২ পিতর 3:17 - Garo New Testament

¹⁷ খা·সাগিবা জংআদারাং, না·সং ইয়া খাৎথাখো স্খাংআন হা·আইনা মান·জক ইন্নে সিমসাকবো, জেদাক্কে ইন্দাকা বিংবাং মান্দিরাংনি ব্রাংআচা না·সংখো ব্রাংএতজাখানা, আরো না·সংনি গিসিকনি খেম·খেমাওনি না·সং জিত্তাংজা।

২ পিতর 3:17 Iomraidhean Croise

মথিনি চকগিবা নাম্মা খাৎথা 16:11

আংআ না·সংনা রুটিনি গিম্মিন আগানজা ইখো না·সং মুয়ানা হা·আইনা মান·জা? ফরীশী আরো সদ্দূকীরাংনি ওয়ানথিনা না·সং সিমসাকে দংবো।’’

মথিনি চকগিবা নাম্মা খাৎথা 16:6

যীশু বিসংনা আগানজক, ‘‘না·সং সিমসাকে দংবো, ফরীশী আরো সদ্দূকীরাংনি ওয়ানথিনা সিমসাকবো।’’

মথিনি চকগিবা নাম্মা খাৎথা 7:15

“বু·এ চা·গিবা আগানসোগিবারাংনা সিমসাকবো। বিসং মেষনি বিমাংখো রা·এ না·সংচা রি·বাআ, ইন্দিবা নিং·আচাদে বিসং চা·মিন্নকগিবা মাৎচা গিত্তা দাক্কা।

যোহননা 16:4

আংআ না·সংনা ইরাংখো আগানসোজক জেদাক্কে উয়া সাল সকজোকনো আংআ না·সংনা ইরাংখো আগানামিং, ইন্নে না·সং গিসিক রা·আ। “হা·বাচেংওনি আংআ না·সংনা ইরাংখো আগানজা, মুয়ানা আংআ না·সংমুং দংফামিং।

ওয়াত্তেতারাংনা 2:42

উয়া মান্দিরাং ওয়াত্তেতারাংনি স্খিয়াখো খিন্নানুয়ামিং, বিসংমুং আপসান হং·এ গিত্তেলনি মিয়াথামখো চা·নুয়ামিং আরো বি·এ সালখো রি·য়াংএতনুয়ামিং।

রোমানরাংনা 16:18

মুয়ানা ইয়া মান্দিরাং আনচিংনি গিত্তেল খ্রীষ্টনা দাকচাকে হন·গিজা বাত্তেসা আন·থাংথাংনি বিকমানাসা দাকচাকে হ·ন্নিংআ। চি·আ আরো রাসং দাকব্রুআনি খাৎথাখো আগানে বিসং সনথলগিবা মান্দিরাংখো থকাইংজক।

1ম করিন্থীয়রাংনা 10:12

ইনি গিম্মিন সাবা রাক্কে চাদেংএ দংআ ইন্নে চানচিওদে বিয়া গা·আকজানা গিত্তা সিমসাকখানা।

1ম করিন্থীয়রাংনা 15:58

উনি গিম্মিনান, আংনি খা·সাগিবা জংআদারাং, বিল্লাকে চাদেংবো, মামুংআন জেদাক্কে না·সংখো মজিমেতনা মান·জা। ফাংনান গিত্তেলনি কামনা আন·থাংখো চু·গিম্মিক দাক্কে ফাকওয়াতবো, মুয়ানা না·সং হা·আইয়া, বিনি কামনা না·সংনি গাম্মা বিথিগ্রি হং·জা।

2য় করিন্থীয়রাংনা 11:3

ইন্দিবা উয়া চিপ্পু বিনি নামগিজা বুদ্ধিচা জেদাক্কে হবাখো থগিয়েতামিং উয়ানদাক্কে খ্রীষ্টনি গিম্মিন স্রংআ আরো রংথালা অলাখিয়াওনিখো সাবা না·সংখোবা থগিয়েতনা দংআ ইন্নে আংআ খেনমানিংআ।

