২ পিতর 1:16 - Garo New Testament

¹⁶ আনচিংনি গিত্তেল যীশু খ্রীষ্টনি বিল আরো বিনি রি·বাখো না·সংচা আগান্না রি·য়াংএ চিংআ মামুং বানাইগিবা গল্পখো আগানজা; চিংআ বিনি রাসংখো আন·থাংনি মিক্রোনোন নিকজক।

২ পিতর 1:16 Iomraidhean Croise

মথিনি চকগিবা নাম্মা খাৎথা 16:27

মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া।

মথিনি চকগিবা নাম্মা খাৎথা 16:28

আংআ না·সংনা বিবিন আগানিংআ, মান্দিনি দেফান্থিনি রাজা হং·এ রি·বাখো নিকখুজানা দিপ্পাৎ ইনো দংগিবারাংওনি মিত্তামরাং সিখুজানুয়া।”

মথিনি চকগিবা নাম্মা খাৎথা 17:1

উনি সালদকনি জা·মানো যীশু পিতর, যাকোব আরো যাকোবনি জংগিবা যোহনখোসান রিমবিত্তে চুয়াকগিবা হা·ব্রি গি·সাওনা রি·য়াংজক।

মথিনি চকগিবা নাম্মা খাৎথা 24:27

মিকখা রিপরাপাখো জেদাক্কে সালারামচানি সালিরামচানা নিক্কা উয়ানদাক্কেন মান্দিনি দেফান্থিনি রি·বা হং·নুয়া।

মথিনি চকগিবা নাম্মা খাৎথা 24:3

জা·মানো যীশু জৈতুন হা·ব্রিও আসংএ দংমিত্তিংও জা·রিকগিবারাং সিউল দাক্কে বিচা রি·বাএ আগানজক, “চিংনা আগানবো, বাসোকো ইয়ারাং হং·নুয়া আরো বাগিবা চিনখো নিক্কে হা·আইনা মা·ন্নুয়া নাং·নি রি·বানি আরো হা·গিলসাক ব·ন্নানি সাল সকবাজক?”

মথিনি চকগিবা নাম্মা খাৎথা 28:18

উনোন যীশু সেফাংও রি·বাএ বিসংনা ইয়া খাৎথাখো আগানজক, “সালগিনি আরো হা·গিলসাকনি গিম্মিক বিলখো আংনা হন·মানজক।

মার্ক 13:26

উনোন মান্দিরাং মান্দিনি দেফান্থিখো বাং·আ বিল আরো রাসংখো রা·এ গাদিলাও দাক্কে হা·গিলসাকোনা রি·বাখো নিকনা মা·ন্নুয়া।

মার্ক 14:62

যীশু আগানজক, ‘‘আংআন উয়া। না·সং বিল্লাকবাৎগিবা ইসলনি জাক্রাচা মান্দিনি দেফান্থিখো আসংএ দংআখো নিকনুয়া আরো সিলগানি গাদিলাও দাক্কে রি·বাখো নিকনা মা·ন্নুয়া।’’

লূকনি চকগিবা নাম্মা খাৎথা 9:43

ইসলনি বিল্লাকবাত্তাখো নিক্কে গিম্মিকান আইয়াও ইনমানজক। গিম্মিকান যীশুনি দাক্কারাংখো আইয়াও ইনমানে চানচিমিত্তিংও যীশু বিনি জা·রিকগিবারাংনা আগানজক,

যোহননা 1:14

উয়া খাৎথান মান্দি ফি·ল্লে আৎচিজক আরো আনচিংনি গিসেপো দংফাজক। ফাগিবা ইসলনি সাকসা খাম·খাম দেফান্থি গিত্তা বিনি রাসংখো আনচিং নিকজক। বিয়া খা·সাচাক্কাও আরো বিবিও গাপগিবা হং·আ।

