২ পিতর 2:14 - Garo New Testament

¹⁴ বিসংনি মিক্রোন থি·ল্লেকাও গাপ্পা আরো বিসং পাপ দাক্কাখো দনথংজা। গিসিক খেম·খেম দংগিজাগিবারাংখো বিসং মাদ্দুএতি ব্রাংগিবা রামাচানা রিম্মাংআ। বিসংনি খা·থং মাদ্দুনাসান ্লিংআ। বিসংনি সাক্কাও শাপ দংআ। বিসং স্রংআ রামাখো দন্নে ব্রাংআ রামাচা রি·য়াংজক।

২ পিতর 2:14 Iomraidhean Croise

মথিনি চকগিবা নাম্মা খাৎথা 12:34

চিপ্পুনি দেদ্রাং! আন·থাংসং নামগিজা হং·এ বাদিকে না·সং নাম্মাখো আগান্না মা·ন্না? মান্দিনি খা·থং জেগিত্তা হং·আ খু·সুকদে উখোন আগানা।

মথিনি চকগিবা নাম্মা খাৎথা 23:14

“বু·এ চা·গিবা শাস্ত্র স্খিগিবা আরো ফরীশীরাং, হং·সিখানা না·সংনা! না·সং মান্দিরাংনা ফিন্নিকনা ইন্নে রো·এ রো·এ বি·আ, আরো রান্দিরাংনি গামরাংখো সেক্কে রা·আ। ইনি গিম্মিন না·সং বাং·এ শাস্তি মা·ন্নুয়া।

মথিনি চকগিবা নাম্মা খাৎথা 25:41

“জা·মানো বিয়া জাক্কাসিচা দংগিবা মান্দিরাংনা আগান্নুয়া, ‘ও শাপ মান·গিবা মান্দিরাং, আংচানি না·সং রি·য়াংবো। শয়তান আরো উনি সা·গ্রেরাংনা দাকসোআ ফাংনাজলনি ওয়া·আলোনা রি·য়াংবো।

মথিনি চকগিবা নাম্মা খাৎথা 5:28

ইন্দিবা আংআ না·সংনা আগানিংআ, গিসিকো নামগিজা চানচিয়াখো রা·এ সাকসা মিচিকসাচা নিগিবাদে উনোন গিসিকথাংও বিমুং থি·ল্লেকজক।

মার্ক 13:22

মুয়ানা খ্রীষ্ট দাক্কে বু·এ চা·গিবারাং আরো আগানসোগিবা দাক্কে বু·এ চা·গিবারাং রি·বানুয়া আরো বাং·এ আইয়াও ইনমানানি কামরাংখো দাকনুয়া, জেদাক্কে ইসলনি বাচ্ছিগিবা মান্দিরাংখো মা·ন্নোদে ব্রাংএতনা মা·ন্না।

যোহননা 5:44

না·সং সাকসা সাকগিপ্পিনচাখো রাসংখো মা·ন্না হা·ম্মা, ইন্দিবা সাকসানগিবা ইসলোনিখো মান·গিবা রাসংখো হাম·জা। ইনি জা·মানো না·সং বাদিকে দাক্কে বিবিরা·না মা·ন্না?

রোমানরাংনা 16:18

মুয়ানা ইয়া মান্দিরাং আনচিংনি গিত্তেল খ্রীষ্টনা দাকচাকে হন·গিজা বাত্তেসা আন·থাংথাংনি বিকমানাসা দাকচাকে হ·ন্নিংআ। চি·আ আরো রাসং দাকব্রুআনি খাৎথাখো আগানে বিসং সনথলগিবা মান্দিরাংখো থকাইংজক।

1ম করিন্থীয়রাংনা 11:19

না·সংনি গিসেপো চানচিয়ারাং আপসান হং·জানুয়ান জেদাক্কে ইসলনি মিক্রোনও না·সংনি গিসেপো খাকখেৎ মান্দি সা হং·আ, উখো নিকনা মা·ন্না।

ইফিষীয়রাংনা 2:3

আনচিংবা দিমদাকান স্খাংদে আন·থাংথাংনি পাপ-বেওয়ালনি হা·সিকাখো চু·সকে উয়া মান্দিরাংমুং জাংগি মিৎথাংনুয়ামিং। পাপ-বেওয়ালওনি জে হা·সিকারাং আরো চানচিয়ারাং হং·খাতা উগিত্তা চিংআ কাম দাকনুয়ামিং। ইন্দাকা বেওয়ালনা চিংআবা গিপ্পিনরাং গিত্তা ইসলওনিখো শাস্তি মা·ন্না খ্রাগিবা হং·আমিং।

