২ পিতর 2:4 - Garo New Testament

⁴ সা·গ্রেরাং জেনসালো পাপ দাক্কামিং উনো ইসল বিসংখো ওয়াতজাজক বাত্তেসা নরকনি আন্দালগিবা হা·খলো গাল্লে বিচালনা দনজক।

২ পিতর 2:4 Iomraidhean Croise

মথিনি চকগিবা নাম্মা খাৎথা 25:41

“জা·মানো বিয়া জাক্কাসিচা দংগিবা মান্দিরাংনা আগান্নুয়া, ‘ও শাপ মান·গিবা মান্দিরাং, আংচানি না·সং রি·য়াংবো। শয়তান আরো উনি সা·গ্রেরাংনা দাকসোআ ফাংনাজলনি ওয়া·আলোনা রি·য়াংবো।

মথিনি চকগিবা নাম্মা খাৎথা 8:29

বিসং নাম্মেন জাজ্রেংএতগিবা হং·আমিং, উনি গান্দা দারাংবা উয়া রামা গিত্তা রি·না ফা·জানুয়ামিং। বিসং চ্রিকে আগানজক, ‘‘ও ইসলনি দেফান্থি, চিংমুং নাং·নি মুয়া নাংফাআ? সাল হং·খুজাওন না·আ চিংখো দুক হ·ন্না রি·বাজকমা?’’

লূকনি চকগিবা নাম্মা খাৎথা 10:18

যীশু বিসংনা আগানজক, “আংআ সালগিওনি মিকখা রিপরাপা গিত্তা শয়তাননি গা·আকাখো নিকজক।

লূকনি চকগিবা নাম্মা খাৎথা 8:31

উনোন উয়া গিসিকরাং যীশুখো মল·মলনা হা·বাচেংজক জেদাক্কে বিয়া বিসংখো হা·নিংআচা ওয়াত্তেতজাখানা।

যোহননা 8:44

শয়তানআন না·সংনি ফাগিবা হং·আ আরো না·সং বিনিআন দেদ্রাং হং·আ; উনি গিম্মিন না·সং বিনি হা·সিকাখো চু·সকেতনা হা·ম্মা। শয়তান হা·বাচেংওনিন মান্দি স·ওতগিবা হং·আ। বিয়া মামুং সালোবা বিবিও দংখামজামিং, মুয়ানা বিও বিবি দংজা। বিয়া বু·এ আগানজোকনো আন·থাংওনিন আগানা, মুয়ানা বিয়া বু·এ চা·গিবা আরো গিম্মিক বু·আ বিওনিন আৎচিয়া।

রোমানরাংনা 11:21

মুয়ানা ইসল খাকখেৎ ডালারাংখো ওয়াতজাজক ইনি হা·সেল নাং·খোবা ওয়াতজানুয়া।

রোমানরাংনা 8:32

ইসল আন·থাংনি দেফান্থিখোবা ওয়াতজাজক ইন্দিবা আনচিং গিম্মিকনা বিখো সিয়ানি জাক্কো হন·চাকজক। ইন্দাকোদে বিয়া দেফান্থিমুং আরোবা গিম্মিকখোবা হন·চাকজানুয়ামা?

২ পিতর 2:11

সা·গ্রেরাং বিলও দাল·বাতোবা গিত্তেলচা বিসংনি গিম্মিনো ইন্দাকা মামুং নালিশ দাকজা জেও চন্নিকানি খাৎথা দংআ।

২ পিতর 2:5

আরো বিয়া গিৎচাম হা·গিলসাকখোবা ওয়াতজাজক, বাত্তেসা ইসলনা খা·ফাকাগ্রি মান্দিরাংনি সাক্কাও চি দা·ল্লাখো রা·বামিং; ইন্দিবা নোহ আরো গিপ্পিন সাকস্নিখো বিয়া রাক্ষিয়ামিং। ইয়া নোহ ইসলখো অলাখিয়ানি গিম্মিনো আগানফ্রাকনুয়ামিং।

২ পিতর 2:9

ইরাংওনি ইখো নিকনা মা·ন্না, জেরাং গিত্তেলখো অলাখিয়া বিসংখো বিয়া রুরাওনি জক্কেৎনা হা·আইয়া। ইনাআগ্রেবা জেরাং অলাখিগিবা হং·জা, মংসংদাক্কে জেরাং বিসংনি পাপ-বেওয়ালনি নামগিজা হা·সিকা গিত্তা রি·য়া আরো শাসনখো চন্নিকা বিয়া বিসংনা শাস্তি মান·খানা বিচালনি সালোনা দিপ্পাৎ দন্নাবা হা·আইয়া। ইয়া বু·এ চা·গিবা স্খিগিবারাং নাম্মেন খেনগিজাগিবা হং·আ। বিসং আন·থাংনি হা·সিকা গিত্তা রি·য়া আরো সালগিসাকনি রাসংখো মান·গিবারাংনি সাক্কাও চন্নিকানি খাৎথাখো আগান্না খেনজা;

1 যোহন 3:8

জেআন পাপ দাক্কেন দংআরিয়া বিয়া শয়তাননি হং·আ, মুয়ানা শয়তান স্খাংওনিন পাপ দাক্কে রি·বাংজক। শয়তাননি কামখো ব·ন্নেতনা ইন্নেন ইসলনি দেফান্থি ফারাকামিং।

যিহূদা 1:13

বিসং মিকখা-বালওয়া রাক্কাও সাগালনি চি ফকফেকা গিত্তা দাক্কা; সাগালনি চিনি স্ফু গিত্তান বিসংনি খ্রাচা·আনি কামরাং বালবোআ। বিসং খেম·খেম দংগিজা আস্কি গিত্তান দাক্কা; ফাংনাজলনা নাম্মেন আন্দালা বিসংনা চিম্মংএ দন্না হং·জক।

যিহূদা 1:6

ইনাআগ্রে জে সা·গ্রেরাং আন·থাংথাংনি মান·রিকানি বিলখো রাক্ষিগিজা আন·থাংথাংনি হা·দামখো ওয়াত্তে রি·য়াংজকমিং বিসংনি খাৎথাখো গিসিক রা·বো। উয়া বিল্লংআনি সালনি বিচালনা মিকসংএ ইসল বিসংখো ফাংনাজলনা আন্দালাও খাএ দনজক।

ফারাকগিবা খাৎথা 20:10

জেআন বিসংখো ব্রাংআ রামাচানা রাআংআমিং উয়া শয়তানখো চিং·গিবা গন্ধকনি চিরিংও গাল্লেতা হং·জক। উয়া চিপ্পু আরো দাকমিকা আগানসোগিবাখো স্খাংআন উচা গাল্লেতা হং·জক। উচা বিসং জ্রিংজ্রৎনা সালওয়াল সা·দিকাখো চাকনুয়া।