যোহননা 17:2

না·আ বিনা মান্দি গিম্মিকনি সাক্কাও বিলখো হন·জক, জেদাক্কোদে না·আ জেরাংখো বিনি জাক্কো হন·জক উয়া গিম্মিকনান বিয়া ফাংনাজলনি জাংগিখো হ·ন্না মা·ন্না।

1ম করিন্থীয়রাংনা 1:17

খ্রীষ্ট আংখো রিপ্পলেতনা ওয়াত্তেতজা বাত্তেসা নাম্মা খাৎথাখো আগানফ্রাকনান ওয়াত্তেতজক। উয়া নাম্মা খাৎথাখো বিয়া আংখো হা·আইগিবারাংনি খু·সুকচা আগানফ্রাকনা ওয়াত্তেতজা, জেদাক্কে খ্রীষ্টনি চিসলো সিয়া বিলগ্রি হং·আরিজা।

1ম করিন্থীয়রাংনা 1:23

ইন্দিবা আনচিং চিসলো দাৎখাপা মান·গিবা খ্রীষ্টনি খাৎথাখো আগানফ্রাকা। উয়া খাৎথা যিহূদীরাংনা চাংফেংআনি আরো গিপ্পিন জাতরাংনা গক্কানি হং·আ,

1ম করিন্থীয়রাংনা 1:7

উনি গিম্মিনান না·সং আনচিংনি গিত্তেল যীশু খ্রীষ্টনি ফারাকানা খা·দংএ নিচাকসোংআ ইন্নে ইসলনি হ·ন্না না·সংনা চু·ওংগিজা দংজা।

1ম করিন্থীয়রাংনা 2:1

জংআদারাং, না·সংচা রি·য়াংএ ইসলনি হন·গিবা নাম্মা খাৎথাখো আগানফ্রাকমিত্তিংও আংআ খিন্নাথোরিরি খু·সুকখো জাকখালজা বা হা·আইবাৎগিবা মান্দি গিত্তা খাৎথা আগানজা।

1ম করিন্থীয়রাংনা 2:4

আংনি আগানফ্রাকাও আরো আংনি আগানা খাৎথাও মান্দিরাংখো সাল্লে রা·আংনা গিত্তা হা·আইয়াও গাপগিবা জিথোআ খাৎথা দংজামিং উনাবাত্তে উয়ো গিসিক রংথালগিবানি বিলখোন নিক্কামিং,

1ম করিন্থীয়রাংনা 5:4

আংনি বিচাল ইয়ান হং·আ, আনচিংনি গিত্তেল যীশুনি বিমুংও জেনসালো না·সং হা·দামসানো থম·দাকনুয়া আরো আংআবা গিসিকচা না·সংমুং দংফানুয়া আরো গিত্তেল যীশুনি বিল আনচিংনি সাক্কাও দংনুয়া,

2য় করিন্থীয়রাংনা 2:17

আন·থাংথাংনি নামগ্মিনা গিম্মিন জেরাং ইসলনি খাৎথাখো রা·এ বাদিংআ চিংআ উয়ানদাকগিবা মান্দিরাং গিত্তা হং·জা; বাত্তেসা খ্রীষ্টমুং নাংরিমে ইসলনি মিকখাংও ইসলনি ওয়াত্তেতা মান্দি গিত্তা চিংআ খাকখেৎ খা·থংওনি খাৎথা আগানা।

2য় করিন্থীয়রাংনা 4:2

মান্দিরাং থুম্মুয়ে খ্রাচা·আনি জে কামরাংখো দাক্কা চিংআ উরাংখো রেকথেক দাকজা। চিংআ কামরাংও বু·আনি মামুংখো দাকজা, ইসলনি খাৎথাও মামুং বু·আনিখো দনজা। বাত্তেসা চিংআ ইসলনি বিবিখো ফারাকে বিনি মিকখাংওন মান্দি গিম্মিকনি গিসিকচা আন·থাংথাংখো রা·চাকনা খ্রাগিবা দাক্কে ফিন্নিকা।