ইফিষীয়রাংনা 4:14

মান্দিরাং নামগিজা বুদ্ধিচা গিপ্পিনরাংখো ব্রাংআ রামাচানা রা·আংনা জে ব্রাংগিবা স্খিয়াখো স্খিয়েতা, উয়া ব্রাংগিবা স্খিয়াও আনচিং বালওয়াও ফকফেকা গিত্তা ইচা-উচা দাকজানুয়া।

কলসীয়রাংনা 2:18

আন·থাংথাংনি বে·এনখো দুক হ·ন্না আরো সা·গ্রেরাংখো অলাখিনা নাংআ ইন্নে জেরাং চানচিয়া বিসং জেদাক্কে না·সংনি বকসিসখো মা·ন্নাও চাংফেংজা। ইন্দাকগিবা মান্দি জেখো নিকজক ইন্নে দাকমিকা উনি গিম্মিনো দা·ল্লা দা·ল্লা খাৎথাখো আগানা আরো ইন্দাকারিন গাং·বিংআ, মুয়ানা বিসংনি গিসিক পাপ-বেওয়ালনি নিং·আও হং·আ।

যাকোব 1:8

বিয়াদে গিসিকো জাজাগিবা মান্দি হং·আ আরো আন·থাংনি দিমদাক কামওন থম·থমজা।

২ পিতর 2:18

বিসং সেল·গিজা আরো দাল·বিয়া খু·সুকখো আগানা আরো মান্দিনি পাপ-বেওয়ালনি নামগিজা হা·সিকাখো মিকরাকেতি বিসং ইন্দাকা মান্দিরাংখো ব্রাংআ রামাচা রা·আংআ জেরাং খ্রাগিজাও দংখামগিবা মান্দিরাংওনি হং·খাতে রি·বানি রামাও দংআমিং।

২ পিতর 2:3

মাদ্দুএ বু·আনি খাৎথাখো আগানে বিসং আন·থাংথাংনি মান·দাপানি গিম্মিন না·সংখো কাম দাক্কেতনুয়া। বিসংনি শাস্তি স্খাংওনিন বিসংনি সাক্কাও দংআ, আরো বিসংনি ব·ন্নাদে হারিমজাজক।

২ পিতর 3:16

বিনি গিম্মিক চিঠিওন বিয়া ইন্দাকা বিদিংরাংনি গিম্মিনো ইয়া আপসান খাৎথাখোন চক্কা। উরাংনি গিসেপো মিত্তাম বিদিংরাং দংআ জেখো হা·আইনা রাক্কা। উনি গিম্মিন জেরাং জা·রিকগিবা হং·আনি স্খিয়াখো মান·জাজক আরো জেরাংনি গিসিক জাব্রাংআ বিসং দিংথাং শাস্ত্র গিত্তা ইরাংনি অর্থখোবা থাল্লে আগানগিজা আন·থাংথাংনি ব·ন্নাংআনিখো রিক্কামে রা·বাআ।

1 যোহন 2:16

মুয়ানা হা·গিলসাকো জেরাং দংআ- বে·এননি হা·সিকা, মিক্রোননি মাদ্দুয়া আরো নকদাংনি বিদিংও গাং·বিংআ-ইরাং মামুংআন ফাগিবাওনি রি·বাজা, হা·গিলসাকওনিন রি·বাআ।

যিহূদা 1:11

হং·সিখানা উয়া মান্দিরাংনা! বিসং কয়িননি রামাচানা রি·য়াংজক, মান·দাপনা ইন্নে বিলিয়মনি ব্রাংআও আন·থাংথাংখো ফাকওয়াতজক আরো কোরহ গিত্তা বোবিল দাক্কে ব·ন্নাংজক।

ফারাকগিবা খাৎথা 12:9

উনো উয়া দাল·বিয়া চিপ্পু স্খাল আরো বিমুং বিনি সা·গ্রেরাংখো হা·গিলসাকোনা গাল্লেতজক। ইয়া দাল·বিয়া চিপ্পু স্খাল হং·জক উয়া গিৎচাম চিপ্পু জেখো দিয়াবল বা শয়তান মিংআ। বিয়া হা·গিলসাকনি গিম্মিক মান্দিরাংখো ব্রাংগিবা রামাচা রা·আংআ।