২ পিতর 1:8 - Garo New Testament

⁸ না·সংনি ইয়া গুণরাং দংওদে আরো উয়া গাপসুয়াকফিল্লেন দংওদে, ইন্দাকোদে আনচিংনি গিত্তেল যীশু খ্রীষ্টখো নাম্মেন হা·আইয়ানি কামও না·সং বিথিগ্রি হং·জানুয়া।

২ পিতর 1:8 Iomraidhean Croise

মথিনি চকগিবা নাম্মা খাৎথা 13:22

বুসুগ্রিমো গা·আকগিবা বিৎচ্রিচা বিসংখোন আগানজক জেরাং উয়া খাৎথাখো খিন্না, ইন্দিবা নকদাংনা চানচিয়ারাং আরো গামজিননা খা·ফাকারাং উয়া খাৎথাখো দিকফ্রিপে দন্না। উনি গিম্মিন উনো মামুং বিথি নাংজা।

মথিনি চকগিবা নাম্মা খাৎথা 20:3

স্খু বাজিনা হা·ম্মিত্তিংও দা·আবা বিয়া হা·ফালচা রি·য়াংজক আরো বাজালও সাকগিপ্পিনরাংখো কামগ্রি চাদেংএ দংআখো নিকনা মান·জক।

মথিনি চকগিবা নাম্মা খাৎথা 20:6

বংআ বাজিনা হা·ম্মিত্তিংও হা·ফালচা রি·য়াংএ সাকগিপ্পিনরাংনি চাদেংএ দংআখো নিক্কে বিয়া বিসংনা আগানজক, ‘না·সং কাম রিম·গিজা মুয়ানা ইনো চাদেংএ দংআ?’

মথিনি চকগিবা নাম্মা খাৎথা 25:26

বিনি নকগিবা বিনা আগানচাকজক, ‘নামগিজা আরো হারাতগিবা নকখল! না·আদে হা·আইয়ামিং জেও আংআ গোজা উনোনিখো রাত্তা আরো জেও গালজা উনোনিখো চিম্মংআ।

যোহননা 15:2

আংনি বিথি নাংগিজাগিবা ডালারাংখো বিয়া দে·ন্নে গাল্লা, আরো বিথি নাংগিবা ডালারাংখো বিয়া রংথালেতা জেদাক্কোদে উনো বাং·বাত্তে বিথি নাংনা মা·ন্না।

যোহননা 17:3

নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

যোহননা 5:42

ইন্দিবা আংআ না·সংখো হা·আইয়া। আংআ হা·আইয়া না·সংনি খা·থংও ইসলনা খা·ফাক্কা দংজা।

রোমানরাংনা 12:11

ইসলনা ফাংনান না·সংনি হা·সিকবিয়া দংখানা। না·সংনি খা·থং খা·ফাকাও গাপখানা। না·সং গিত্তেলনি কামও বিমচিপে দংবো।

1ম করিন্থীয়রাংনা 15:58

উনি গিম্মিনান, আংনি খা·সাগিবা জংআদারাং, বিল্লাকে চাদেংবো, মামুংআন জেদাক্কে না·সংখো মজিমেতনা মান·জা। ফাংনান গিত্তেলনি কামনা আন·থাংখো চু·গিম্মিক দাক্কে ফাকওয়াতবো, মুয়ানা না·সং হা·আইয়া, বিনি কামনা না·সংনি গাম্মা বিথিগ্রি হং·জা।

2য় করিন্থীয়রাংনা 13:5

না·সং আন·থাংথাংখো নিফিলে নিবো না·সং বিবিন খ্রীষ্টখো বিবিরা·আমা রা·খুজা। না·সং আন·থাংথাংখো নাম্মেদাক্কে নিবো। খ্রীষ্ট যীশু না·সংনি খা·থংও দংআ, ইখো না·সং হা·আইজামা? ইন্দাকোবা নাম্মেদাক্কে নিয়ানি গিম্মিন জেদাক্কে না·সংনি খাকখেৎ হং·গিজাখো রিম·না মান·জা।

2য় করিন্থীয়রাংনা 8:2

বাং·এ দুক চাক্কারাংও বিসংনি নাম্মেন পরীক্ষা হং·আমিং আরো বিসং নাম্মেন দিল্লোবা বিসংনি গিসিকো ইন্দাকফিল্লে হান·সেংআ দংআমিং ইন্নে বিসং জাকস্রামে হ·ন্নামিং।

