২ পিতর 3:18 - Garo New Testament

¹⁸ না·সং আনচিংনি গিত্তেল আরো জক্কেৎগিবা যীশু খ্রীষ্টনি খা·সাচাক্কাও আরো বিনি বিদিংও হা·আইয়াচা দাল·রোরোআংবো। দা·আও আরো ফাংনাজলনা দিপ্পাৎ বিনিন রাসং হং·খানা। আমেন।

২ পিতর 3:18 Iomraidhean Croise

মথিনি চকগিবা নাম্মা খাৎথা 28:20

আংআ জেখো জেখো না·সংনা গি·য়েৎজক উখো মানিখানা বিসংনা স্খিয়ে হন·বো। নিবো, চাসংনি বন·খামাওনা দিপ্পাৎ ফাংনান আংআ না·সংমুং দংআ।”

মথিনি চকগিবা নাম্মা খাৎথা 6:13

চিংখো রুরাওনা দা·আ গাল্লাবো, ইন্দিবা শয়তাননি জাকনিখো চিংখো জক্কেৎবো।

যোহননা 17:3

নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

যোহননা 5:23

ফাগিবাখো জেদাক্কে দিমদাকান মান্দিরা·আ উয়ানদাক্কে দেফান্থিখোবা মান্দিরা·আ। দেফান্থিখো জে মান্দিরা·জা, বিখো ওয়াত্তেতগিবা উয়া ফাগিবাখোবা বিয়া মান্দিরা·জা।

রোমানরাংনা 11:36

বিচানিন আরো বিগিত্তান গিম্মিক রি·বাআ আরো গিম্মিক বিনা মিংএন হং·আ। ফাংনাজলনা বিনিন রাসং হং·খানা। আমেন।

2য় করিন্থীয়রাংনা 4:6

চিংআ ইয়া খাৎথাখো আগানফ্রাকিংজক, মুয়ানা জেআন আগানামিং, “আন্দালাওনি সেং·খানা,” উয়া ইসলান চিংনি খা·থংও চিং·আমিং, জেদাক্কে বিনি রাসংখো হা·আইয়ানি সেং·আ ফারাকা। ইয়া রাসংআন খীষ্টনি মিকখাংও দংআ।

ইফিষীয়রাংনা 1:17

বি·মিত্তিংও আংআ না·সংখো গুয়ালজা। আংআ বি·আ জেদাক্কে আনচিংনি গিত্তেল যীশু খ্রীষ্টনি ইসল, আগানস্খাওদে উয়া রাসংনি ফাগিবা না·সংনা গিসিকনি হা·আইয়ানি বিলখো র·ন্না, জেদাক্কে না·সং বিখো আরোবা নাম্মেদাক্কে হা·আইনা মা·ন্না।

ইফিষীয়রাংনা 4:15

বাত্তেসা আনচিং খা·সানি গিসিকখো রা·এ খ্রীষ্টনি গিম্মিনো বিবিখো আগান্নুয়া আরো গিম্মিক গিত্তা দাল·রোরোএ খ্রীষ্ট গিত্তা হং·নুয়া। বিয়ান বে·এননি স্খুথং।

ফিলিপীয়রাংনা 3:8

চং·মতদে জেনি হা·সেল আংআ ইয়া নামগিজারাংখো মানিয়ে রা·জক আংনি উয়া গিত্তেল খ্রীষ্ট যীশুখো হা·আইয়াও জে গামচাৎগিবা ফাত্তিয়া দংআ, উমুং দংগিবা গিম্মিকখোন আংআ নামজা ইন্নে চানচিয়া। খ্রীষ্টখো জেদাক্কে আংআ মা·ন্না আরো আংখো জেদাক্কে খ্রীষ্টমুং নাংরিমাখো নিক্কা উনি গিম্মিন আংআ উরাংখো চামবাল ইন্নে চানচিয়া। নিয়ামখো মানিয়ানি গিম্মিন আংআ দোসগ্রি হং·আ ইন্দাকেদে হং·জা, ইন্দিবা খ্রীষ্টখো বিবিরা·আনি গিম্মিন ইসল আংখো দোসগ্রি দাক্কে রা·চাকজক। ইয়া দোসগ্রি ইসলচানি রি·বাআ আরো উয়া বিবিরা·আনি সাক্কাও ফাংচাকা।

