২ পিতর 2:9 - Garo New Testament

^9-10 ইরাংওনি ইখো নিকনা মা·ন্না, জেরাং গিত্তেলখো অলাখিয়া বিসংখো বিয়া রুরাওনি জক্কেৎনা হা·আইয়া। ইনাআগ্রেবা জেরাং অলাখিগিবা হং·জা, মংসংদাক্কে জেরাং বিসংনি পাপ-বেওয়ালনি নামগিজা হা·সিকা গিত্তা রি·য়া আরো শাসনখো চন্নিকা বিয়া বিসংনা শাস্তি মান·খানা বিচালনি সালোনা দিপ্পাৎ দন্নাবা হা·আইয়া। ইয়া বু·এ চা·গিবা স্খিগিবারাং নাম্মেন খেনগিজাগিবা হং·আ। বিসং আন·থাংনি হা·সিকা গিত্তা রি·য়া আরো সালগিসাকনি রাসংখো মান·গিবারাংনি সাক্কাও চন্নিকানি খাৎথাখো আগান্না খেনজা;

২ পিতর 2:9 Iomraidhean Croise

মথিনি চকগিবা নাম্মা খাৎথা 10:15

আংআ না·সংনা বিবিন আগানিংআ, বিচালনি সালো উয়া সংনা বাত্তে সদোম আরো ঘমোরা সংজিলমান বাং·খালে চাকথআনি হং·নুয়া।

মথিনি চকগিবা নাম্মা খাৎথা 6:13

চিংখো রুরাওনা দা·আ গাল্লাবো, ইন্দিবা শয়তাননি জাকনিখো চিংখো জক্কেৎবো।

রোমানরাংনা 2:5

ইন্দিবা নাং·নি খা·থং রাক্কা; না·আদে পাপওনি গিসিক ফিল·না হাম·জা। উনি গিম্মিন ইসলনি খা·আওনাংআ জেনসালো ফারাকনুয়া উয়া সালনা না·আ নাং·নি মা·ন্নাগিবা শাস্তিখো চিম্মংএ দন্নিংজক। উনি সালোন ইসলনি খাকখেৎ বিচাল ফারাকনুয়া।

1ম করিন্থীয়রাংনা 10:13

মান্দিনি জাংগিও জে রুরাআ সক্কা উরাংনি আগ্রে না·সংনি জাংগিও দিংথাং রুরাআ সকজা। ইসল বিবিগিবা হং·আ; চাকনা আগ্রেফিল্লে রুরাআ বিয়া না·সংনি সাক্কাও হন·জানুয়া, বাত্তেসা রুরাওনি হং·খাতানি রামাখো ফিন্নিকেতনুয়া জেদাক্কে না·সং চাকনা মা·ন্না।

2 তীমথিয় 3:12

চংমতদে জেরাং খ্রীষ্ট যীশুমুং নাংরিমে ইসলখো অলাখিয়ে জাংগি মিৎথাংএতনা হা·ম্মা বিসং গিচ্চিনুয়ান।

তীতনা 2:14

যীশু খ্রীষ্ট আনচিংনি গিম্মিন আন·থাংনি জাংগিখো হন·চাকামিং, জেদাক্কে গিম্মিক পাপওনি আনচিংখো জক্কেৎনা মা·ন্না আরো উনি গিম্মিন ইন্দাকগিবা দলসা মান্দিখো রংথালেতনা মা·ন্না জেরাং বিনিসান হং·নুয়া আরো জেরাং গিপ্পিনরাংনা দাকচাকনা হা·সিকনুয়া।

২ পিতর 2:4

সা·গ্রেরাং জেনসালো পাপ দাক্কামিং উনো ইসল বিসংখো ওয়াতজাজক বাত্তেসা নরকনি আন্দালগিবা হা·খলো গাল্লে বিচালনা দনজক।

২ পিতর 3:7

আরো ইসলনি উয়া আপসান খাৎথাচান দা·আওনি সালগিসাক আরো হা·গিলসাকখো ওয়া·আলো সো·এ গালনা দনজক; ইসলনা খা·ফাকগিজা মান্দিরাংনি বিচাল আরো ব·ন্নাংআনি সালনা সক্কে উখো রাক্ষিয়া হং·ইংজক।

যিহূদা 1:6

ইনাআগ্রে জে সা·গ্রেরাং আন·থাংথাংনি মান·রিকানি বিলখো রাক্ষিগিজা আন·থাংথাংনি হা·দামখো ওয়াত্তে রি·য়াংজকমিং বিসংনি খাৎথাখো গিসিক রা·বো। উয়া বিল্লংআনি সালনি বিচালনা মিকসংএ ইসল বিসংখো ফাংনাজলনা আন্দালাও খাএ দনজক।

ফারাকগিবা খাৎথা 3:10

চাকচিকানি জে গি·য়েতাখো আংআ হ·ন্নামিং উখো না·আ মানিজক; উনি গিম্মিন ইয়া হা·গিলসাকনি সাক্কাও জে দুকনি সাল রি·বাংজক উয়া সালওনি আংআ নাং·খো রাক্ষিনুয়া। জেরাং ইয়া হা·গিলসাকনি বিসংখো রুরাএ নিনা ইয়া দুকনি সাল রি·বানুয়া।