2য় করিন্থীয়রাংনা 8:7

গিম্মিকান, আগানস্খাওদে বিবিরা·আ, ইসলনি গিম্মিন আগানানি বিল, হা·আইয়া, গিসিক নাংআ আরো চিংনা খা·সা না·সংও জেদাক্কে বাং·এ দংআ উয়ানদাক্কে হ·ন্নানি গুণবা না·সংনি গাপসুয়াকে গা·আকখানা।

2য় করিন্থীয়রাংনা 9:14

ইসলচাখো না·সং জে বন·চাংগিজা খা·সাচাক্কাখো মান·জক উনি গিম্মিন বিসং খা·থং গিম্মিকো না·সংনা বি·নুয়া।

ফিলিপীয়রাংনা 1:9

আংআ বি·না জেদাক্কে না·সংনি খা·সাআ হা·আইয়ামুং আরো বিচাল-বুদ্ধিমুং আপসান হং·এ বাড়িরিকরিকা।

ফিলিপীয়রাংনা 2:5

খ্রীষ্ট যীশুনি জে গিসিক দংআমিং উয়া জেদাক্কে না·সংনি খা·থংওবা দংআ।

ফিলিপীয়রাংনা 3:8

চং·মতদে জেনি হা·সেল আংআ ইয়া নামগিজারাংখো মানিয়ে রা·জক আংনি উয়া গিত্তেল খ্রীষ্ট যীশুখো হা·আইয়াও জে গামচাৎগিবা ফাত্তিয়া দংআ, উমুং দংগিবা গিম্মিকখোন আংআ নামজা ইন্নে চানচিয়া। খ্রীষ্টখো জেদাক্কে আংআ মা·ন্না আরো আংখো জেদাক্কে খ্রীষ্টমুং নাংরিমাখো নিক্কা উনি গিম্মিন আংআ উরাংখো চামবাল ইন্নে চানচিয়া। নিয়ামখো মানিয়ানি গিম্মিন আংআ দোসগ্রি হং·আ ইন্দাকেদে হং·জা, ইন্দিবা খ্রীষ্টখো বিবিরা·আনি গিম্মিন ইসল আংখো দোসগ্রি দাক্কে রা·চাকজক। ইয়া দোসগ্রি ইসলচানি রি·বাআ আরো উয়া বিবিরা·আনি সাক্কাও ফাংচাকা।

কলসীয়রাংনা 1:10

ইনি গিম্মিন না·সং জেদাক্কে খাকখেৎ কামখো দাক্কে বিথি মা·ন্না আরো ইসলখো আরোবা নাম্মেদাক্কে হা·আইনা মা·ন্না; আরো ইন্দাকে গিম্মিকোন জেদাক্কে গিত্তেলখো খুসি দাকনা ইন্নে বিনি খ্রাগিবা হং·এ রি·না মা·ন্না।

কলসীয়রাংনা 2:7

খ্রীষ্টও জা·দিল সু·এ নাপ্পে বিনি গিসেপোন না·সং দাল·রোরোবো। না·সং স্খিয়াখো মা·ন্নে জেখো বিবিরা·জক উয়ো খেম·খেমে দংবো আরো ইসলখো সালাজ্রিং মিৎথেলে দংবো।

কলসীয়রাংনা 3:16

খ্রীষ্টনি খাৎথাখো না·সংনি খা·থংও চু·গিম্মিক দাক্কে দংনা হন·বো। ইসলনি হন·গিবা হা·আইয়াচা সাকসা দা·আও সাকসানা স্খিবো আরো নাম্মাখো আগানবো আরো খা·থংও মিৎথেলে ইসলনা মিংএ গীতরাংনি গীতখো আরো গিসিকনি আরো মিৎথেলানি গীতখো রিং·বো।

1 থিষলনীকী 3:12

গিত্তেল দাকখানা, চিংআ জেগিত্তা না·সংনা খা·সাআ উগিত্তা না·সংবা সাকসা সাকগিপ্পিনখো, আরোবা, গিম্মিকনা খা·সাআ জেদাক্কে বাং·বাতে গাপসুয়াকা।