কলসীয়রাংনা 1:10

ইনি গিম্মিন না·সং জেদাক্কে খাকখেৎ কামখো দাক্কে বিথি মা·ন্না আরো ইসলখো আরোবা নাম্মেদাক্কে হা·আইনা মা·ন্না; আরো ইন্দাকে গিম্মিকোন জেদাক্কে গিত্তেলখো খুসি দাকনা ইন্নে বিনি খ্রাগিবা হং·এ রি·না মা·ন্না।

2 থিষলনীকীয়রাংনা 1:3

জংআদারাং, না·সংনা সালাজ্রিংআন ইসলখো চিংনি মিৎথেলনা নাংআ। না·সংনি বিবিরা·আ নাম্মেন বাং·ইংজক আরো না·সং সাকসা সাকগিপ্পিননি সাক্কাও খা·সাআ গাপসুয়াকিংজক ইন্নেন চিংনি উয়া মিৎথেলাখো হ·ন্না খ্রাআ।

2 তীমথিয় 4:18

গিত্তেল আংখো গিম্মিক নামগিজা কামওনি রাক্ষিনুয়া আরো নাম্মেদাক্কে থম·থমে বিনি সালগিনি সংনকচা রিম্মাংনুয়া। চাসংওনি চাসংওনা ফাংনাজল বিনি রাসং হং·খানা। আমেন।

পিতর 2:2

দা·আও মা·মাং আৎচিজক ইন্দাকগিবা বি·সা গিত্তা না·সংনি গিসিকনি বাতরোরোআনি গিম্মিন খাকখেৎ সকচিখো মা·ন্না ইন্নে না·সং নাম্মেন হা·সিকমানচাবো, জেদাক্কে উচা বাতরোরোএ না·সং জক্কানি চু·সকাওনা সকনা মা·ন্না।

২ পিতর 1:11

ইনি গিম্মিন আনচিংনি গিত্তেল আরো জক্কেৎগিবা যীশু খ্রীষ্টনি সংনকও না·সংখো হা·সিকমানচাএ রা·চাকনুয়া।

২ পিতর 1:2

ইসল আরো আনচিংনি গিত্তেল যীশুখো নাম্মেদাক্কে হা·আইয়াচা না·সংনি সাক্কাও খা·সাচাক্কা আরো থম·থমা দংখানা।

২ পিতর 1:3

জেআন বিনি রাসং আরো বিনি গুণচা আনচিংখো রিক্কামজক, বিখো নাম্মেদাক্কে হা·আইয়াচান বিনি ইসলনি বিল ইন্দাকাখো রন·জক জেচা আনচিং ইসলনা খা·ফাকে জাংগি মিৎথাংনা মা·ন্না।

২ পিতর 1:8

না·সংনি ইয়া গুণরাং দংওদে আরো উয়া গাপসুয়াকফিল্লেন দংওদে, ইন্দাকোদে আনচিংনি গিত্তেল যীশু খ্রীষ্টখো নাম্মেন হা·আইয়ানি কামও না·সং বিথিগ্রি হং·জানুয়া।

২ পিতর 2:20

আনচিংনি গিত্তেল আরো জক্কেৎগিবা যীশু খ্রীষ্টখো নাম্মে হা·আইয়ানি গিম্মিন হা·গিলসাকনি নামগিজাওনি খাত্তাংএবা জেনসালো বিসং দা·আবা উয়া আপসান নামগিজাও গা·আকা উয়ো হামজাজক, উনো বিসংনি অবস্থা স্খাংনি অবস্থানা বাত্তেবা নামজাজক।

ফারাকগিবা খাৎথা 1:6

বিয়া আনচিংখো রা·এ গি·সা সংনক থারিজক আরো বিনি ফাগিবা আরো ইসলনা দাকচাকে হ·ন্না খামাল দাকজক। ফাংনাজলনা যীশু খ্রীষ্টনি রাসং হং·খানা আরো ফাংনাজলনা বিনি বিল দংখানা। আমেন।