওবা বিয়া চেৎগিবা রাজা; বিয়া জ্রিংজ্রৎনা দিপ্পাৎ শাসিখো মান·নুয়া।

ফারাকগিবা খাৎথা 17:8

জে মাৎবুরুংখো না·আ নিক্কামিং উয়া চেংও দংআমিং ইন্দিবা দা·আও দংজা। জা·মানো বিয়া উয়া থিং·নাপগিবা হা·খলওনি চাখাতে রি·বাএ জ্রিংজ্রৎনা দিপ্পাৎ শাসিখো মান·নুয়া। উনো জেরাং ইয়া হা·গিলসাকনি হং·আ, আগানস্খাওদে হা·গিলসাক হং·চেংআনি সালওনি জেরাংনি বিমিং জাংগিনি খি·তাপও লিক্ষিয়া দংজা বিসং উয়া মাৎবুরুংখো নিক্কে আইয়াও ইনমান্নুয়া; মুয়ানা উয়া মাৎবুরুং স্খাংও দংআমিং, ইন্দিবা দা·আও দংজা, ইন্দাকোবা দা·আবা নিকনুয়া।

ফারাকগিবা খাৎথা 20:11

জা·মানো আংআ গি·সা দাল·বিয়া গিব্বক সিংহাসন আরো উনি সাক্কাও সাকসাখো আসংএ দংআখো নিকজক। উনি মিকখাংওনি হা·গিলসাক আরো সিলগা গিম্মাজক, বিসংনি হা·দাম আর মামিংচাবা দংজাজক।

ফারাকগিবা খাৎথা 21:1

জা·মানো আংআ গি·সা গিত্তাল সিলগা আরো গি·সা গিত্তাল হা·গিলসাকখো নিকজক। স্খাংগিবা সিলগা আরো স্খাংগিবা হা·গিলসাক বন·নাংজকমিং আরো সাগালবা দংজামিং।