1 থিষলনীকী 4:1

জংআদারাং আরোবা আগান্না, ইসলখো খুসি দাকনা ইন্নে বাদিকে দাক্কে রি·না নাংআ উয়া স্খিয়াখোদে না·সং চিংচাখো মান·জক, আরো বিবিন না·সং উগিত্তান রি·ইংজক। ইন্দাকোবা গিত্তেল যীশুনি হং·এ চিংআ না·সংখো মল·মলিংজক আরো স্খিয়েতিংজক জেদাক্কে না·সং আরোবা বাং·এ উগিত্তান রি·য়া।

2 থিষলনীকীয়রাংনা 1:3

জংআদারাং, না·সংনা সালাজ্রিংআন ইসলখো চিংনি মিৎথেলনা নাংআ। না·সংনি বিবিরা·আ নাম্মেন বাং·ইংজক আরো না·সং সাকসা সাকগিপ্পিননি সাক্কাও খা·সাআ গাপসুয়াকিংজক ইন্নেন চিংনি উয়া মিৎথেলাখো হ·ন্না খ্রাআ।

1 তীমথিয় 5:13

ইনাআগ্রে বিসং নকরিখিতচা রোমে আলসিয়া হং·না স্খিয়া। বিসং আলসিয়াসান হং·জা, ইন্দিবা হং·গিজা-নাংগিজা খু·সুকখো আগান্না আরো গিপ্পিনখো রা·এ জাচাএ আগান্না স্খিয়া আরো জেখো বিসংনি আগানা খ্রাজা উয়া খাৎথাখো আগানা।

তীতনা 3:14

গিপ্পিনরাংনা দাকচাকানি কামও আন·থাংথাংখো বিমচিপাও দন্না আনচিংনি মান্দিরাংনি স্খিনা নাংনুয়া, জেদাক্কে বিসং গিপ্পিনরাংনি নাংআনিখো র·ন্না মা·ন্না। ইন্দাকে দাক্কোদে বিসংনি জাংগি বিথিগ্মাং হং·নুয়া।

ফিলীমনা 1:6

আংআ ইন্দাকে বি·আ, নাং·নি বিবিরা·আনি গিম্মিন নাং·নি র·ন্নাচা জেদাক্কে খ্রীষ্টনি রাসং হং·আ। ইনাআগ্রেবা খ্রীষ্টমুং নাংরিমে আনচিং জে ফাত্তিয়ারাংখো মান·জক উখো চু·গিম্মিক দাক্কে হা·আইনা মা·ন্নে জেদাক্কে নাং·নি র·ন্নানি কাম আরোবা বাৎরোরোআ।

ইব্রীয়রাংনা 6:12

না·সংনি আলসিয়া হং·আখো চিংআ হাম·জা; চিংআ হা·ম্মা, জেরাং বিবিরা·আচা আরো নাম্মেন চাকচিকাচা ইসলনি খু·রাচাকগিবা ফাত্তিয়াখো মান·রিকা না·সং বিসং গিত্তা হং·বো।

২ পিতর 1:2

ইসল আরো আনচিংনি গিত্তেল যীশুখো নাম্মেদাক্কে হা·আইয়াচা না·সংনি সাক্কাও খা·সাচাক্কা আরো থম·থমা দংখানা।

২ পিতর 1:3

জেআন বিনি রাসং আরো বিনি গুণচা আনচিংখো রিক্কামজক, বিখো নাম্মেদাক্কে হা·আইয়াচান বিনি ইসলনি বিল ইন্দাকাখো রন·জক জেচা আনচিং ইসলনা খা·ফাকে জাংগি মিৎথাংনা মা·ন্না।

২ পিতর 2:20

আনচিংনি গিত্তেল আরো জক্কেৎগিবা যীশু খ্রীষ্টখো নাম্মে হা·আইয়ানি গিম্মিন হা·গিলসাকনি নামগিজাওনি খাত্তাংএবা জেনসালো বিসং দা·আবা উয়া আপসান নামগিজাও গা·আকা উয়ো হামজাজক, উনো বিসংনি অবস্থা স্খাংনি অবস্থানা বাত্তেবা নামজাজক।

২ পিতর 3:18

না·সং আনচিংনি গিত্তেল আরো জক্কেৎগিবা যীশু খ্রীষ্টনি খা·সাচাক্কাও আরো বিনি বিদিংও হা·আইয়াচা দাল·রোরোআংবো। দা·আও আরো ফাংনাজলনা দিপ্পাৎ বিনিন রাসং হং·খানা। আমেন।