২ পিতর 1:4 - Garo New Testament

⁴ বিয়া আন·থাংনি রাসংও আরো গুণচা আনচিংচা গামচাৎবিয়া আরো দাল·বাতাখো খু·রাচাকজক। ইনি মিকসংআ হং·জক, মান্দিনি নামগিজা হা·সিকানি হা·সেল হা·গিলসাকো জে নামজাস্রাং চিম্মংজক উয়োনি না·সং জক্কেতাখো মা·ন্নে জেদাক্কে ইসলনি গিসিক-বেওয়ালখো মান·ফাগিবা হং·আ।

২ পিতর 1:4 Iomraidhean Croise

রোমানরাংনা 9:4

বিসংদে ইস্রায়েল জাতনি মান্দি। ইসল বিসংখো দেফান্থি হং·আনি বিলখো হন·জক, আন·থাংনি রাসংখো ফিন্নিকজক, বিসংনা খু·রাচাক্কাখো থারিজক, নিয়ামরাংখো হন·জক, বিনা দাকচাকে হ·ন্নানি আরো অলাখিয়ানি চলখো থারিজক আরো বাং·এ মানচান খু·রাচাকজক।

2য় করিন্থীয়রাংনা 1:20

বিয়া ফাংনান “হো·এ” হং·আ। ইসলনি গিম্মিক খু·রাচাক্কা খ্রীষ্টও “হো·এ” ইন্নে আগানা। উনি গিম্মিন ইসলনি রাসংনা খ্রীষ্টও আনচিং “আমেন” ইন্নে আগানা।

2য় করিন্থীয়রাংনা 3:18

ইনি গিম্মিন আনচিং জেরাং খ্রীষ্টমুং নাংরিমজক, আনচিং গিম্মিকান মিকখাং ফিনদাপগিজা জানিরাও বিমাংখো নিআ গিত্তা গিত্তেলনি রাসংখো নিক্কেন আন·থাংথাংবা রাসংও দাল·রোরোবাএ দিংথাং হং·ফিলে বিগিত্তান হং·ইংজক। গিত্তেলনি, আগানস্খাওদে গিসিক রংথালগিবানি বিলচান ইন্দাকে হং·আ।

2য় করিন্থীয়রাংনা 6:17

ইসল আরোবা আগানজক, “ইনি গিম্মিন না·সং বিবিরা·গিজাগিবারাংওনি হং·খাতে রি·বাবো আরো দিংথাং হং·বো। মারাং নাংগিবা মামুংখো দা·আ রি·ম্মাবো, ইন্দাকোদে আংআ না·সংখো রা·চাকনুয়া।”

গালাতীয়রাংনা 3:16

অব্রাহাম আরো বিনি দেরিচ্ছুরাংচা ইসল খু·রাচাক্কামিং। রংথালগিবা শাস্ত্র আগানজা, “দেরিচ্ছুরাংচা,” আগানস্খাওদে বাং·আ দেরিচ্ছুরাংচা, বাত্তেসা আগানা, “নাং·নি দেরিচ্ছুচা,” আগানস্খাওদে গি·সা বিৎচ্রিচা, আরো খ্রীষ্ট হং·জক উয়া বিৎচ্রিওনি।

গালাতীয়রাংনা 6:8

পাপ-বেওয়ালখো খুসি দাক্কানি বিৎচ্রিখো গোওদে উয়োনি ব·ন্নানি বিথিখো মা·ন্নুয়া। ইন্দিবা গিসিক রংথালগিবাখো খুসি দাক্কানি বিৎচ্রিখো গোওদে উয়োনি ফাংনাজলনি জাংগিনি বিথিখো মা·ন্নুয়া।

ইফিষীয়রাংনা 4:13

ইনি মিকসংআ হং·জক, জেদাক্কে আনচিং গিম্মিকান ইসলনি দেফান্থিখো বিবিরা·এ আরো বিখো নাম্মেদাক্কে হা·আইনা মা·ন্নে আপসান হং·আ; আরো খ্রীষ্ট জেদাক্কে গিম্মিক গুণও চু·সকগিবা হং·আ, আনচিংবা জেদাক্কে উগিত্তান গিম্মিক গুণও চু·সকগিবা হং·আ। উনোদে আনচিং আরবা বি·সা গিত্তা দংজানুয়া।

