২ পিতর 3:2 - Garo New Testament

² রংথালগিবা আগানসোগিবারাং জে খাৎথারাংখো আগানাংজক উরাংখো আরো না·সংনি ওয়াত্তেতারাংচা আনচিংনি গিত্তেল আরো জক্কেৎগিবা জেখো গি·য়েতি দন্নাংজক, আংআ হা·ম্মা জেদাক্কে না·সং উখো গিসিক রা·আ।

২ পিতর 3:2 Iomraidhean Croise

লূকনি চকগিবা নাম্মা খাৎথা 1:70

স্খাংওন ইয়া খাৎথাখো বিয়া আন·থাংনি রংথালগিবা আগানসোগিবারাংনি খু·সুকচা আগানামিং।

লূকনি চকগিবা নাম্মা খাৎথা 24:27

উনি জা·মানো বিয়া মোশিনি আরো গিম্মিক আগানসোগিবারাংনি চক্কারাংওনি হা·বাচেংএ রংথালগিবা শাস্ত্রও বিনি আন·থাংনি গিম্মিনো চকগিবা গিম্মিকখোন বিসংনা থাল্লে আগানজক।

লূকনি চকগিবা নাম্মা খাৎথা 24:44

জা·মানো বিয়া বিসংনা আগানজক, “আংআ না·সংমুং দংমিত্তিংও আগানামিং, মোশিনি নিয়ামও, আগানসোগিবারাংনি চকগিবা আরো গীতরাংও আংনি গিম্মিনো চকগিবা গিম্মিকান চু·সকনা নাংনুয়া।”

ওয়াত্তেতারাংনা 10:43

গিম্মিক আগানসোগিবারাংআন বিনি গিম্মিন ইন্দাকে সাক্ষি হ·ন্নিংআ, বিখো বিবিরা·গিবারাং গিম্মিকান বিনি গুণনি হা·সেল পাপওনি ক্ষেমাখো মা·ন্না।”

ওয়াত্তেতারাংনা 28:23

পৌলমুং আপসান হং·না বিসং সালসাখো থিক দাকজক। পৌলনি দংগিবাও বিসংনি আগ্রেবা বাং·এন রি·বাজক। উনোন পৌল ওয়ালনিওনি হান·থামওনা দিপ্পাৎ ইসলনি সংনকনি গিম্মিন বিসংনা আগানজক আরো হা·আইএতজক। মোশিনি নিয়ামরাংও আরো আগানসোগিবারাংনি খি·তাপওনিখো যীশুনি গিম্মিন আগানে বিসংখো বিবিরা·এতনা হাম·জক।

ওয়াত্তেতারাংনা 3:18

ইন্দিবা ইসল গিম্মিক আগানসোগিবারাংচা স্খাংওন আগানসোআমিং বিনি খ্রীষ্টখো দুক চাকনা নাংনুয়া; আরো উয়া খাৎথাখো ইসল ইন্দাকেন চু·সকেতজক।

ওয়াত্তেতারাংনা 3:21

গিম্মিকখোন ইসল স্খাংনি অবস্থাওনা রা·বাফিলনুয়া ইখো স্খাংওনিন রংথালগিবা আগানসোগিবারাংচা আগানসোআমিং। বিয়া জেওনা দিপ্পাৎ বিনি উয়া খাৎথাখো চু·সকজানুয়া উয়োনা দিপ্পাৎ যীশুখো সালগিও দংনা নাংনুয়া।

গালাতীয়রাংনা 6:2

না·সং সাকসা সাকগিপ্পিননি বোজাখো রিপ্পিএ রা·বো। ইন্দাকেন না·সং খ্রীষ্টনি নিয়ামখো মানিনা মা·ন্নুয়া।

ইফিষীয়রাংনা 2:20

ওয়াত্তেতারাং আরো আগানসোগিবারাং ফাংচাকানি হং·আ, আরো উয়া ফাংচাকানি দাল·গিবা রং·থি খ্রীষ্ট যীশু আন·থাং হং·আ। উয়া ফাংচাকানি সাক্কাওন না·সংখো রিকজক।