ইফিষীয়রাংনা 4:14

মান্দিরাং নামগিজা বুদ্ধিচা গিপ্পিনরাংখো ব্রাংআ রামাচানা রা·আংনা জে ব্রাংগিবা স্খিয়াখো স্খিয়েতা, উয়া ব্রাংগিবা স্খিয়াও আনচিং বালওয়াও ফকফেকা গিত্তা ইচা-উচা দাকজানুয়া।

ফিলিপীয়রাংনা 3:21

বিয়া আনচিংনি বিলগ্রি বে·এনখো বিনি রাসংগ্মাং বে·এন গিত্তা দাকনুয়া। জে বিলচা গিম্মিকখো বিয়া আন·থাংনি নিং·আও রা·বাআ উয়া বিলচান বিয়া ইয়া কামখো দাকনুয়া।

1 থিষলনীকী 2:19

আনচিংনি গিত্তেল যীশু জেনসালো রি·বানুয়া উনো বিনি মিকখাংও না·সংআন চিংনি খা·দংআনি, হান·সেংআনি আরো রাসংনি মালা হং·জানুয়ামা?

2 থিষলনীকীয়রাংনা 2:9

উয়া বামগিজাগিবা মি·আসা জেনসালো রি·বানুয়া উনো শয়তাননি বিল দংনুয়া। উয়া বিল্লাকা ফারাকনুয়া বু·আনি গিম্মিক চিনও আরো আইয়াও ইনমানানি কামও আরো বিল্লাকানি কামও,

1 তীমথিয় 1:4

বিসংনা ইন্দাকেবা গি·য়েৎবো জেদাক্কে বিসং গল্প আগানারাংও আরো দাল·বিয়া মা·চংরাংও গিসিক হন·জা। ইরাং ইসলনি কামখো গাল্লে বাং·আ জিগ্রিকানিরাংখো থারিয়া ইন্দিবা ইসল বাদিকে দাক্কে বিনি কামখো চালাইয়া উখো বিবিরা·আচা হা·আইনা মা·ন্না।

1 তীমথিয় 4:7

ইসলখো রা·এ অলাখিগ্রি গল্পরাংওনি চে·ল্লে দংবো; উরাংদে বুৎচুমারাংনি বানাইয়া গল্পরাং গিত্তা হং·আ। বাত্তেসা ইসলখো অলাখিনা দাকবো।

তীতনা 1:14

আরো যিহূদীরাংনি গল্প আগানারাংও আরো জেরাং ইসলনি বিবিওনি ফি·ল্লাংজক বিসংনি গি·য়েতাও নাচিল রন·জাখানা।

২ পিতর 2:3

মাদ্দুএ বু·আনি খাৎথাখো আগানে বিসং আন·থাংথাংনি মান·দাপানি গিম্মিন না·সংখো কাম দাক্কেতনুয়া। বিসংনি শাস্তি স্খাংওনিন বিসংনি সাক্কাও দংআ, আরো বিসংনি ব·ন্নাদে হারিমজাজক।

1 যোহন 4:14

চিংআ নিকজক আরো সাক্ষি হ·ন্নিংজক, ফাগিবা দেফান্থিখো মান্দিনি জক্কেৎগিবা দাক্কে ওয়াত্তেতামিং।

যিহূদা 1:14

আদমনি চাসং স্নিগিবা মি·আসা হনোক ইয়া মান্দিরাংনি বিদিংও স্খাংআন আগানামিং, “নিবো, গিত্তেল বিনি হাজাল হাজাল রংথালগিবা সা·গ্রেরাংখো রা·এ দিমদাকখো বিচাল দাকনা রি·বাংজক, আরো খা·ফাকাগ্রি মান্দিরাং খা·ফাকগিজা দাক্কে জে নামগিজা কামরাংখো দাকজক আরো উয়া খা·ফাকাগ্রি পাপীরাং গিত্তেলনি সাক্কাও জে রাক্কা খাৎথারাংখো আগানজক উনি গিম্মিন বিয়া বিসংখো দোস হ·ন্না রি·বাংজক।”

ফারাকগিবা খাৎথা 1:7

নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।