ইব্রীয়রাংনা 12:10

আনচিংনি হা·গিলসাকনি ফাগিবারাং জেখো নাম্মা ইন্নে চানচিনুয়ামিং উগিত্তান আনচিংখো শাসন দাকজক, আরো উয়া বাং·গিজা সালনা মা·মাং; ইন্দিবা আনচিংনি নাম্মানান ইসল আনচিংখো শাসন দাক্কা জেদাক্কে বিনি রংথালাখো আনচিং মান·ফা।

ইব্রীয়রাংনা 9:15

ইসল জেরাংখো রিংগামে ফাংনাজলনি মান·রিকানি বিলখো হ·ন্না খু·রাচাক্কামিং বিসং জেদাক্কে উখো মা·ন্না উনি গিম্মিনান খ্রীষ্ট মিংসা গিত্তাল খু·রাচাক্কানি নাংরিমেতগিবা হং·জক। মান্দি ইয়া মান·রিকানি বিলখো মান·জক, মুয়ানা স্খাংগিবা খু·রাচাক্কা দংমিত্তিংও মান্দি জে পাপরাংখো দাক্কামিং উয়া পাপরাংওনি মান্দিখো জক্কেতানি দাম গিত্তা খ্রীষ্ট জাংগিথাংখো হন·চাকামিং।

যাকোব 1:27

রান্দি আরো ফাগ্রি-মা·গ্রিরাংখো দুকনি সালো নিরকখিয়া আরো হা·গিলসাকনি নামগিজারাংনিখো আন·থাংখো গ্রো নাংএতগিজা নাম্মে দাক্কে রাক্ষিয়ান আপফা ইসলনি মিক্রোনও খাকখেৎ হং·গিবা আরো বিবিগিবা থরম হং·আ।

২ পিতর 1:1

আংআ শিমোন-পিতর যীশু খ্রীষ্টনি সাকসা নকখল আরো ওয়াত্তেতা হং·আ। আনচিংনি ইসল আরো জক্কেতগিবা যীশু খ্রীষ্ট খাকখেৎগিবা হং·আ, আরো উনি গিম্মিন না·সংবা চিংনি গিত্তান আপসান বিবিরা·আখো মান·জক। ইনি গিম্মিন আংআ না·সংনা ইয়া চিঠিখো চক্কিংজক।

২ পিতর 3:13

ইন্দিবা আনচিং ইসলনি খু·রাচাক্কা গিত্তা গিত্তাল সিলগা আরো গিত্তাল হা·গিলসাকনা নিচাকসোংআ। উয়ো গিম্মিক ইসলনি হা·সিকা গিত্তা হং·নুয়া।

২ পিতর 3:9

সাবা সাবা চানচিয়া গিত্তেল বিনি খু·রাচাক্কাখো চু·সকেতনা হারিমিংজক, ইন্দিবা উয়াদে হং·জা। চং·মতদে বিয়া না·সংনা চাকচিকিংজক, মুয়ানা সাবা ব·ন্নাংখানা ইখো বিয়া হাম·জা, বাত্তেসা গিম্মিকান জেদাক্কে পাপওনি গিসিক ফি·ল্লা ইখোন বিয়া হা·ম্মা।

1 যোহন 2:25

ইয়ান হং·জক ফাংনাজলনি জাংগি, জেখো খ্রীষ্ট আনচিংনা হ·ন্না খু·রাচাকজক।

1 যোহন 3:2

খা·সাগিবা বি·সারাং, দা·আও আনচিং ইসলনি দেদ্রাং হং·আ, ইন্দিবা জা·মানো মুয়া হং·নুয়া উখো দা·আওবা ফারাকখুজা। ইন্দিদে আনচিং হা·আইয়া, খ্রীষ্ট জেনসালো ফারাকনুয়া উনো আনচিং বিগিত্তান হং·নুয়া, মুয়ানা বিয়া আদতে জেগিত্তা হং·আ, উয়া বিমাংওন আনচিং বিখো নিকনা মা·ন্নুয়া।