ইফিষীয়রাংনা 3:5

গিসিক রংথালগিবাচা উয়া নিং·থুয়া মিকসংআ দা·আও জেগিত্তা বিনি রংথালগিবা ওয়াত্তেতা আরো আগানসোগিবারাংচা ফারাকজক, চেংওনি মান্দিরাংচা উগিত্তা ফারাকজা।

1 তীমথিয় 6:14

আনচিংনি গিত্তেল যীশু খ্রীষ্ট ফারাকখুজা দিপ্পাৎ খাকখেৎ দাক্কে আংনি গি·য়েতাখো মানিয়ে রি·য়াংবো, জেদাক্কে দারাংবা নাং·খো জিনা মান·জা।

২ পিতর 2:21

বিসং নাম্মা কামনি রামাখো হা·আইওবা জে রংথালগিবা গি·য়েতাখো বিসংনা র·ন্নামিং উখো বিসং জেগালামিং। ইন্দাকা অবস্থাও বিসংনা থিক রামাখো হা·আইজান নাম্মা।

২ পিতর 3:15

গিসিকো রা·রিকবো, মান্দিখো পাপওনি জক্কেতাখো মা·ন্না চলখো র·ন্না আনচিংনি গিত্তেল চাকচিকে দংআ। ইয়া আপসান খাৎথাখো আনচিংনি খা·সাগিবা জংআদা পৌলবা ইসলনি রন·গিবা হা·আইয়াচা না·সংনা চকজক।

২ পিতর 3:16

বিনি গিম্মিক চিঠিওন বিয়া ইন্দাকা বিদিংরাংনি গিম্মিনো ইয়া আপসান খাৎথাখোন চক্কা। উরাংনি গিসেপো মিত্তাম বিদিংরাং দংআ জেখো হা·আইনা রাক্কা। উনি গিম্মিন জেরাং জা·রিকগিবা হং·আনি স্খিয়াখো মান·জাজক আরো জেরাংনি গিসিক জাব্রাংআ বিসং দিংথাং শাস্ত্র গিত্তা ইরাংনি অর্থখোবা থাল্লে আগানগিজা আন·থাংথাংনি ব·ন্নাংআনিখো রিক্কামে রা·বাআ।

1 যোহন 4:6

আনচিং ইসলনি; জেআন ইসলখো হা·আইয়া বিয়া আনচিংনি খাৎথাখো খিন্নাআ, ইন্দিবা জেআন ইসলনি হং·জা বিয়া আনচিংনি খাৎথাখো খিন্নাজা। ইরাংচান আনচিং বিবিনি গিসিক আরো দাক্কামব্রুআনি গিসিকখো হা·আইনা মা·ন্না।

যিহূদা 1:17

ইন্দিবা খা·সাগিবা রিপ্পেংরাং, জে খাৎথারাংখো আনচিংনি গিত্তেল যীশু খ্রীষ্টনি ওয়াত্তেতারাং স্খাংআন আগানামিং উখো না·সং গিসিক রা·এ নিবো।

ফারাকগিবা খাৎথা 19:10

উনো আংআ উয়া সা·গ্রেনি জা·চকও থুচিকোপে বিখো ইসল চাচাএ মান্দিরা·এ অলাখিজক। ইন্দিবা বিয়া আংনা আগানজক, “ইয়া মুয়াখো দাক্কিংআ? আংআ নাং·নি গিত্তা নকখল হং·ফা। ইসলখোন অলাখিবো। নাং·নি বিবিরা·গিবা জংআদারাং, জেরাং যীশুনি স্খিয়াখো রিম·মে রা·রিকা/মানিয়া, আংআ বিসংনিন সাকসা হং·আ। যীশুনি স্খিয়ান আগানসোগিবারাংনি স্খিয়ানি চং·মত হং·আ।”