২ পিতর 1:13 - Garo New Testament

¹³ ইন্দিবা আংআ চানচিয়া, জেওনা দিপ্পাৎ আংআ ইয়া তাম্বু গিত্তা বে·এনো থাংএ দংনুয়া উয়োনা দিপ্পাৎ ইয়া বিদিংরাংখো গিসিক রা·এতে না·সংখো মিকরাকেতে দন্না আংনি খ্রাআনি হং·আ;

২ পিতর 1:13 Iomraidhean Croise

2য় করিন্থীয়রাংনা 5:8

চিংআ খেনজা আরো চিংআ বে·এননি নকওনি চে·ল্লে দংএ গিত্তেলমুং দংআখোন নাম্মা ইন্নে চানচিয়া।

ফিলিপীয়রাংনা 1:7

না·সং দিমদাকনা আংনি চানচিয়া ইন্দাকে হং·আন খ্রাআ, মুয়ানা না·সং আংনি খা·সাগিবা হং·আ। আংআ জেলো দংনা বা নাম্মা খাৎথানা চাক্কে চাদেংএ উনি বিবিখো ফিন্নিকনা, উনি হা·সেল না·সং দিমদাকান আংমুং ইসলনি খা·সাচাক্কাখো মান·রিকফাগিবা হং·আ।

ফিলিপীয়রাংনা 3:10

আংআ খ্রীষ্টখো হা·আইনা হা·ম্মা আরো জে বিলচা সিয়াওনি বিখো থাংচাএতামিং উয়া বিলখো হা·আইনা হা·ম্মা। আংআ বিনি দুকরাংখো মান·ফানা হা·ম্মা। জে গিসিকখো রা·এ বিয়া সিয়ামিং আংআবা উয়া গিসিকখো মা·ন্না হা·ম্মা।

2 তীমথিয় 1:6

ইনি গিম্মিন আংআ নাং·না দা·আবা ইয়া খাৎথাখো আগান্না হা·ম্মা-নাং·নি সাক্কাও আংনি জাক দন্নাচা ইসল নাং·না জে হ·ন্নানিখো হন·জক উখো দা·আবা দি·চাবো।

ইব্রীয়রাংনা 13:3

জেরাং জেলো দংআ বিসংমিং জেদাক্কে না·সংবা বন্দি হং·জক, আরো জেরাং গিচ্চিংজক বিসংমিং জেদাক্কে না·সংবা গিচ্চিংজক, ইন্দাকে বিসংনি খাৎথাখো গিসিক রা·বো।

২ পিতর 1:12

ইনি গিম্মিনান আংআ ফাংনান ইয়া বিদিংরাংখো না·সংখো গিসিক রা·এতিংজক। না·সং ইরাংখো হা·আইয়ান আরো জে বিবি না·সংনি খা·থংও দংআ উয়ো খেম·খেমেবা দংআ।

২ পিতর 1:14

মুয়ানা আংআ বাং·এ ইয়া বে·এনো দংজানুয়া ইখো আনচিংনি গিত্তেল যীশু আংনা আগানজক।

২ পিতর 3:1

খা·সাগিবা জংআদারাং, না·সংচা ইয়ান আংনি গ্মিগিবা চিঠি। গি·গ্মি চিঠিওন আংআ না·সংখো মিত্তাম বিদিংরাংখো গিসিক রা·এতি না·সংনি খাকখেৎ গিসিকখো সিমসাকেতনা হাম·জক।