গালাতীয়রাংনা 5:4

না·সং জেরাং নিয়ামখো মানিয়ে ইসলনি রা·চাকগিবা হং·না হা·ম্মা না·সংদে খ্রীষ্টওনি দিংথাং হং·আংজক, ইসলনি খা·সাচাক্কাওনি জিত্তাংজক।

ইফিষীয়রাংনা 4:14

মান্দিরাং নামগিজা বুদ্ধিচা গিপ্পিনরাংখো ব্রাংআ রামাচানা রা·আংনা জে ব্রাংগিবা স্খিয়াখো স্খিয়েতা, উয়া ব্রাংগিবা স্খিয়াও আনচিং বালওয়াও ফকফেকা গিত্তা ইচা-উচা দাকজানুয়া।

ফিলিপীয়রাংনা 3:2

উয়া আছাকরাংওনি, আগানস্খাওদে জেরাং নামগিজা কামখো দাক্কা আরো বে·এনখো দ্রাএ মাত্তেতনা-বুএতনা দাক্কা বিসংওনি সিমসাকবো!

কলসীয়রাংনা 2:5

বে·এনগ্মাং আংআ না·সংনি গিসেপো দংজাওবা গিসিকচা দংআ আরো নাম্মেদাক্কে না·সংনি রি·য়াখো আরো খ্রীষ্টনি সাক্কাও না·সংনি খেম·খেম বিবিরা·আখো নিক্কে হান·সেংইংজক।

কলসীয়রাংনা 2:8

না·সং সিমসাকবো, জেদাক্কে দারাংবা মান্দিনি বাংবাং দাক্কামব্রুআ চু·য়াকগিবা চানচিবাত্তানি স্খিয়াচা না·সংখো চিপচাংএ সাল্লে রা·আংনা মান·জা। খ্রীষ্টমুং উয়া স্খিয়া আপসান হং·ফাজা; মান্দিনি দাকবেওয়াল আরো হা·গিলসাকনি বাং·আ বেওয়ালরাংনি সাক্কাওন উয়া ফাংচাকা।

2 তীমথিয় 4:15

না·আবা বিনি গিম্মিন সিমসাকে দংবো, মুয়ানা বিয়া আনচিংনি আগানফ্রাকাখো নাম্মেন চাংফেংআমিং।

ইব্রীয়রাংনা 3:14

মুয়ানা স্খাং জে খাকখেৎ খা·দংআ আনচিংনি দংআমিং, আনচিং উয়ো বন·খামাওনা দিপ্পাৎ খেম·খেমে দংওদে নিকনা মা·ন্নুয়া, আনচিং খ্রীষ্টমুং মান·রিকফাগিবা হং·জক।

পিতর 5:9

বিবিরা·আও খেম·খেমে দংএ শয়তানখো চাংফেংবো, মুয়ানা না·সংদে হা·আইয়া, হা·গিলসাক গিম্মিকো না·সংনি বিবিরা·গিবা জংআদারাং আপসান দুকরাংখো চাক্কিংজক।

২ পিতর 2:7

ইন্দিবা লোটখো বিয়া রাক্ষিয়ামিং। লোট ইসলখো অলাখিগিবা মান্দি হং·আমিং। উনি নিয়ামখো মানিগিজাগিবা মান্দিরাংনি নামগিজানা বিয়া দুক মা·ন্নুয়ামিং।

২ পিতর 3:1

খা·সাগিবা জংআদারাং, না·সংচা ইয়ান আংনি গ্মিগিবা চিঠি। গি·গ্মি চিঠিওন আংআ না·সংখো মিত্তাম বিদিংরাংখো গিসিক রা·এতি না·সংনি খাকখেৎ গিসিকখো সিমসাকেতনা হাম·জক।

ফারাকগিবা খাৎথা 2:5

চানচিয়ে নিবো, না·আ বাসিক চু·য়াকাওনি বাসিক খা·মাওনা হং·খাতজক। ইয়া অবস্থাওনি না·আ গিসিক ফিল·বো আরো স্খাংও জে কামরাংখো দাকনুয়ামিং উয়া কামচা ফি·ল্লাংবো। না·আ গিসিক ফিল·জাওদে আংআ নাং·চা রি·বাএ নাং·নি চাক্কি দনচাকগিবাখো দনগিবা হা·দামওনি জিত্তেতি গালনুয়া।